We Tech

ស្មារតីរួបរួម រួមគ្នាតែមួយ!
អ្នកនៅជួរក្រោយ ប្រឹងប្រែងធ្វើការ រកសុី យើងត្រូវបង្កើនទ្វេដង ដើម្បីជាស្បៀងប្រជាជន និងកងទ័ព ពង្រឹងសេដ្ឋកិច្ចជាតិ 🇰🇭🇰🇭។

សូមគោរពអញ្ជើញថ្នាក់ដឹកនាំ លោក លោកស្រីចូលរួម វគ្គបណ្តុះបណ្តាល អ្នកធុរកិច្ចទីផ្សារបណ្តាញ៕

ពិធីប្រគល់អំណោយដល់វិរៈកងទ័ពនៅតំបន់ព្រំដែន ខេត្តព្រះវិហារ

នៅថ្ងៃសុក្រ ទី១៩ ខែកញ្ញា ឆ្នាំ២០២៥ ឧកញ៉ាសាស្ត្រាចារ្យបណ្ឌិត សាង អ៊ាប ប្រធានគណៈកម្មការអភិវឌ្ឍន៍សេដ្ឋកិច្ចក្រៅប្រព័ន្ធ រាជធានី-ខេត្ត និងជាប្រធានក្រុមប្រឹក្សាភិបាលសមាគមសម្ពន្ធភាពកសិកម្ម ជលផល ធនធានទឹក និងបរិស្ថានកម្ពុជា និងលោកជំទាវ ក្នុងនាមតំណាងឯកឧត្តមឧកញ៉ាសាស្ត្រាចារ្យសមូហកបណ្ឌិត ឡី សុភាព បានដឹកនាំក្រុមការងារនាំយកអំណោយជាស្បៀង សម្ភារៈ និងថវិកា ប្រគល់ជូនដល់បងប្អូនវិរៈកងទ័ពកម្ពុជា ដែលកំពុងឈរជើងការពារព្រំដែននៅតំបន់ស្រអែម ខេត្តព្រះវិហារ។

ពិធីនេះបានទទួលស្វាគមន៍យ៉ាងកក់ក្តៅពីថ្នាក់ដឹកនាំយោធាប្រចាំតំបន់ និងវិរៈកងទ័ពជាច្រើន។

សកម្មភាពរបស់ឧកញ៉ាសាស្ត្រាចារ្យបណ្ឌិត សាង អ៊ាប គឺជាការបង្ហាញឱ្យឃើញពី ចិត្តសប្បុរស និងទឹកចិត្តជាតិនិយមដ៏ខ្ពង់ខ្ពស់ ក្នុងការចូលរួមគាំទ្រយុទ្ធសាស្រ្តការពារមាតុភូមិ។ សកម្មភាពនេះ មិនត្រឹមតែជួយជំរុញទឹកចិត្តកងទ័ពឱ្យរឹងមាំក្នុងការអនុវត្តភារកិច្ចទេ ប៉ុន្តែថែមទាំងជាគំរូដ៏ល្អឲ្យសង្គមកម្ពុជា ក្នុងការរួមចំណែកជួយគ្នាទៅវិញទៅមក។

យើងខ្ញុំទាំងអស់គ្នាស្រលាញ់ សន្តិភាព ការពារសន្តិភាព និងកិច្ចសហប្រតិបត្តិការគ្រប់បណ្តាប្រទេសនានា ព្រមទាំងជឿជាក់យ៉ាងមោះមុតចំពោះសម្តេចតេជោធិបតី និងគោរពតាមការដឹកនាំរបស់សម្តេចបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។
#ឧកញ៉ាសាស្ត្រាចារ្យបណ្ឌិតសាងអ៊ាប