KNEF

എസ് അനന്തകൃഷ്ണൻ എൻഡോവ്മെൻ്റ് വിതരണം ചെയ്തു

പാലക്കാട്: കേരള ന്യൂസ് പേപ്പർ എംപ്ലോയീസ് ഫെഡറേഷൻ സ്ഥാപക നേതാവായിരുന്ന എസ്. അനന്തകൃഷ്ണന്റെ നാമധേയത്തിൽ കെ എൻ ഇ എഫ് സംസ്ഥാന കമ്മിറ്റി ഏർപ്പെടുത്തിയ അനന്തകൃഷ്ണൻ എൻഡോവ്മെൻ്റ് വിതരണം പാലക്കാട് ശിക്ഷക് സദനിൽ നടന്നു. എംപി വി. കെ. ശ്രീകണ്ഠൻ ഉദ്ഘാടനവും അവാർഡ് വിതരണവും നടത്തി. പത്താം ക്ലാസിൽ ഉന്നത വിജയം നേടുന്നവർക്കാണ് അവാർഡ്. കെ എൻ ഇ എഫ് സംസ്ഥാന പ്രസിഡൻ്റ് വി.എസ്. ജോൺസൺ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി ജയ്സൺ മാത്യു, പ്രസ് ക്ലബ് സെക്രട്ടറി എം. ശ്രീനിഷ്, കെ എൻ ഇ എഫ് സംസ്ഥാന സെക്രട്ടറി ടി.പി. സന്തോഷ്, ജില്ലാ പ്രസിഡൻ്റ് എം. അരവിന്ദാക്ഷൻ, സെക്രട്ടറി ടി.കെ. ഷൈജു, കെ എൻ എഫ് സംസ്ഥാന ട്രഷറർ എം. ജമാൽ ഫൈറൂസ്, വിദ്യാർത്ഥി പ്രതിനിധി കെ. അപർണ്ണ തുടങ്ങിയവർ പ്രസംഗിച്ചു.