Suvichar

આ ધારામાં વહેવું ઘણું આકરું છે,
કશું પણ ન કહેવું ઘણું આકરું છે.

બધા બુધ્ધિમાનોની વચ્ચે અહીં પર,
ખરેખર તો રહેવું ઘણું આકરું છે.

ભૂજાઓને બાંધી સમંદરમાં પડવું,
અને એમાં તરવું ઘણું આકરું છે.

સમજમાં ન આવે એવી વાત પર પણ,
સમાધાન કરવું ઘણું આકરું છે.

બાંધીને પાટા બધા જેમ આંખે ,
ચાલ્યા જ કરવું ઘણું આકરું છે.

મળે નૈ મથામણ પછી તોડ એના,
વિચારોમાં રહેવું ઘણું આકરું છે.

માંગ્યુ મરણ ”સ્તબ્ધ” મળતું નથી જ્યાં,
જીવતું ય રહેવું ઘણું આકરું છે.

– કૌશલ શેઠ

સંકટમાં સદાય રાખ્યા છે રખોપા જગતના નાથે,
દર્શન દે છે નાથ, હરહંમેશ રાખજો સાથ..

હવે ભગવાન દ્વારકાધીશ જગતમંદિરના દ્વાર પણ આજ સાંજથી દર્શનાર્થીઓ માટે ખુલી ગયા છે.

સર્વે ભક્તોને મારા જય રણછોડ...🙏જય દ્વારકાધીશ...🚩