PoipetUpdate

ផ្ទះប្រជាពលរដ្ឋជាង១០ខ្នងរងការខូចខាតទាំងស្រុងដោយសារមានភ្លៀងធ្លាក់មួយមេលាយឡំខ្យល់កន្ត្រាក់និងដើមឈើជាច្រើនរលំកាត់ផ្លូវ
---------
ខេត្តព្រះវិហារ៖ មានភ្លៀងធ្លាក់មួយមេលាយឡំនិងខ្យល់កន្ត្រាក់ងនោះបណ្ដាលឲ្យខូចខាតផ្ទះប្រជាពលរដ្ឋនិងដើមឈើព្រមទាំងហេដ្ឋារចនាសម្ព័ន្ធមួយចំនួននៅសង្កាត់កំពង់ប្រណាក និងសង្កាត់ប៉ាលហាលក្រុងពះវិហាររងការខូចខាត។

លោកវរសេនីយ៍ឯកលី តៃឈន់ អធិការនគរបាលក្រុងព្រះវិហារ បានឲ្យអ្នកយកព័ត៌មានដឹងថា ថ្ងៃទី ២៨ ខែមេសាឆ្នាំ២០២៤ នៅក្នុងក្រុងព្រះវិហារមានករណីភ្លៀងខ្យល់កន្រ្តាក់ បណ្ដាលឲ្យខូចខាត ផ្ទះសំបែង តូប បង្គោល ភ្លើង សូឡា និងដើមឈើ មួយចំនួនរងការខូចខាត មានដូចខាងក្រោម៖

នៅសង្កាត់ប៉ាលហាល ប៉ះពាល់ដូចជា៖ផ្ទះចំនួន០៩ខ្នង បង្គោល ភ្លើង សូឡាចំនួន ០១ដើមនិងដើមឈើ ចំនួន ១៧ដើម ។

ក្នុងនោះមាន១.ភូមិភារកិច្ច-ផ្ទះ របើកដំបូលចំនួន ០៩ខ្នង -ដើមឈើ រលំចំនួន០៤ដើម។

២.ភូមិហ្មសែត-ដើមឈើរលំចំនួន១២ដើម(ដើមឈើលំអរនៅស្តូបតាឌី)-បង្គោលភ្លើងសូឡា រលំ ០១ដើម។

៣.ភូមិឯកភាព ដើមឈើ: រលំចំនួន ០១ដើម។
សង្កាត់កំពង់ប្រណាក ប៉ះពាល់ដូចជា៖តូបចំនួន ០២ខ្នងនិងផ្ទះចំនួន០១ខ្នង។

១.ភូមិអណ្តូងពោធិ៍-ប៉ះពាល់តូបជួសជុលម៉ូតូទំហំ ៤ម×៨ម កំពស់៤ម ធ្វើអំពីឈើប្រក់ដំបូលស័ង្កសី ខូចខាតដំបូលទាំងស្រុង ។

ប៉ះពាល់តូបកាត់ដេរទំហំ ៤ម×៨ម កំពស់ ៤ម ធ្វើអំពីឈើប្រក់ដំបូលស័ង្កសី ខូចខាតដំបូលទាំងស្រុង។

២.ភូមិគោកបេង-ប៉ះពាល់ផ្ទះទំហំ ៩ម×១១ម កំពស់៤ម ធ្វើអំពីឈើប្រក់ដំបូលស័ង្កសី ខូចខាតដំបូលសំយ៉ាបខាងមុខផ្ទះ។

សរុបទាំង២សង្កាត់ខូចខាតផ្ទះពលរដ្ឋចំនួន១០ខ្នង តូបចំនួន០២ខ្នង
,បង្គោល ភ្លើង សូឡាចំនួន ០១ដើម និងដើមឈើ ចំនួន១៧ដើម។

បន្ទាប់ពីមានហេតុការណ៍ខ្យល់កន្ត្រាក់នោះកម្លាំងសមត្ថកិច្ចនិងអាជ្ញាធរពាក់ព័ន្ធនៃក្រុងព្រះវិហារបានចុះទៅដល់កន្លែងកើតហេតុដើម្បីជួយអន្តរាគមន៍ដល់ពលរដ្ឋភ្លាមៗដែរ។

