Reema Cooking

اطحني شويه هيل وخلي جوه ايدج ومو طحن ناعم كلش خلي بي شويه كبر وكلما طبختي مرك لحم او دجاج استخدمي
البصل اذا جان صغير خلي كامل وقلبي بشويه زيت لحد مايتحمر بعدها ضيفي الهيلات اللي طحنتيهم رشه صغيره وخلي اللحم او الدجاج وقلبيهم (الدجاج بدون سلك بس اللحم حسب رغبتج مسلوك او مباشرتا تقلبي بالزيت)لحد مايكسب وجه عالطرفين وراها ضيفي الفلفل الاسود مع الملح وضيفي المرك اذا بقى عندج مي سلك اللحم او مي حار وخلي مكعبين ماجي لحم اذا جنتي تطبخين لحم و اتركي على نار متوسطه من ساعه ونص لحد ساعتين واذا جان اللحم بصعوبه يستوي فخلي كيس نايلون غطي غطاء محكم بعد نص ساعه راح تلاحضين فرق بالقوام
علينه وعليكم بالف عافيه🤍🤍

#كركوك

استخدمي هالعجينه لكل انواع المعجنات
جيبي كيلو طحين
كوبين مي ( الكوب الثاني ضيفي بالتدريج )
رشه ملح
ثلات ارباع الكوب زيت
ملعقتين خمره
للنكهه ضيقي حبه بركه او سمسم حسب رغبتكم
والحليب اضافته حسب الرغبه اني ماضفته اليوم
خلي ببالج انو اكو طحين نسبه البروتين مالته عاليه اللي هو يمتص نسبه مي ويكون مشدود اكثر بالعجن
واكو طحين نسبه البروتين بي واطيه اللي احنه نسمي سيال
يعني تحسبا لطبيعه الطحين ضيفي كوب المي الثاني بالتدريج مو ضروري انتي تحتاجي كله
وبعد ساعه شوفي حجمها شلون يتضاعف وتصير وياج عجينه جوكر لكلشي تگدرين تستخدميها والجبن كل مره تسألوني عن النوعيه صورتها الكم اني استخدم موزريلا مرسين استخدمي هالعجينه من تسوين
بيتزا
فطائر
صمون
او خبز صاج