Dr B R Ambedkar Social Reformer Welfare Committee Reg

ਤਿਆਗ,ਸੰਤੋਖ ਤੇ ਸਹਿਯੋਗ ਦੀ ਮੂਰਤ ਮਾਤਾ ਰਮਾਬਾਈ ਅੰਬੇਡਕਰ(7ਫਰਵਰੀ 1898-27 ਮਈ 1935) ਜੀ ਦੇ ਪਰੀਨਿਰਵਾਣ ਦਿਵਸ ਤੇ ਉਹਨਾਂ ਨੂੰ ਦਿਲ ਦੀਆਂ ਗਹਿਰਾਈਆਂ ਤੋਂ ਸ਼ਰਧਾਂਜਲੀ ਭੇਟ ਕਰਦੇ ਹਾਂ।
ਮਾਤਾ ਰਮਾਬਾਈ ਜੀ ਦਾ ਇਕ ਔਰਤ ਦੇ ਤੌਰ ਤੇ ਬਾਬਾ ਸਾਹਿਬ ਡਾ:ਅੰਬੇਡਕਰ ਜੀ ਦੇ ਜੀਵਨ ਵਿਚ ਅਹਿਮ ਯੋਗਦਾਨ ਸੀ।ਸਿਰਫ 9 ਸਾਲ ਦੀ ਉਮਰ ਚ ਮਾਤਾ ਰਮਾਬਾਈ ਜੀ ਦਾ ਵਿਆਹ ਬਾਬਾ ਸਾਹਿਬ ਡਾ:ਅੰਬੇਡਕਰ ਜੀ ਨਾਲ ਹੋ ਗਿਆ।
ਉਹਨਾਂ ਨੇ ਬਾਬਾ ਸਾਹਿਬ ਜੀ ਦੇ ਜੀਵਨ ਚ ਹਰ ਮੋੜ ਤੇ ਉਹਨਾਂ ਦਾ ਸਾਥ ਦਿੱਤਾ।ਉਹਨਾਂ ਨੇ ਬਾਬਾ ਸਾਹਿਬ ਜੀ ਦੇ ਨਾਲ ਜੀਵਨ ਚ ਨਾ ਸਿਰਫ ਆਰਥਿਕ ਤੰਗੀ ਕੱਟੀ ਬਲਕਿ ਮਨੂੰਵਾਦੀ ਤਾਕਤਾਂ ਖਿਲਾਫ ਵੀ ਬਾਬਾ ਸਾਹਿਬ ਜੀ ਦੇ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਖੜੇ ਹੋਏ।
ਚਾਰ ਔਲਾਦਾਂ ਖੋਹਣ ਦੇ ਬਾਵਜੂਦ ਵੀ ਉਹਨਾਂ ਬਾਬਾ ਸਾਹਿਬ ਜੀ ਦਾ ਸਾਥ ਬਿਲਕੁਲ ਇਕ ਸੱਚੇ ਮਿੱਤਰ ਵਾਂਗ ਦਿਤਾ।
ਅੱਜ ਜੋ ਚੰਗੇ ਹਾਲਾਤਾਂ ਦਾ ਆਨੰਦ ਅਸੀਂ ਮਾਣ ਰਹੇ ਹਾਂ, ਉਸਦੀ ਕੀਮਤ ਮਾਂ ਰਮਾ ਨੇ ਆਪਣੇ ਜੀਵਨ ਦੇ ਪਲ ਪਲ ਦੇ ਸੰਘਰਸ਼ ਅਤੇ ਅਣਗਿਣਤ ਦੁੱਖਾਂ ਤਕਲੀਫ਼ਾਂ ਨਾਲ ਅਦਾ ਕੀਤੀ।
ਉਹਨਾਂ ਬਾਬਾ ਸਾਹਿਬ ਜੀ ਦੇ ਕਥਨ,"ਇਕ ਪਤੀ ਪਤਨੀ ਦੇ ਵਿਚ ਰਿਸ਼ਤਾ ਸੱਚੇ ਦੋਸਤਾਂ ਵਾਂਗ ਹੁਣਾ ਚਾਹੀਦਾ ਹੈ।" ਨੂੰ ਬਿਲਕੁਲ ਸੱਚ ਕਰਕੇ ਵਿਖਾਇਆ।
ਬਾਬਾ ਸਾਹਿਬ ਜੀ ਦੇ ਸੰਘਰਸ਼ਮਈ ਜੀਵਨ ਚ ਮਾਤਾ ਰਮਾਬਾਈ ਜੀ ਦੇ ਵਡਮੁੱਲੇ ਯੋਗਦਾਨ ਨੂੰ ਯਾਦ ਕਰਦੇ ਹੋਏ ਉਹਨਾਂ ਨੂੰ ਹਜ਼ਾਰਾਂ ਸਲਾਮ ਕਰਦਾ ਹਾਂ।
ਜੈ ਭੀਮ,
ਜੈ ਮਾਤਾ ਰਮਾਬਾਈ