ហើយនៅក្នុងហេតុការនោះភ្លាមៗដែរក្នុងថ្ងៃទី២៨ ខែមេសា ឆ្នាំ២០២៤ ក្រុមការងារមន្ទីរសាធារណការ និងដឹកជញ្ជូនខេត្តព្រះវិហារក៏ បានចុះកាត់ដើមឈើចំនួន០៣ដើម ផងដែរដែលត្រូវខ្យល់កន្ត្រាក់បោកបក់ដួលរលំមកលើផ្លូវ លើកំណាត់ផ្លូវជាតិលេខ៦២ ចាប់ពីចន្លោះគ.ម១២៤+៥០០ ដល់គ.ម១២៦+០០០ ដើម្បីសម្រួលចរាចរណ៍ជូនប្រជាពលរដ្ឋក្នុងការធ្វើដំណើរ ជិត ឆ្ងាយនៅលើដងផ្លូវនោះផងដែរ៕
---------
#ប៉ោយប៉ែត #ក្រុងប៉ោយប៉ែត ​ #ក្រុងប៉ោយប៉ែតអាប់ដេត ​ #ផ្សាររុងក្លឿ #អ្នកប៉ោយប៉ែត #ព័ត៌មានពីក្រុងប៉ោយប៉ែត #ទីក្រុងប៉ោយប៉ែត #ព័ត៌មានទាន់ហេតុការណ៍

រយៈពេល១៥ឆ្នាំហើយ ដែលគ្រាប់ស្វាយចន្ទីមិនដែល មានតម្លៃល្អដូចឆ្នាំនេះ
---------
ភ្នំពេញ៖ ប្រជាកសិករដំណាំស្វាយចន្ទី សប្បាយរីករាយជាងបណ្តាឆ្នាំមុនៗនៅគ្រាដែលឆ្នាំនេះ តម្លៃគ្រាប់ស្វាយចន្ទីបានកើនឡើងគួរឲ្យកត់សម្គាល់។ ការកើនឡើងនេះជាក្តីរំពឹងមួយខ្ពស់ បើប្រៀបធៀបទៅនឹងបណ្ដាឆ្នាំមុនៗពោលគឺរយៈពេល១៥ឆ្នាំមកហើយ តម្លៃគ្រាប់ស្វាយចន្ទីមិនដែលខ្ពស់ដូចឆ្នាំនេះទេ។

លោក អួន ស៊ីឡុត ប្រធានសមាគមស្វាយចន្ទីកម្ពុជា (ស.ស.ក) បានឲ្យដឹងថា ក្នុងរយៈពេល ១៥ឆ្នាំមកនេះ ពោលគឺក្នុងខែមេសា ឆ្នាំ២០២៤នេះ គ្រាប់ ស្វាយចន្ទីសើម មានតម្លៃខ្ពស់ជាងគេ ខណៈតម្លៃធ្លាក់ខ្លាំងក្នុងខែកុម្ភៈ និងដើមខែមីនាកន្លងទៅ។

លោក អួន ស៊ីឡុត បានបន្តថា ការឡើងថ្លៃនេះ ដោយ សារសមាជិកសមាគមស្វាយចន្ទីកម្ពុជា បាននាំគ្នាហាលទុកតាមការអំពាវនាវរបស់សមាគម ខណៈតម្លៃធ្លាក់ខ្លាំងក្នុងខែកុម្ភៈ និងដើមខែមីនា ធ្វើឲ្យលំហូរគ្រាប់ឆៅស្រស់ថយចុះយ៉ាងខ្លាំងលើទីផ្សារ ដែលធ្វើឲ្យការនាំចេញទៅវៀតណាមនាខែកុម្ភៈធ្លាក់ចុះរហូត ៣២% និងបន្តធ្លាក់ចុះនៅខែមីនាទៀត។ គ្រាប់ស្វាយចន្ទី បានឡើងមកវិញនៅពាក់កណ្តាលខែមីនា និងខែមេសា ដែលគ្រាប់ស្វាយចន្ទីសើមតម្លៃ ៥៣០០រៀល ក្នុង១គីឡូក្រាម ជាតម្លៃខ្ពស់ជាងគេ ក្នុងរយៈពេល ១៥ឆ្នាំកន្លងមកនេះ។

