Muslim Brothers

ለይለቱል ቀድር እና ምልክቶቿ
⏬⏬ ➣➣➣➣ ⏬⏬
ስለለይለቱል ቀድር አዘውትረው የማይሰሙ ሃዲሶች እና ማረጋገጫ ምልክቶች

🔀ስለ ለይለቱል ቀድር የተረጋገጡ ሃዲሶች
እና ማረጋገጫ ምልክቶች የሚከተሉት ናቸው :– አንብበው ሲጨርሱ ሼር
ያድርጉ

⏩“ለይለቱልቀድር” ማለት ምን ማለት ነው? ከዑለማዎች አንደበት:

💫1.👉🏼 “ትልቅ ቀድር ወይም ደረጃ ያላት ለሊት ማለት ነው” ያሉ አሉ፡፡

💫2.👉🏼 “ፍጡራንን የሚመለከቱ የአመቱ ውሳኔዎች የሚተላለፍባት ለሊት ማለት
ነው” ያሉም አሉ፡፡

የለይለቱልቀድር ደረጃዎች

💫1.👉🏼 ቁርኣን የወረደባት ለሊት ነች፡፡ ጌታችን እንዲህ ብሏል፡- “እኛ (ቁርኣኑን)
በለይለተልቀድር አወረድነው፡፡” [አልቀድር፡ 1]

💫2.👉🏼 በሷ ላይ የተፈፀመ ዒባዳ ከሌሎች ለሊቶች በተለየ ምንዳው የበለጠ ነው፡፡

ጌታችን እንዲህ ይላል፡- “ለይለተልቀድር ከሺህ ወር በላጭ ናት፡፡” [አልቀድር፡
3]

💫3.👉🏼 በሷ ውስጥ መላእክት ኸይርን ይዘው ወደ ምድር ይወርዳሉ፡፡

ጌታችን
እንዲህ ይላል፡- “በርሷ ውስጥ መላእክትና መንፈሱ (ጂብሪል) በጌታቸው
ፈቃድ በነገሩ ሁሉ ይወርዳሉ፡፡” [አልቀድር፡ 4]

💫4.👉🏼 ለሊቷ ዒባዳህ የሚበዛባት፣ ሰላም የሚሰፍንባት ለሊት ናት፡፡

ጌታችን እንዲህ
ብሏል፡- “እርሷ እስከ ጎህ መውጣት ድረስ ሰላም ብቻ ናት፡፡” [አልቀድር፡ 5]

💫5.👉🏼 የተባረከች ለሊት ናት፡፡

ጌታችን እንዲህ ብሏል፡- “እኛ (ቁርኣኑን) በተባረከች
ለሊት ውስጥ አወረድነው፡፡”
[አድዱኻን፡ 3]

💫6.👉🏼 በዚች ለሊት አላህ በአመቱ ውስጥ ያሉ የፍጡራኑን የእድሜ እና የሲሳይ
ልኬታዎችን ይፅፋል፡፡

ጌታችን እንዲህ ብሏል፡- “በውስጧ የተወሰነው ነገር
ሁሉ ይልለያል፡፡”
[አድዱኻን፡ 4]

💫7.👉🏼 በዚያች ለሊት ምድር ላይ የሚኖሩት የመላእክት ብዛት ከጠጠሮች ብዛት
የበዛ ነው፡፡

[አልባኒ ሐሰን ብለውታል]

💫8.👉🏼 ለተጠቀመባትና አጅሩን ከአላህ ላሰበ ሰው ከወንጀል መማርያ ለሊት ነች፡፡

ነብዩ ሶለላሁ ዐለይሂ ወሰለም እንዲህ ብለዋል፡-
“ለይለተልቀድር አምኖ እና አስቦ የቆመ ሰው ያለፈ ወንጀሉ ይታበስለታል፡፡”

[ቡኻሪና ሙስሊም]

ስለዚህ ይህቺን ወሳኝና እጅግ የላቀ ዋጋ ያላት ለሊት ለማገኘት የምንችለውን
ሁሉ ልንጣጣር ሌሎችንም ልናበረታታ ይገባል፡፡

አልኢማም ኢብኑልቀይም
ረሒመሁላህ እንዲህ ይላሉ፡-
“ለይለተልቀድር በአመት ውስጥ የምትገኝ አንዲት ቀን ብትሆን እሷን ለማገኘት
ስል አመቱን ሁሉ እቆም ነበር፡፡

በ(ረመዳን) አስር ለሊቶች ውስጥ ከሆነችማ
ምን ነካህ? (እንዴት እዘናጋለሁ?!)” [በዳኢዑልፈዋኢድ፡ 1/55]

ለይለቱልቀድር የምትገኘው በየትኛው ጊዜ ነው?

