PDK PRESS

١٨٠ پله‌ سوڕانه‌وه‌!

بافڵ و تاقمه‌که‌ی و میدیا و په‌یجه‌کانی تا دواخوله‌کی هه‌ڵبژاردنی سه‌رۆک کۆماری عێراق ده‌یانگوت؛ تاکه‌ کاندیدی ڕه‌سمی یه‌کێتی به‌رهه‌م ساڵحه‌! ئه‌وه‌ جگه‌ له‌وه‌ی بافڵ له‌ هاوپه‌یمانه‌کانیان ده‌پاڕایه‌وه‌ و "داوای لێدەکردن وه‌ک چۆن هەمیشە لە سەختترین‌ و دژوارترین هەلومەرجدا لەگەڵیان ڕاوەستاوه‌ وەک بەڵێنی پێدابوون، ئه‌وانیش له‌گه‌ڵیان بوه‌ستن". به‌وه‌ش وادیاره‌ بافڵ پێشتر زۆربه‌ڵێنی دابێت و سازشی زۆری بۆ کردبن، به‌ڵام ئه‌مه‌ش دادی نه‌دان و مالکی و کوتله‌که‌ی ده‌نگیان پێ نه‌دان.

سه‌یر ئه‌وه‌یه‌ دوای ده‌رچوونی له‌تیف ڕه‌شید بۆ پۆستی سه‌رۆک کۆمار (که‌ یه‌کێتی ده‌نگیان پێنه‌دا) بافڵ و تاقمه‌ شکستخواردووه‌که‌ی، وه‌ک ئه‌وه‌ی نه‌ بای دیبێت نه‌ باران، (١٨٠) پله‌ له‌ هه‌ڵوێست و قسه‌کانی پێشوویان بایاندایه‌وه‌ و پشتیان له‌ به‌رهه‌م ساڵح کرد و به‌وپه‌ڕی ڕووقایمی گوتیان؛ سه‌رکه‌وتین!
ئه‌رێ کام سه‌رکه‌وتنه‌؟! خۆ ناحه‌قیان نیه‌ ئه‌وان له‌ کاتێکدا شانازی به‌ خیانه‌ته‌وه‌ بکه‌ن و به‌رده‌وام خه‌ریکی پیلان داڕشتن له‌ دژی دۆسته‌کانیان و ته‌نانه‌ت تیرۆر کردنی کادری خۆشیان بن و سازش بۆ غه‌زعه‌لی و هاوئاوازه‌کانیان بکه‌ن، بێگومان ئه‌وانه‌ به‌ سه‌رکه‌وتن ده‌زانن.

به‌ڕاستی حزبێک که‌سێکی لاسار و بێ پره‌نسیپ و بێ ئه‌ته‌کێت و خاوه‌ن ئه‌و جۆره‌ ڕه‌فتار و شێوازه‌ سیاسه‌ت کردنه‌ سه‌رۆکی بێت، جێگای به‌زه‌یین.