Astro Mithrah - Malayalam

മഹാദേവന് ഏറ്റവും പ്രധാനമായ വഴിപാടാണ് ധാര. ശിവലിംഗത്തിന് മാത്രമേ ധാര പതിവുള്ളു. ജലധാരയാണ് സാധാരണ നടത്താറ്. സാമ്പത്തിക സ്ഥിതി അനുസരിച്ചു ക്ഷീരധാര, ഇളനീർധാര എന്നിവ വഴിപാടായി സമർപ്പിക്കാവുന്നതാണ്.മഹാദേവന് സമർപ്പിക്കുന്ന ധാരയിൽ നക്ഷത്രജാതന്റെ പേരിലും നാളിലും മൃത്യുഞ്ജയ അർച്ചനയുണ്ട് .

പൊതുവെ രോഗപരിഹാരത്തിനുള്ള വഴിപാടാണ് ധാര. എങ്കിലും ഓരോ ദിവസവും ജലധാര നടത്തുന്നതിന് ഓരോ ഫലമാണ്.

മഹാദേവന് ശനിയാഴ്ച ധാര വഴിപാടു സമർപ്പിക്കുന്നത്തിലൂടെ സകല ദുരിതങ്ങളും നീങ്ങും എന്നാണ് വിശ്വാസം. ചില ശിവക്ഷേത്രങ്ങളിൽ വൈകുന്നേരങ്ങളിൽ ധാര സമർപ്പിക്കാറുണ്ട് . ഇങ്ങനെയുള്ള ക്ഷേത്രത്തിൽ ശനിയാഴ്ച വൈകിട്ട് ധാര വഴിപാടു നടത്തുന്നത് കേസുവഴക്കുകൾ , പെട്ടെന്ന് വരുന്ന ആപത്തുകൾ എന്നിവ ഒഴിയാൻ നല്ലതാണ് .

ചൊവ്വാഴ്ച ധാര സമർപ്പിക്കുന്നതിലൂടെ ധനനേട്ടം , ഭൗതിക സുഖം എന്നിവയാണ് ഫലം.

പൗർണമി നാളിൽ ധാര കഴിപ്പിക്കുന്നതു ഐശ്വര്യം വർധിക്കും എന്നാണ് വിശ്വാസം . കൂടാതെ ഈ ദിനത്തിൽ വൈകിട്ട് ദേവീ ക്ഷേത്രത്തിൽ ഭഗവതി സേവ വഴിപാടായി സമർപ്പിച്ചു കണ്ടു തൊഴുന്നതു കുടുംബ ദുരിതം നീക്കും.

കണ്ണൻ നിത്യവും ശീവേലിക്കെത്തുന്ന പ്രദക്ഷിണ വഴി ശുദ്ധീകരിക്കുന്ന വഴിപാടാണ് ശയനപ്രദക്ഷിണം. ഭക്തനെയും ഭഗവാനെയും സേവിക്കുന്ന ത്യാഗനിർഭരവും ലളിതവുമായ വഴിപാടാണിത്.
ഭക്തർ നേരിട്ടു നടത്തുന്ന ഈ വഴിപാടുകൾ ദേവസ്വത്തിന്റെ വഴിപാട് പട്ടികയിൽ ഇല്ല. അതുകൊണ്ട് ശീട്ട് എടുക്കേണ്ടതില്ല. ശീവേലി, കാഴ്ചശീവേലി, ശ്രീഭൂതബലി സമയത്ത് ശയനപ്രദക്ഷിണം പാടില്ല. ദേവസ്വത്തിന്റെ നിയന്ത്രണങ്ങൾ ഇല്ലാത്ത മറ്റു സമയങ്ങളിൽ ഭക്തർക്ക് ശയനപ്രദക്ഷിണം നടത്താം.
ക്ഷേത്രക്കുളത്തിൽ കുളിച്ചു തലയും മേലും തോർത്താതെ ഈറനായി കൊടിമരച്ചുവട്ടിൽ എത്തും. നടയ്ക്ക നേരെ കിടന്നു സാഷ്ടാംഗം നമസ്ക്‌കരിച്ച് കണ്ണടച്ച് പ്രദക്ഷിണമായി ഉരുണ്ടു തുടങ്ങും.
തിരക്കേറുമ്പോൾ ശയനപ്രദക്ഷിണം ചെയ്യാൻ തടസ്സമാവുമെന്നതിനാൽ ദേവസ്വം നിയന്ത്രണങ്ങൾ ഏർപ്പെടുത്താറുണ്ട്. മുൻപ് സ്ത്രീകളും ശയനപ്രദക്ഷിണം ചെയ്തിരുന്നു. 2007 ൽ ക്ഷേത്രത്തിൽ നടത്തിയ അഷ്‌ടമംഗല പ്രശ്നത്തിൽ സ്ത്രീകൾ ശയനപ്രദക്ഷിണം ചെയ്യുന്നത് വിലക്കി. പകരം അടിപ്രദക്ഷിണം നടത്തിയാൽ മതിയെന്നാക്കി.
ശയനപ്രദക്ഷിണത്തിൻ്റെ മാതൃകയിൽ സ്ത്രീകൾ കൊടിമരത്തിനു മുന്നിൽ നിന്നു തുടങ്ങി, ഓരോ അടിയും അളന്നളന്ന് നാമം ജപിച്ചു സാവധാനം നടക്കുന്നതാണ് അടി പ്രദക്ഷിണം. തിരക്കുള്ളപ്പോൾ അടി പ്രദക്ഷിണത്തിനും നിയന്ത്രണമുണ്ട്.

ധനത്തിൻ്റെയും ഐശ്വര്യത്തിന്റെയും ദേവിയായ ലക്ഷ്മ‌ിയേയും സമ്പത്തിൻ്റെ ദേവനായ കുബേരനേയും ഒന്നിച്ചു ഭജിച്ചാൽ കടം വീട്ടും, കിട്ടാക്കടം തിരിച്ചു കിട്ടും🙏🙏🙏

ലക്ഷ്മ‌ീ കുബേര മന്ത്രം നിത്യവും ജപിക്കൂ🙏🙏

ലക്ഷ്മ‌ീ കുബേര മന്ത്രം

ഓം ഹ്രീം ശ്രീം ക്രീം ശ്രീം
കുബേരായ അഷ്ടലക്ഷ്മീ മമ
ഗൃഹേ ധനം
പുരായ പുരായ നമഃ