ለይለተልቀድር የምትገኘው በረመዳን ብቻ ነው፡፡

ከረመዳንም ደግሞ
በመጨረሻዎቹ አስሮች ውስጥ ነው፡፡

ይህንንም የሚያስረዳን ነብዩ ሶለላሁ
ዐለይሂ ወሰለም እንዲህ ማለታቸው ነው፡- “ይቺን ለሊት እየፈለግኩ
የመጀመሪያውን አስር ኢዕቲካፍ አደረግኩኝ፡፡

ከዚያም መካከለኛውን አስር
ኢዕቲካፍ አደረግኩኝ፡፡

ከዚያም (የሆነ አካል) መጥቶኝ ‘እሷ በርግጥም
የመጨረሻው አስር ላይ ናት’ ተባለኝ” ማለታቸው ነው፡፡

ይቺ ታላቅ ለሊት እንዳታልፈን የምንችለውን ሁሉ ልንጣጣር ይገባል፡፡

ነብዩ
ሶለላሁ ዐለይሂ ወሰለም በሐዲሣቸው እንዲህ ብለዋል፡- “በሱ (በረመዳን)
ውስጥ ከአንድ ሺ ወር የምትበልጥ ለሊት አለች፡፡

የሷን ኸይር የተነፈገ
በእርግጥም (ትልቅ ነገር) ተነፍጓል፡፡”

[አልባኒ ሶሒሕ ብለውታል]

መቼ እንፈልጋት?
ባይሆን እጅግ የምትገመተዋ ለሊት 27ኛዋ ለሊት ናት፡፡

ለዚህም ነብዩ ሶለላሁ
ዐለይሂ ወሰለም እንዲህ ማለታቸው ማስረጃ መሆን ይችላል፡-
“ለይለተልቀድርን በ27ኛው ለሊት ውስጥ ፈልጓት፡፡” [አልባኒ ሶሒሕ
ብለውታል]

ላሂቅ ቢን ሐሚድ እና ዐክረማ እንዲህ ብለዋል፣
ዑመር (ረ ዐ) እንዲህ ብለዋል፣ ” ከናንተ ማነው ለይለቱል ቀድር መች
እንደሆነ የሚያውቅ?”

እነሱም መልሰው እንዲህ አሉ፣
” ነብዩ (ሰ ዐ ወ) እንዲህ ሲሉ ሰምተናል ‘ እሷ (ለይለቱል ቀድር)

በመጨረሻዎቹ አስሮች ውስጥ ናት፣ ሰባት ሲያልፍ፣ አልያም ሰባት ሲቀር’
አሉ።

ይህም 23ኛው ለሊት ወይም 27ኛው ለሊት”። ሙስነድ አህመድ ቁ – 2543
አብደላህ ኢብኑ ዐባስ እንዲህ ብለዋል ” አንድ ሰው ወደ ነብያችን (ሰ ዐ ወ)
(በረመዳን)
መጥቶ እንዲህ አላቸው ‘ የ አላህ ነብይ ሆይ እኔ ታማሚ ሽማግሌ ነኝ አላህ
እንዲወፍቀኝ በ
አንዷ ለሊት እዘዘኝ’ አሉ።

ነብያችንም (ሰ ዐ ወ) ‘ሐያ ሰባተኛዋን ለሊት ያዝ’ አሉዋቸው ።

ሙስነድ አህመድ ቁ –2149
ይሁን እንጂ “ለይለተልቀድርን በ23ኛዋ ለሊት ፈልጓት” ማለታቸው እንዲሁም
“ለይለተልቀድርን በመጨረሻዎቹ አስሩ (ለሊቶች) ፈልጓት፡፡

ከተረታችሁ
በመጨረሻዎቹ 7 ላይ አትረቱ” ማለታቸው ለይለተልቀድር ሁሌ በአንድ ለሊት
ላይ እንደማትገደብ ያስረዳል፡፡

በተለይ ደግሞ በዊትሮቹ (21፣ 23፣ 25፣ 27፣
29) የመሆን እድሏ ሰፊ ነው፡፡

ይህን አስመልክተው መልእክተኛው ሶለላሁ ዐለይሂ ወሰለም እንዲህ
ብለዋል፡-
“ለይለተልቀድርን ከረመዳን በመጨረሻዎቹ አስሩ (ለሊቶች) በዊትሮቹ
ፈልጓት፡፡”

