FlyCalicut

ഒരു വിമാനക്കമ്പനി ആരംഭിക്കാൻ അനുവദിക്കുന്ന തരത്തിൽ ചട്ടങ്ങളിൽ മാറ്റം വരുത്തണമെന്ന് ആവശ്യപ്പെട്ട് അദാനി ഗ്രൂപ്പ് സർക്കാരിനെ സമീപിക്കുന്നത് വലിയൊരു 'താൽപ്പര്യ വൈരുദ്ധ്യത്തിന്' (conflict of interest) വഴിവെക്കുമെന്നും, കാലക്രമേണ അത് ഉപഭോക്താക്കളുടെ താൽപ്പര്യങ്ങൾക്ക് വിരുദ്ധമായി മാറുമെന്നും ഇൻഡിഗോ (IndiGo) സ്ഥാപകനും മാനേജിംഗ് ഡയറക്ടറുമായ രാഹുൽ ഭാട്ടിയ പറഞ്ഞു.

കമ്പനിയുടെ 2026-27 സാമ്പത്തിക വർഷത്തെ ആദ്യ പാദ ഫലങ്ങൾ വിശദീകരിക്കുന്ന യോഗത്തിൽ സംസാരിക്കുകയായിരുന്നു അദ്ദേഹം.

ഈ റിപ്പോർട്ടുകൾ സത്യമാണോ എന്നും നിലവിലുള്ള നയത്തിൽ ഭേദഗതി വരുത്തുന്നുണ്ടോ എന്നും കണ്ടറിയേണ്ടതുണ്ടെന്ന് ഭാട്ടിയ പറഞ്ഞു.

ഡൽഹി, മുംബൈ വിമാനത്താവള നടത്തിപ്പുകാർക്ക് ഏതെങ്കിലും ഷെഡ്യൂൾഡ് വിമാനക്കമ്പനിയിൽ 10 ശതമാനത്തിലധികം ഓഹരി കൈവശം വെക്കുന്നതിന് വിലക്കേർപ്പെടുത്തുന്ന നിലവിലെ വ്യവസ്ഥയിൽ മാറ്റം വരുത്തണമെന്ന് അദാനി ഗ്രൂപ്പ് സർക്കാരിനോട് ആവശ്യപ്പെട്ടെന്ന റിപ്പോർട്ടുകളെക്കുറിച്ചുള്ള ചോദ്യത്തിന് മറുപടി നൽകുകയായിരുന്നു അദ്ദേഹം.