លោកប្រធានសមាគមបានអះអាងថា បច្ចុប្បន្ន គ្រាប់ ស្វាយចន្ទីស្រស់ មានតម្លៃទាបបំផុតក្នុងរង្វង់ ៤ពាន់រៀល ក្នុង១គីឡូក្រាម និងតម្លៃខ្ពស់បំផុតជិត ៦ពាន់រៀល ក្នុង ១គីឡូក្រាម។

លោក អួន ស៊ីឡុត បានបន្ថែមថា ក្នុងរយៈពេល ៤ឆ្នាំចុងក្រោយនេះ ស្វាយចន្ទី បានរងប៉ះពាល់ខ្លាំង ដោយ សារការប្រែប្រួលអាកាសធាតុ ដែលធ្វើឱ្យទិន្នជាមធ្យមធ្លាក់ចុះពី ៣០ទៅ ៤០ភាគរយ។ ផលិតកម្មស្វាយចន្ទី ៣ខែ ឆ្នាំ២០២៤ កម្ពុជាផលិតគ្រាប់ស្វាយចន្ទីឆៅ ៤ សែន ៧ម៉ឺន ៤ពាន់តោនក្នុងនោះនាំចេញទៅប្រទេសវៀតណាមបានសរុប ៤សែន ២ម៉ឺន ៤ពាន់តោន ស្មើទឹកប្រាក់៥៤៣ លានដុល្លា។ រីឯតម្លៃមធ្យមគ្រាប់សើម ១២០០ដុល្លារ ក្នុង ១តោន។

កម្ពុជា មានផ្ទៃដីដំាដុះស្វាយចន្ទីប្រមាណជាង ៤៧ម៉ឺនហិកតា និងទទួលបានទិន្នផលសរុបចំនួនជិត ៧១ម៉ឺនតោនតោន ចំណែកឯការនាំចេញគ្រាប់ស្វាយចន្ទីឆៅទៅទីផ្សារអន្តជាតិ ទៅកាន់ប្រទេស ចិន,ជប៉ុន,បង់ក្លាដែស, ឥណ្ឌា,វៀតណាម និងថៃ និងគ្រាប់ស្វាយ ចន្ទីកែច្នៃទៅកាន់ប្រទេស ចិន,សាធារណៈរដ្ឋឆែក,ជប៉ុន,កូរ៉េខាងត្បូង,ហូឡង់,វៀតណាម និងសហរដ្ឋអាមេរិក។
គួរបញ្ជាក់ថា នៅឆ្នាំ២០២៣កន្លងទៅ កម្ពុជាសម្រេចបាននូវការនាំចេញគ្រាប់ស្វាយចន្ទីឆៅទៅទីផ្សារអន្តជាតិចំនួន ៦៥ម៉ឺន ៦០០០ តោន ថយចុះ ៧,៦ភាគរយ គិត ជាទឹកប្រាក់ ៨៣៧លានដុល្លារអាមេរិក ថយចុះប្រមាណ ១៦ភាគរយ។ ដោយឡែកការនាំចេញទៅ វៀតណាមមានចំនួន ៦១ម៉ឺន ៨០០០តោន៕
---------
#ប៉ោយប៉ែត #ក្រុងប៉ោយប៉ែត ​ #ក្រុងប៉ោយប៉ែតអាប់ដេត ​ #ផ្សាររុងក្លឿ #អ្នកប៉ោយប៉ែត #ព័ត៌មានពីក្រុងប៉ោយប៉ែត #ទីក្រុងប៉ោយប៉ែត #ព័ត៌មានទាន់ហេតុការណ៍

ដើម្បីកាត់បន្ថយហានិភ័យ ប្រទេសហ្វីលីពីន តម្រូវឱ្យសិស្សរៀនតាមអនឡាញ
---------
កាលពីកូវីដ-១៩ ផ្ទុះឡើង សិស្សសាលាទាំងអស់បង្ខំឱ្យរៀនតាមអនឡាញ បញ្ចៀសរាល់ការជួបជុំគ្នា ។ នៅពេលនេះសិស្សក៏ត្រូវរៀនតាមអនឡាញជាថ្មីដោយសារតែអាកាសធាតុក្តៅខ្លាំង ខុសប្រក្រតី ។

