Dhugaaf Jiraanna

❤

"Bantiiwwan waaqaa ulfina Waaqayyoo himaa jiru, wanti bantii waaqaa jalaan mul'atus hojii harka isaa in labsa*."
(Faar. 19:1)

Waan garaan kee jaallatu siif haa kennu! Akeeka kee hundumaas siif haa raawwatu!🔥❤
Far 20:4 .Ameen.

Dhukkuba Dhalootaa fi Qoricha Waldaan Laattu
Dhibee dhaloonni dhibameef Qorichi waldaadhaa dhabame.
Lafa argamuu qabuu qorichi erga dhibamee dhaloonni immoo lubbuu dhaan dhabame. Silaa fayyanii kan jiraachuu qaban du'anii jireenya dhaban.
Isa hafee hambaa ta'u dhiisanii isa dhumee baddu ba'u duukaa gulufuun machii hamaadhaan dhaloota karaatti hambise.
Silaallee gara garaan keenya kajeelletti utuu hin taane gara qajeelfamnetti arreeduutu nurraa eegama ture. Sun sanaaf kun kanaaf utuu hin taane hundumti keenya waan tokko ajajamneerra. Kun immoo Mootummaan Waaqayyo akka dhi'aate dubbachuu fi dhaloota bineensa du'aa harkaa baasuudha. Dhaloonni dhibameera. waldoota hedduu biraa immoo qorichi dhabameera. Dhaloonni dhibamee silaa fayyuu kan qabu dhukkuba ittiin dhibameen dhabame. Baayyeen dhaloota keenyaa wal'aalummaan dhibameera, of tuulummaan dhibameera, of tuffachuun dhibameera, jibbaan dhibameera, inaaffaadhaan dhibameera, of harkaa dhabuudhaan dhibameera, argatee qabaachuun dhibameera. Daawwaan kana hundumaa waldaa kiristaanaa ishee qulqulleettii dhiiga kiristoosiin bitamte kiristoosiin lallabduu fi dhuga baatu isaa taate bira jiraachuu qaba. Waldaan kiristaanaa baayyeen immoo waa iyyoomteetti. Birrii qabdi gamoo ijaarteetti, miseensa qabdi namoota horatteetti, maqaa addaa addaa moggaafatanii kan ittiin of waaman of keessaa qabdi, garuu Hafuura dhugaa isa dhaloota irraa waanjoo caccabsu of gidduutti dhabdeetti. Wal ga'a namootaaf wooca dhalootaatu jira malee argamsi hoolichaa ishee gidduu hin jiru. Lubootaa fi lallabdoota ti'ooloojii iddoo beekamaatti namoota beekaniif beekaman irraa baran hedduu qabdi, Kiristoo kan isaaniif ife Yesuus irraa kan baratan dhalootaaf lubbuu isaanii kan hin mararfanneen immoo iyyoomteetti. Wal dhabdeef jaalala waliif dhabuun warra Waaqayyoof hojjetanii dhaloota gadi ari'e. Bineensi warra gadi baqatan nyaatu immoo ala dhaabbatee dhaloota simate; takka turee dhaloota galaafate. Qalbiitti haa deebinu. Dhaloota dhibamee dhabamaa jiruuf waldaan kiristaanaa qoricha qabaachuu qabdi. Qorichichi immoo Yesuus ilma Waaqayyootti. Dubbii dhugaa sagalee Waaqayyo sirriitti Qajeelchinee haa lallabnu.

Ergaan kun kan keeti
Ameen jedhi siif ta'aa🔥🌹