Engr Rasheed Rahat Solangi

فضائے بدر پیدا کر فرشتے تیری نصرت کو،
اتر سکتے ہیں گردوں سے قطار اندر قطار اب بھی۔
— علامہ محمد اقبالؒ
غزوۂ بدر ہمیں یہ سبق دیتا ہے کہ جب ایمان مضبوط ہو تو اللّٰہ کی مدد آج بھی اسی طرح نازل ہو سکتی ہے۔

🌙 ۱۰ رمضان المبارک — یومِ وصال

اُمُّ المؤمنین، سیدہ حضرت خدیجہ الکبریٰ Khadija bint Khuwaylid رضی اللہُ عنہا سلامُ اللہِ علیہا کے یومِ وصال پر ہم عقیدت و محبت کے ساتھ خراجِ تحسین پیش کرتے ہیں۔
آپؓ سلامُ اللہِ علیہا وہ عظیم المرتبت ہستی ہیں جنہوں نے آغازِ اسلام میں اپنا مال، اپنا سکون اور اپنی تمام توانائیاں دینِ مصطفیٰ ﷺ پر قربان کر دیں۔ جب سب نے انکار کیا، آپؓ نے تصدیق کی؛ جب سب نے ساتھ چھوڑا، آپؓ ڈٹ کر کھڑی رہیں۔

روایات میں مذکور ہے کہ جب آپؓ سلامُ اللہِ علیہا کے وصال کا وقت قریب آیا تو آپؓ کے دل میں ایک فطری حیا اور احساس تھا۔ آپؓ نے اپنی لختِ جگر سیدہ فاطمہؓ کو حضور نبیِ کریم ﷺ کی خدمت میں بھیجا کہ عرض کریں:
“یا رسول اللہ ﷺ! میری خواہش ہے کہ آپ اپنی چادر عطا فرما دیں تاکہ اسے میں اپنے کفن میں شامل کروں۔”

نبیِ کریم ﷺ نے اپنی مبارک چادر عطا فرمائی۔ مزید برآں روایت میں آتا ہے کہ جبرئیلِ امین علیہ السلام جنت کا کفن لے کر نازل ہوئے۔ یوں سیدہ خدیجہ الکبریٰ رضی اللہُ عنہا سلامُ اللہِ علیہا کو دنیا میں رسولِ اکرم ﷺ کی چادر اور جنت کا کفن نصیب ہوا — یہ اُن کی عظمت، وفا اور قربِ مصطفیٰ ﷺ کی روشن دلیل ہے۔

اللہ تعالیٰ ہمیں اُمُّ المؤمنین سیدہ خدیجہ الکبریٰ رضی اللہُ عنہا سلامُ اللہِ علیہا کی سیرتِ وفا، صبر اور ایثار پر چلنے کی توفیق عطا فرمائے۔ آمین۔