PNb ਵਲੋਂ ਕੰਪਿਊਟਰ ਕੋਰਸ ਟੈਲੀ ,ਸੋਫਟਵੇਅਰ, ਅਕਾਊਂਟਕੰਪਿਊਟਰਾਈਜ, ਬਿਊਟੀ ਪਾਰਲਰ, ਫਾਸਟ ਫੂਡ, ਫ੍ਰੀ ਕੋਰਸ ਬੱਚਿਆਂ ਨੂੰ ਕਰਵਾਏ ਜਾ ਰਹੇ ਨੇ ਅਡਮੀਸ਼ਨ ਲਾਸਟ ਡੇਟ 18/05/2026 ਹੈ ਜੋ ਬੱਚੇ ਘਰਾਂ ਵਿੱਚ ਬੈਠੇ ਹਨ ਉਹ ਜਰੂਰ ਇਸ ਦਾ ਲਾਭ ਲੈਣ
ਜੈ ਭੀਮ ਜੀ ਜੈ ਭਾਰਤ

ਡਾ ਬੀ ਆਰ ਅੰਬੇਡਕਰ ਸੋਸ਼ਲ ਰਿਫੋਰਮ ਵੈਲਫੇਅਰ ਕਮੇਟੀ ਰਜਿ ਬਜ਼ਵਾੜਾ ਕੱਲਾਂ ਹੁਸ਼ਿਆਰਪੁਰ ਵੱਲੋਂ ਲੱਖ ਲੱਖ ਮੁਬਾਰਕਾਂ
ਰਵਿਦਾਸੀਆ ਕੌਮ ਦੀ ਬੇਟੀ ਰੀਆ ਰਾਣੀ ਨੇ 10ਵੀਂ ਕਲਾਸ ਵਿੱਚ ਪਹਿਲਾਂ ਸਥਾਨ ਪ੍ਰਾਪਤ ਕਰ ਰਵਿਦਾਸੀਆ ਧਰਮ, ਮਾਤਾ ਪਿਤਾ, ਸਕੂਲ, ਹੁਸ਼ਿਆਰਪੁਰ ਪੰਜਾਬ ਦਾ ਨਾਮ ਕੀਤਾ ਰੋਸ਼ਨ
ਮੁੱਖ ਮੰਤਰੀ ਭਗਵੰਤ ਮਾਨ ਜੀ ਨੇ ਕੀਤਾ ਸਨਮਾਨਿਤ

ਮਜ਼ਦੂਰ ਦਿਵਸ ਤੇ ਬਾਬਾ ਸਾਹਿਬ ਦੇ ਯੋਗਦਾਨ ਨੂੰ ਯਾਦ ਕਰਦੇ ਹੋਏ।

ਡਾ. ਅੰਬੇਡਕਰ ਜੀ ਨੇ ਮਜ਼ਦੂਰਾ ਦੀ ਹਾਲਤ ਸੁਧਾਰਨ ਲਈ ਕਿਹੜੇ-ਕਿਹੜੇ ਉਪਰਾਲੇ ਕੀਤੇ?

ਡਾ. ਅੰਬੇਡਕਰ ਜੀ ਨੇ ਮਜ਼ਦੂਰਾਂ ਦੇ ਲਈ ਹੇਠ ਲਿਖੇ ਉਪਰਾਲੇ ਕੀਤੇ ਸਨ :

