Raju Raval

આજે માર્ચ માહનો અંતિમ દિવસ એટલે નાણાંકીય કામકાજનો આખરી દિવસ.
મિત્રો આ સંદર્ભમાં બીજી વાત કરું તો હિસાબ -કિતાબ એ ગણિતનો અને ગણનાનો વિષય છે જે મન સાથે સંલગ્ન છે. લાગણી એ હૃદયનો વિષય છે અને હૃદય એ ભાષા સાથે સંલગ્ન છે. હૃદય ક્યારેય નફાતોટાની વાત નથી સમજતું . હું પણ હૃદયનો, લાગણીનો , ભાષાનો માણસ છું ને હું નફા નુકસાનના સરવૈયાનો સરવાળા કરવામાં નબળો સાબિત થયો છું.

દોસ્તો.લાગણીનાં વળી લેખા જોખા થોડા થાય.?લાગણી કે પ્રેમ એ લીટર, મીટર કે કિલોલિટર માં થોડી મપાય છે?

આજે નાણાંકીય વર્ષની આખરે મને અધધધ માત્રામાં મળેલ તમામ મિત્રોને કહેવું છે કે, આવો દોસ્તો આજ આખર તારીખ છે, સબંધોનો સ્ટોક લઈએ.નુકસાની વાળી કે ખોટ ખવાય એવી આઈટમનો સ્ટોક ખલાસ- ખાલસા કરીએ.સબંધોનું અંદાજ પત્ર જોઈ લઈએ તો ખબર પડે કે કેટલા આપણા છે અને આપણે કેટલાના છીએ.

બસ મિત્રો દિલથી મળતા રહીએ, પ્રેમથી પલળતા રહીએ મન થી મહેકતા રહીએ
ભીતરથી ઝળહળતા રહીએ ને
ગલગલીયા થયા જો, તો ગમતાનો ગુલાલ કરતા રહીએ.
સાથ, સમય ને સમર્પણની ભેટ ઘરનારા મિત્રોને સદાય ભેટતા રહીએ..

દુઃખ- દર્દના દસ્તાવેજો પર દસ્તખત કરવાનું આજથી બંધ અને હસી ખુશીની રશીદ ઇસ્યુ કરવાનું આજ થી ચાલુ દોસ્તો...
Raju Raval Raju Raval

®®®રાજુ રાવલ