[ቡኻሪናሙስሊም]

ይህ ማለት ግን ከናካቴው በሸፍዕ ለሊቶችም ማለትም (22፣ 24፣ 26፣ 28፣
30) አትሆንም ለማለት አይደለም፡፡

ይህንንም ከሚያስረዱን ማስረጃዎች
አንዱ ነብዩ ሶለላሁ ዐለይሂ ወሰለም “ለይለተልቀድርን በረመዳን የመጨረሻዋ
ለሊት ላይ ፈልጓት” ማለታቸው ነው፡፡

[አልባኒ ሶሒሕ ብለውታል] ወሩ 30
ቀናት ከሆነ የመጨረሻው ለሊት ዊትር ቁጥር እንዳልሆነች ይስተዋል፡፡

ከዚህም
ባለፈ ነብዩ ሶለላሁ ዐለይሂ ወሰለም “የሚፈልጋት ሰው በመጨረሻዎቹ አስር
ይፈልጋት” በሌላ ዘገባ ደግሞ “የሚፈልጋት ሰው በመጨረሻዎቹ ሰባት ለሊቶች
ይፈልጋት” ማለታቸው ይህን ያስረዳል፡፡

[ቡኻሪና ሙስሊም]

ይህ አነጋገራቸው ዊትር ያልሆኑት ለሊቶች ተገንጥለው እንደማይወጡ
ያሳያል፡፡

በተለይ ደግሞ በአንዳንድ ዘገባ ላይ እንደመጣው ነብዩ ሶለላሁ ዐለይሂ
ወሰለም እንዲህ ብለዋል፡- “ለይለተልቀድር ከረመዳን በመጨረሻው አስር
ፈልጓት፡፡

9 ሲቀር፤ 7 ሲቀር፤ 5 ሲቀር፡፡” [ቡኻሪ]
ወሩ 29 ቀን ከሆነ 9፣ 7፣ 5 ሲቀር ዊትር የሚሆኑት ከመጨረሻ ወደ ኋላ
ሲቆጠር ነው፡፡

ከመጀመሪያ ለሚቆጥር ግን ዊትር ሳይሆን ሸፍዕ ቁጥር ነው
የሚሆኑት፡፡

ይህም ሸፍዕ ለሊቶችም ላይ የመሆን እድል እንዳለ ያስረዳናል፡፡

ቢሆንም ግን
“ከ(መጨረሻው አስር) በዊትሩ ፈልጓት” ስላሉ ይበልጥ የሚተኮረው በዊትሩ
ሊሆን ይገባል፡፡

በለይለተልቀድር ጊዜ ምን ማድረግ ይጠበቅብናል?
ዒባዳህ ማብዛት፡፡

ነብዩ ሶለላሁ ዐለይሂ ወሰለም “ለይለተልቀድር አምኖ እና
አስቦ የቆመ ሰው ያለፈ ወንጀሉ ይታበስለታል” ይላሉ፡፡

[ቡኻሪና ሙስሊም]

እናም በዚች ለሊት ታላቅነትና መደንገግ አምኖ፣ ከዚያም ለመታየት ለጉራና
መሰል አላፊ ኒያ ሳይሆን አጅሩን ከአላህ በማሰብ እንደሶላት፣ ዱዓእ፣ ቁርኣን
መቅራት፣.. የፈፀመ ሰው ወንጀሉ ይታበስለታል ማለት ነው፡፡

ምልክቶቿ

💫1.👉🏼 “በዚያን ቀን ማለዳ ፀሀይዋ ነጭ ሆና ጨረር ሳይኖራት

ትወጣለች፡፡” [ሙስሊም]

ኢብኑ ዐባስ ረ ዐ እንዲህ ብለዋል ፣
ነብዩ (ሰ ዐ ወ) እንዲህ አሉ ‘ ለይለቱል ቀድር ምሽቷ ቀለል ያለ እና ሠላማዊ
ነው፣

ማለዳውን ፀሐይ ደካማ ብርሃን ያላት ፣ የማትሞቅ የማትበርድ እና ና ቀይ
መልክ ኖሯት
ታነጋለች’ ብለዋል።

( ሰሂህ አልጃሚዕ ቁ – 5475)

እንዲሁም በሌላ ሐዲስ ፀሐይዋ ከፍ እስከምትል ብርሃኗ ደብዛዛ የነሃስ
አይነት መልክ
ይኖረዋል ብለዋል።

አቡ ሁረይራ(ረዐ) እንዲህ አሉ:–
ነብያችን (ሰ ዐ ወ) እንዲህ ብለዋል ‘ ለይለቱል ቀድር 27ኛ ወይም 29ኛ
ለሊት ነች፣
በዚያች ምሽት ወደ ምድር የሚወርዱ መላኢካዎች ቁጥር ካለው የድንጋይ
ቁጥር ይበልጣል’ ብለዋል ።

