SevenT For

ស្ថានីយ៍ប៉ូលិស Lamduan នៅខេត្តបូរីរ៉ាម ប្រទេសថៃ បានឃាត់ខ្លួនបុរសកម្ពុជាមួយរូប ដែលត្រូវសង្ស័យថា ជាសមាជិកនៃអង្គភាព BHQ (Bodyguard Headquarters) ដែលជាអង្គភាពយោធាខ្ពង់ខ្ពស់ស្ថិតក្រោមការគ្រប់គ្រងផ្ទាល់របស់ប្រធានព្រឹទ្ធសភាកម្ពុជា សម្តេច ហ៊ុន សែន។ ប៉ូលិសបានយកអាវុធមួយដើម និងឯកសណ្ឋានយោធាច្រើនដែលមានសញ្ញាសម្គាល់ BHQ ពីផ្ទះរបស់គេ។

បុរសនោះបានទទួលសារភាពថា គាត់ធ្លាប់បម្រើការជាម្នាក់ក្នុងកងទ័ព ប៉ុន្តែបានបដិសេធការចារត។ គាត់បញ្ជាក់ថា បានចាកចេញពីកងទ័ពតាំងពីឆ្នាំ ២០២១។ ទោះជាយ៉ាងណា ប៉ូលិសនៅតែមានការសង្ស័យ ដោយសារគាត់ធ្វើដំណើរកាត់ព្រំដែនជាញឹកញាប់ រួមទាំងការត្រលប់មកថៃវិញក្នុងខែមិថុនា មុនពេលមានការប៉ះទង្គិចព្រំដែនមួយ។

កងទ័ពថៃមានផែនការសួរនាំបន្ថែមចំពោះបុរសនេះ។

សមាជិកគូជីវិតរបស់គាត់ឈ្មោះ Joy បានឲ្យដឹងថា គាត់មិនដឹងអំពីការជាប់ពាក់ពន្ធ័របស់ប្ដីនឹងកងទ័ពនោះនោះទេ ហើយក៏មិនដឹងថា តើគាត់បានឯកសណ្ឋានទាំងនោះពីណា។ គូស្វាមីភរិយានេះបានជួបគ្នាកាលពី ៣ឆ្នាំមុន នៅបារ (host bar) ក្នុងក្រុងប៉ាតាយ៉ា ហើយបច្ចុប្បន្នរស់នៅជាមួយគ្នា នៅខេត្តបូរីរ៉ាមជាមួយកូនប្រុសអាយុ ១ឆ្នាំ។ នាងបន្ថែមថា ប្ដីនាងមិនបានធ្វើការណាមួយ ចាប់តាំងពីផ្លាស់ទីមករស់នៅទីនោះ។