Lars Poulsen - Siumut

Juulliaqqami Pilluaritsi 🎄🌟❤️

Qanortoq Juullip tipaatsunnartuata najorlisi ❤️

Kulaakki, takkajaalaamik saqqummiilaarpunga.

- Takornariqarneq
- Aatsitassarsiorneq
- Suliffissuaqarneq
- Aalisarneq

ANINGAASARSIORFISSANUT NAAGGAARNATA ANINGAASARSIORFISSANUT ANGERTARIAQARPUGUT.

- Takornariaqarnermut, isumaqarpunga takornariaqarnermi, nunatta nalleruminaatsumik kusanassuseqarnerata saniatigut, aallaaviussasoq nunatsinni kulturi, taannaavormi aamma nunatta naalagaaffinngorniarluni piareersarneranut tunngaviusoq. Taakkua tunngavigalugit takornarialerinermut inatsit suliarineqassaaq (sukkanerusariqarpoq) Takornarialerinermut inatsit nunaqavissunut inooriaatsitsinnullu illersuisoq. Inuussutissarsiornikkut inerisaanerit assigiinngisitaartut pilersissavagut sinaakkutit nunami maani najugaqartunut atoruminartut illersuisullu pingaarnertut qitiutillugit.

- Aatsitassarsiorneq, Nunatta pisuussutaanut tamanut oqartussaanerput Namminersorneq pillugu inatsisikkut naqissuserneqarpoq, taamaalilluta nunatta pisuussutaasa qanoq atorneqarnissaat pillugu tamakkiisumik oqartussaanerput qulakkeerneqarluni. Aatsitassarsiornerup nunatsinni aningaasaqarnitsinnut annertuumik sunniuteqarsinnaanera eqqumaffigaarput. Isumalluutinut ilaasariaqarpoq nunatta pisuussutai atorluartariaqarpagut, “qunutuallaarpugut” tunuartissalluta. Inuup peqqissusaanut, pinngortitamut avatangiisunullu akornutaanngitsumik Aatsitassat pinngoqqaatit qaqutigoortut qallortariaqalerpagut.

- Suliffissuaqarneq… aap suliffissuaateqarpugut pisuussutitsinnut nalitunerulersitsisariaqarpugut. Aaqqissuussisariaqarpugut nunatta aningaasaqarneranut nammattussamik. Aalisakkanik tunisassiornerit naleqarnerulersitsiviusumik ingerlanneqartassapput, tunisassiarineqartut suulluunniit suliarereerlugit pisiniarfinni pisiarineqariaannanngortarnissaat suliffissuaqarnitsigut siunertaralugu.

- Aalisarneq, Aalisarnikkut inuussutissarsiorneq nunatta nappatigaa, taamaattumillu ineriartortittuarnissaa naleqqussartuarnissaalu pisariaqarluni. Aalisarnikkut aningaasarsiornerup annertusartuarneratigut pisassiisarnerit avammullu niuernerup Aalisarneq pillugu inatsisissakkut aaqqissuuteqqinnerisigut Nunatta imminut napatilernissaanut aqqutissiuusissaagut. Sinerissap qanittuani aalisagartassiissutaasartut aammalu avataasiortunut aalisagartassiissutaasartut aaqqissuunneqassapput nunatsinnut iluanaarutaanerpaasussaq anguniarlugu, aammalu tamatuma nassatarisaanik aalisaarnerup inunnit amerlanerpaanit inuussutissarsiutaasinnaanissaa anguniarlugu.

Qujanaq - akunneq naalluarisiuk.

Siumup nittartagaa qimerlooruk tunngaviusumik anguniakkat paasissutissallu takukkit.

Inuussutissarsiutit – Siumut Anguniakkat Inuussutissarsiutit 23/08/202323/08/2023 Siumut 948 Views Siumup siunertaraa inuussutissarsiorneq arlalinnik tunngavilik nunanullu allanut unammillersinnaasoq piorsassallugu. Inuussutissarsiutitigut assigiinngiiaartumik aningaasarsiornikkut toqqammaveqarnissaq anguniarlugu suliffeqarfinn...