Matenak

នៅថ្ងៃទី៧ ខែឧសភា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា បានអញ្ជើញអម សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងកិច្ចប្រជុំត្រីភាគីកម្ពុជា-ថៃ-ហ្វីលីពីន រៀបចំដោយ ឯកឧត្តម ហ្វឺឌីណាន់ រ៉ូម៉ូលដេស ម៉ាកូស ជូញៀ ប្រធានាធិបតីហ្វីលីពីន នៅកោះសេប៊ូ ប្រទេសហ្វីលីពីន។

On 7 May 2026, His Excellency Deputy Prime Minister PRAK Sokhonn, Minister of Foreign Affairs and International Cooperation of Cambodia, accompanied Samdech Moha Borvor Thipadei HUN Manet, Prime Minister of the Kingdom of Cambodia, to a trilateral meeting between Cambodia-Thailand-Philippines, hosted by His Excellency Ferdinand R. Marcos, Jr., President of the Republic of the Philippines, on Cebu Island, the Philippines.

ប្រភពក្រសួងការបរទេស និងសហប្រតិបត្តិការ

លោកជំទាវ ចិន ច័ន្ទមុនី តំណាងអង្គភាពប្រឆាំងអំពើពុករលួយ (អ.ប.ព.) ចូលរួមពិធីបុណ្យវិសាខបូជា នៅភ្នំព្រះរាជទ្រព្យ (ឧដុង្គ) និងចូលរួមពិធីពុទ្ធាភិសេក និងបុណ្យផ្កាប្រាក់សាមគ្គី នៅវត្តព្រះវិហារលើ

នៅថ្ងៃសុក្រ ១៥ កើត ខែពិសាខ ឆ្នាំមមី អដ្ឋស័ក ព.ស. ២៥៦៩ ដែលជាថ្ងៃឈានចូល ព.ស. ២៥៧០ ត្រូវនឹងថ្ងៃទី១ ខែឧសភា ឆ្នាំ២០២៦ លោកជំទាវ ចិន ច័ន្ទមុនី ឧបការី និងជាប្រធានក្រុមប្រឹក្សាវិន័យ និងត្រួតពិនិត្យផ្ទៃក្នុង តំណាង អ.ប.ព. បានអញ្ជើញចូលរួមពិធីបុណ្យវិសាខបូជា នៅភ្នំព្រះរាជទ្រព្យ (ភ្នំឧដុង្គ) ស្ថិតក្នុងស្រុកពញាឮ ខេត្តកណ្តាល ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហ៊ី សោភា ប្រធានក្រុមប្រឹក្សាធម្មនុញ្ញ និងលោកជំទាវ។

ក្នុងឱកាសនោះ លោកជំទាវឧបការី បានដឹកនាំមន្ត្រីរាជការ អញ្ជើញនាំយកគ្រឿងសក្ការៈបូជា រួមមាន ទៀន ធូប ផ្កាភ្ញី និងចង្ហាន់កញ្ចប់ ដាក់​បាត្រប្រគេនព្រះសង្ឃ ជាកិច្ចបង្ហើយពិធីបុណ្យ ។

បន្ទាប់ពីបញ្ចប់ពិធី លោកជំទាវឧបការី និងសហការី បានអញ្ជើញនាំយកទេយ្យទាន និងបច្ច័យចំនួន ១លានរៀល របស់ កិត្តិនីតិកោសលបណ្ឌិត ទេសរដ្ឋមន្ត្រី ប្រធាន អ.ប.ព. និងមហាឧបាសិកាសាសនូបត្ថម្ភក៍ ឡុង វិសាខា និងបុត្រា បុត្រី ចៅប្រុស ចៅស្រី ចូលរួមប្រារព្ធពិធីពុទ្ធាភិសេក និងបុណ្យផ្កាប្រាក់សាមគ្គី នៅវត្តព្រះវិហារលើ ស្ថិតនៅឃុំភ្នំបាត ស្រុកពញាឮ ខេត្តកណ្តាល ដើម្បីឧទ្ទិសកុសលជូនដល់វិញ្ញាណក្ខន្ធឧបាសិកា នាង ធីដា មាតាបង្កើត និងបិតា របស់ កិត្តិនីតិកោសលបណ្ឌិត ទេសរដ្ឋមន្ត្រី ព្រមទាំងឧទ្ទិសជូនបុព្វការីជន និងវីរៈកងទ័ព ដែលបានពលីជីវិតដើម្បីជាតិ និងមាតុភូមិ នាថ្ងៃ សុក្រ ១៥ កើត ខែពិសាខ ឆ្នាំមមី អដ្ឋស័ក ព.ស. ២៥៦៩ ផងដែរ ៕

#វិសាខបូជា #ភ្នំព្រះរាជទ្រព្យ #វត្តព្រះវិហារលើ #ខេត្តកណ្តាល #បុណ្យសាមគ្គី