1. ਉਹਨਾਂ ਮਜ਼ਦੂਰਾ ਵਾਸਤੇ ਕੰਮ ਦਾ ਸਮਾਂ ਨਿਸ਼ਚਿਤ ਕੀਤਾ ਜੋ ਪਹਿਲਾਂ ਨਹੀ ਸੀ।

2. ਔਰਤ ਮਜ਼ਦੂਰਾਂ ਵਾਸਤੇ ਉਹਨਾਂ ਨੂੰ ਜਣੇਪੇ{ਗਰਭ} ਸਮੇਂ ਛੁੱਟੀਆਂ ਦੀ ਸਹੂਲਤ ਦਿੱਤੀ।

3. ਔਰਤ ਕਾਮਿਆਂ ਦੇ ਬੱਚਿਆਂ ਵਾਸਤੇ ਬਾਲਵਾੜੀਆਂ ਦਾ ਪ੍ਰਬੰਧ ਕੀਤਾ।

4. ਸਭਨਾਂ ਮਜ਼ਦੂਰਾ ਵਾਸਤੇ ਜੀਵਨ ਬੀਮਾ ਦੀ ਸਕੀਮ ਚਾਲੂ ਕੀਤੀ।

5. ਖਾਨਾਂ ਵਿੱਚ ਕੰਮ ਕਰਦੇ ਮਜ਼ਦੂਰਾਂ ਦੀ ਸਿਹਤ-ਸਾਂਭ ਅਤੇ ਦਵਾਈ ਦਾਰੂ ਵਾਸਤੇ ਨੇਮ ਬਣਾਏ ।

6.ਮਾਲਕ ਅਤੇ ਮਜ਼ਦੂਰਾ ਵਿਚਕਾਰ ਝਗੜਿਆਂ ਨੂੰ ਹੱਲ ਕਰਨ ਵਾਸਤੇ ਤਿੰਨ ਪੱਖੀ ਕਮੇਟੀਆਂ ਬਣਾਈਆਂ ਅਤੇ ਸਰਕਾਰ ਦੇ ਪ੍ਰਤਿਨਿਧੀ ਲਏ ਗਏ ਤਾਂ ਜੋ ਇੱਕਠੇ ਮਿਲ ਕੇ ਇਹਨਾਂ ਵਿੱਚ ਮਾਲਕ ਤੇ ਮਜ਼ਦੂਰ ਝਗੜਿਆਂ ਦਾ ਫੈਸਲਾਂ ਕਰ ਸਕਣ।

7. ਰੋਜ਼ਗਾਰ ਦਫਤਰ ਕਾਇਮ ਕਰਨ ਦੀ ਸਕੀਮ ਚਾਲੂ ਕੀਤੀ।

8. ਮਜ਼ਦੂਰਾਂ ਨੂੰ ਤਨਖਾਹਾਂ ਦੇ ਨਾਲ ਨਾਲ' ਛੁੱਟੀਆਂ ਦੇਣ ਕੀਤਾ।

9. ਉਹਨਾਂ ਨੇ ਕੋਇਲਾ ਤੇ ਅਬਰਕ ਦੀਆਂ ਖਾਨਾਂ ਵਿੱਚ ਕੰਮ ਕਰ ਰਹੇ ਕਾਮਿਆਂ ਲਈ ਮਜ਼ਦੂਰ ਭਲਾਈ ਫੰਡ ਖੋਲੇ।

10. ਮਜ਼ਦੂਰਾ ਨੂੰ ਘੱਟੋ- ਘੱਟ ਨਿਯਮਿਤ ਮਜ਼ਦੂਰੀ ਦੇਣ ਵਾਸਤੇ ਵੀ ਉਹਨਾਂ ਨੇ ਕਾਨੂੰਨ ਬਣਾਇਆਂ।

11. ਮਜ਼ਦੂਰਾਂ ਦੀਆਂ ਜੱਥੇ-ਬੰਦੀਆਂ { ਯੂਨੀਅਨਾਂ } ਨੂੰ ਵੀ ਲਾਜ਼ਮੀ ਤੌਰ ਤੇ ਮਾਨਤਾ ਦੇਣ ਦੀ ਸਹੂਲਤ ਦਾ ਬਿੱਲ ਕੇਂਦਰੀ ਵਿਧਾਨ ਸਭਾ ਵਿੱਚ 8 ਨਵੰਬਰ 1943 ਨੂੰ ਪੇਸ਼ ਕੀਤਾ ਗਿਆਂ।

12. ਮੁਆਵਜਾ-ਪੂਰਤੀ ਕਾਨੂੰਨ ਵਿੱਚ ਸੋਧ ਕਰਕੇ ਉਹਨਾਂ ਨੇ ਹਰਜਾਨੇ ਦੀ ਰਕਮ ਵਿੱਚ ਵਾਧਾ ਕੀਤਾ।

ਇਹਨਾਂ ਉਪਾਰਲਿਆਂ ਕਰਕੇ ਮਜ਼ਦੂਰਾਂ ਵਾਸਤੇ ਆਪਣੀ ਉਨੱਤੀ ਤੇ ਸੁਰੱਖਿਆ ਦਾ ਮਾਰਗ ਖੁਲ ਗਿਆ।

ਇਹ ਸਭ ਕੁਝ ਡਾ. ਅੰਬੇਡਕਰ ਜੀ ਨੇ ਅੰਗੇਰਜ਼ ਸਰਕਾਰ ਦੀ ਬਿਨਾਂ ਪਰਵਾਹ ਕਰਦਿਆ ਉਸਦੇ ਵਿਰੋਧ ਦੇ ਬਾਵਜੂਦ ਕੀਤਾ।

ਇਸ ਸਮੇਂ ਭਾਰਤ ਵਿੱਚ ਮਜ਼ਦੂਰਾਂ ਦੀ ਭਲਾਈ ਅਤੇ ਸੁੱਰਖਿਆਂ ਦੇ ਜਿੰਨੇ ਵੀ ਕਾਨੂੰਨ ਹਨ ਉਹਨਾਂ ਸਭਨਾਂ ਦਾ ਮੁੱਢ ਬਾਬਾ ਸਾਹਿਬ ਭੀਮ ਰਾਓ ਅੰਬੇਡਕਰ ਜੀ ਨੇ ਹੀ ਬੰਨਿਆਂ ਸੀ ।