Infinity Coaching Classes

!
#विज्ञानइतिहासातीलरंजकगोष्टी

श्रीनिवास रामानुजन यांचा जन्म दिन!
(२२ डिसेंबर १८८७)

अफाट बुद्धीमत्ता, विनम्रतेचा कळस, महान गणिती म्हणजेच Mr. Infinity - श्रीनिवासन रामानुजन!

स्वातंत्र्यपूर्व काळात जन्मलेल्या रामानुजन यांनी Number Theory, Infinite Series, Continued Fractions या विषयांचा सखोल अभ्यास केला होता व या विषयांमध्ये अमूल्य असे योगदान दिले होते. त्या काळात कागद खरेदी करण्यास परवडत नसल्यामुळे रामानुजन पाटीवर गणिते सोडवत असत. पाटीवर सोडवत असताना जागा कमी पडते म्हणून मंदिराच्या फरश्यांवर ते गणिते सोडवत असत. त्याचमुळे कमीत कमी पायऱ्यांमध्ये गणिते सोडवण्याची ही सवय त्यांना पुढे आयुष्यभर जडली.

प्रा. हार्डी यांनी त्यांचा शोधनिबंध वाचल्यानंतर त्यांना इंग्लंड येथे पुढील शिक्षणासाठी बोलावले. रामानुजन यांनी आपल्या अलौकिक बुद्धीने विविध संशोधनपर लेख खूप कमी वेळात प्रसिद्ध केले.
रामानुजन - हार्डी क्रमांक, रामानुजन sqare सारखी काही गंमतशीर उदाहरणे लहान मुलांना गणिताची आवड निर्माण करण्यासाठी नक्कीच उपयोगी पडतील.
वयाच्या अवघ्या तिसाव्या वर्षी रॉयल सोसायटीचे सदस्यत्व त्यांना मिळाले होते. कमकुवत प्रकृतीच्या रामानुजन यांना इंग्लंडमध्ये गेल्यापासून श्वसनसंस्थेशी संबंधित त्रास सुरू झाला होता.अवघ्या ३३व्या वर्षी हा महान गणिती जग सोडून निघून गेला. रामानुजन यांच्या जाण्याने भारताच्या गणिती क्षेत्राचे कमालीचे नुकसान झाले असे म्हणायला हरकत नाही.

विनम्र अभिवादन!

माहिती स्रोत-
विकिपीडिया
गणिती-अच्युत गोडबोले

*Team INFINITY!*
(9404945021)

Even Chellam sir knows....!😜🤩