HI HAKIM app

جووت بوون لە کاتی سوڕی مانگانەدا

زۆر لە ئێوە پرسیاری جووت بوون لە کاتی سوڕی مانگانەم لێ دەکەن.

دەبێت پێتان بڵێم کە گرنگی جووت بوون لە پەیوەندی هاوسەرێتیدا لە کەس شاردراوە نییە, ئارەزووی سێکسی ژن و پیاو بۆ یەکتری یەکێکە لە هۆکارەکانی پتەوکردنی ژیانی هاوسەرێتی.

لە کاتی سوڕی مانگانەدا دەتوانین بڵێین پەیوەندی سێکسی ژن و پیاو دەوەستێت و لە دوای هەفتەیەکدا دووبارە دەست پێدەکاتەوە.

بە پێی پرسیار و ڕای گشتی ئارەزووی سێکسی ئافرەتان لە کاتی سووڕی مانگانەدا کەم دەبێتەوە بەڵام هەندێ لە خانمان بە پێچەوانەوە لەم کاتەدا ئارەزووی سێکسیان زیاد دەکات بەڵام لەگەڵ ئەوەشدا ئامادەنین پەیوەندی سێکسی لەگەڵ هاوسەرەکانیان بەرقەرار بکەن.

جووت بوون لە کاتی سووڕی مانگانەدا دەتوانێت یەکێک بێت لە هۆکارە مەترسی دارەکانی زۆربوونی نەخۆشییە گواستراوە سێکسیەکان، لە کاتی سووڕی مانگانەی ئافرەتدا دەمی ڕەحم کراوەیە و لە روویەکی دیکەشدا خوێن ژینگەیەکی لە بارە بۆ گەشەسەندنی بەکتریا و میکرۆبەکان کەواتە پەیوەندی سێکسی لەم کاتەدا پێشنیار ناکرێت. سه ره راى ئه وه ش جووت بوون لەم کاتەدا مەترسی نەخۆشی هەوکردنی ئالەتی پیاوی لەگەڵدایە.

زۆربەی خانمان پێیان خۆش نییە هاوسەرەکانیان لە کاتی سووڕی مانگانەدا بەم شێوەیە بیان بینێت سەڕەڕای ئەوەش پەیوەندی سێکسی لەم کاتەدا دەتوانێت ببێتە هۆکاری پیس بوونی دەورەبەر. بینینی ئەمەش بۆی هەیە بۆ هەردولا بێزارکەر و ناخۆشبێت.

د. مەعسومە مەحمود
پسپۆڕی ژنان و مناڵبوون و نەزۆکی و چاندنی مناڵی بلوری
پسپۆڕی نەخۆشیەکانی مەمک و گرێی مەمک

شیرپێدان پەیوەندی نێوان دایک و کۆرپەلە بەهێز دەکات و هەروەها توانای ئافرەت بۆ بەرهەمهێنانی شیر زیاد دەکات وە شیری دایک هەموو ئەو خۆراکەماددانەی تێدایە کە منداڵەکەی پێویستی پێیەتی. لەکاتی شیرداندا هەندێک هۆرمۆن لە لەشی دایکدا دەردەدرێت و ئەمەش بەندی دایکایەتی زیاد دەکات وەک: پرۆلاکتین و ئۆکسیتۆسین کە هەستێکی بەهێزی خۆشەویستی و بەستنەوەی نێوان دایک و منداڵەکەی بەرز دەکاتەوە .
وە هەروەها ڕێگەیەکی پاراستنی سروشتی بۆ نەهێشتنی سکپڕی دەدات، چونکە پرۆلاکتین ڕێگری لە زیادبوونی ھۆرمۆنی ئیسترۆجین و پرۆجسترۆن دەکات و بەم شێوەیە ڕێ لە کرداری هێلکەدان دەگرێت، و سوڕی مانگانە دوادەخات و هەروەها شێرپەنجەیی کۆئەندامی زاوزێ و خەمۆکی دوای منداڵبوون کەم دەکاتەوە.

دکتۆرە هدی محی الدین بۆ راوێژکاری ژنان و منداڵ بوون
‏‎بڕوانامەی بۆرد (عراقی) لە نەخۆشییەکانی ژنان و منداڵبوون