( ሙስነድ አህመድ ቁ – 10734)
በዚያን ለሊት ዝናብ ሊዘንብ ይችላል፡፡
[ቡኻሪና ሙስሊም]

ቀጣዩ ቀን አየሩ ሞቃትም ብርዳማም ሳይሆን የተስተካከለ ይሆናል፡፡

ፀሀይዋም ደካማና ቀይ ትሆናለች፡፡
[ሶሒሑልጃሚዕ]

ሸይኹልአልባኒ ረሒመሁላህ እንደሚሉት እነዚህ ምልክቶች አንፃራዊ ናቸው፡፡

በአካባቢው ባለው የአየር ሁኔታ ሊወሰን ይችላል፡፡

ስለሆነም በትክክል
ለይለተልቀድር በተከሰተበት ጊዜም እነዚህን ምልክቶች ብዙ የማያያቸው
ሊኖር ይችላል፡፡

ለይለተልቀድር ለሰጋጆች ብቻ አይደለችም!!

የወር አበባ ደም ላይ፣ የወሊድ ደም ላይ ያሉ፣ መንገደኞች… የዚች ለሊት
ትሩፋት አያልፋቸውም፡፡

ማስረጃው ጠቅላይ ነውና፡፡

ባይሆን በዚክርና መሰል ዒባዳዎች ሊበራቱ ይገባል፡፡

ይህን የሚጠቁም
ሀሳብም ከመልካም ሰለፎቻችን ተገኝቷል፡፡

በዚያች ለሊት ዱዓእ ማብዛት ጥሩ
ነው፡፡

እንዳውም ሱፍያኑ አሥሠውሪ ረሒመሁላህ “በለሊቷ ከሶላት ይልቅ
ዱዓእ እኔ ዘንድ የተወደደ ነው” ይላሉ፡፡

ለይለተልቀድር በአይን ትታያለች?
ለይለተልቀድር አላህ በአንዳንድ ባሮቹ ቀልብ ላይ ከወትሮው ለየት ባለ መልኩ
የመረጋጋት ወይም የመለየት ስሜት ከማሳደሩ ውጭ በአይን የሚታይ ነገር
አይደለም፡፡

የሚታየው ምልክቶቿ እንጂ እራሷ አይደለችም፡፡

ነገር ግን ሰዎች
ሊጠመዱ የሚገባቸውም በዒባዳ፣ በዚክር፣ በሶላት፣ በዱዓእ፣ በቁርኣን እንጂ
በወሬ መሆን የለበትም፡፡

ሰዎች የሚጠበቅባቸውን ከተወጡ ለሊቱ ለይለተልቀድር መሆኑን ባያውቁ
እንኳን ትሩፋቷን አያጡም፡፡

ለይለተልቀድር እንደሆነ ውስጡ ያደረ ሰው ምን ያድርግ?

ማጠቃለያ: –
〰〰〰

– ለይለቱል ቀድር በረመዳን የመጨረሻ 10 ቀናቶች በ 21, 23, 25, 27 እና
29 መሆኑን

ሃዲሶች ያረጋግጣሉ።

– አንድ ሰው ሁሌም በትጋት አስካልተጠባበቀ ከነዚህ ቀናቶች በየትኛው
ሊሆን እንደሚችል
እርግጠኛ መሆን አይቻልም ።

– ከምልክቶቹ በሐዲስ በተደጋጋሚ የተረጋገጠው የዚያን እለት ማለዳ ፀሐይ
ስትወጣ ቀይ መልክ ያላትና ብርሃኗ ደብዛዛ የነሃስ መልክ ይኖረዋል፣
አስኪረፍድ ድረስ የሚለው በተደጋጋሚ ተገልጿል ፣
ለምሳሌ 27ኛው ለሊት ከሆነች የረመዳን 26 ፀሐይ ማለትነው።

አላህ ይቺን ታላቅ ለሊት ያድለን፡፡

የምንጠቀምባትም ያድርገን፡፡
ኣሚን፡፡

መልካም ሆኖ ካገኙት ሼር ማድረግ እንዳይረሱ፡፡

ሌሎችንም ተጠቃሚ
ያድርጉ፡፡

ወላሁ አዕለም
አላህ ሁላችንንም ለይለተል ቀድርን ይወፍቀን