សារព័ត៌មាន AFPបានផ្សាយថា ប្រទេសហ្វីលីពីននឹងតម្រូវឱ្យសិស្សនៅតាមសាលារដ្ឋទាំងអស់រៀនតាមប្រព័ន្ធអនឡាញរយៈពេល២ថ្ងៃ ដោយសារតែរលកកម្ដៅក្ដៅខ្លាំងពេក និងការធ្វើកូដកម្មរបស់ក្រុមអ្នកបើករថយន្ដក្រុង jeepney នៅទូទាំងប្រទេស។
នៅក្នុងសារមួយបង្ហោះលើបណ្ដាញទំនាក់ទំនងសង្គម Facebook នៅថ្ងៃអាទិត្យ ទី២៨ ខែមេសានេះ ក្រសួងអប់រំហ្វីលីពីន បានគូសបញ្ជាក់ដូច្នេះថា «ផ្អែកលើការព្យាករពីរលកម្ដៅដ៏ក្ដៅ …គួបផ្សំនឹងការប្រកាសធ្វើកូដកម្មរបស់ក្រុមអ្នកបើកបររថយន្ដក្រុង សាលារដ្ឋទាំងអស់ទូទាំងប្រទេសនឹងត្រូវបើកបង្រៀនតាមប្រព័ន្ធអនឡាញចាប់ពីថ្ងៃទី២៩ ដល់ថ្ងៃទី៣០ ខែមេសា ឆ្នាំ២០២៤»។
រលកកម្ដៅខុសប្លែកពីសព្វដង បានវាយប្រហារលើប្រទេសហ្វីលីពីនអស់រយៈពេលច្រើនសប្ដាហ៍មកហើយ ដោយបង្ខំឱ្យសាលារាប់ពាន់កន្លែងត្រូវបើកបង្រៀនតាមប្រព័ន្ធអនឡាញ ខណៈក្រសួងអប់រំហ្វីលីពីនកំពុងត្រួតពិនិត្យតាមដានលើសាលាជាង ៤៧ ០០០កន្លែងនៅទូទាំងប្រទេស។
សាលារៀនជាច្រើនក្នុងប្រទេសហ្វីលីពីន មិនមានបំពាក់ម៉ាស៊ីនត្រជាក់នោះទេ ដែលនេះបានផ្ដល់ការលំបាកដល់សិស្សអំឡុងរងការវាយប្រហារដោយរលកកម្ដៅនេះ។ ចំណែកក្រុមអ្នកបើករថយន្ដក្រុង jeepney វិញ ក៏បានប្រកាសពីការធ្វើកូដកម្មទូទាំងប្រទេសរយៈពេល ៣ថ្ងៃផងដែរ ដោយចាប់ផ្ដើមពីថ្ងៃចន្ទដើមសប្ដាហ៍ក្រោយនេះ ដើម្បីសម្ដែងការមិនពេញចិត្តចំពោះផែនការរបស់រដ្ឋាភិបាលដែលចង់បញ្ឈប់ការប្រើប្រាស់ជាដំណាក់កាលនូវរថយន្ដក្រុងបញ្ចេញផ្សែងហុយមួយនេះ ត្រូវបានប្រើប្រាស់ដោយប្រជាជនហ្វីលីពីនជាច្រើនជាមធ្យោបាយធ្វើដំណើរទៅធ្វើការនិងទៅសាលារៀន៕
---------
#ប៉ោយប៉ែត #ក្រុងប៉ោយប៉ែត ​ #ក្រុងប៉ោយប៉ែតអាប់ដេត ​ #ផ្សាររុងក្លឿ #អ្នកប៉ោយប៉ែត #ព័ត៌មានពីក្រុងប៉ោយប៉ែត #ទីក្រុងប៉ោយប៉ែត #ព័ត៌មានទាន់ហេតុការណ៍