Digital Prabhat

केंद्रीय चित्रपट प्रमाणन मंडळाचे (CBFC) माजी अध्यक्ष आणि बॉलिवूडचे ज्येष्ठ चित्रपट निर्माते पहलाज निहलानी यांचे वयाच्या ७६ व्या वर्षी निधन झाले. ते काही काळापासून यकृताच्या (लिव्हर सिरोसिस) आजाराने त्रस्त होते. त्यांच्या पश्चात पत्नी नीता आणि विशाल, दीपेश, चिराग ही तीन मुले असा परिवार आहे. १९८२ मध्ये 'हाथकडी' चित्रपटातून आपल्या कारकिर्दीची सुरुवात करणाऱ्या निहलानी यांनी 'शोला और शबनम' आणि 'आंखें' यांसारखे अनेक सुपरहिट चित्रपट दिले. २०१५ ते २०१७ या काळात सेन्सॉर बोर्डाचे अध्यक्ष असताना त्यांचे अनेक निर्णय चर्चेत राहिले, ज्यामुळे चित्रपट स्वातंत्र्य आणि सेन्सॉरशिपवर देशभरात मोठी चर्चा रंगली होती. त्यांच्या निधनाने चित्रपटसृष्टीत मोठी शोककळा पसरलीय.