LemmeCook

តម្លៃនៃចំណេះដឹង

កាលពីល្ងាចមិញពេលខ្ញុំធ្វើដំណើរទៅផ្ទះហើយកំឡុងពេលឈប់ចាំឆ្លងផ្លូវ ។ ខ្ញុំបានឮលោកពូម្នាក់និយាយទៅកាន់កូនស្រីរបស់គាត់ទាំងមានឯកសណ្ឋានសិស្សថា " ខំរៀនណាកូន អត់ចំណេះមិនស្រួលទេ " ។ ធ្វើឲ្យខ្ញុំនឹកស្រណោះដល់សម្ដីរបស់ប៉ាខ្ញុំដែលគាត់បានប្រៀនប្រដៅស្រដៀងលោកពូដែរ។ ប៉ាខ្ញុំគាត់បាននិយាយថា " ខំរៀនណាកូន ធំឡើងកាន់តែប៊ិច និង សៀវភៅបានហើយ កុំកាន់ម៉ាសុីនអារឈើដូចប៉ា ហត់ណាស់ " ហើយគាត់បានបន្តទៀតថា " គេអ្នកកាន់ប៊ិច គេគ្រវាសតែមួយខ្វាច់ លុយរត់មករកគេឯង ប៉ាកាន់ម៉ាសុីនអារឈើមួយថ្ងៃពេញ រកប្រាក់ផ្គត់ផ្គង់ជីវភាពប្រចាំថ្ងៃមិនចង់បានផង" ។ នៅពេលនោះដោយសារខ្ញុំនៅក្មេងពេក (នេះជាការទូន្មានរបស់ប៉ាខ្ញុំ៨ឆ្នាំមុន និង ពីរឆ្នាំមុនគាត់លាចាកលោក) ទើបខ្ញុំមិនមានការគិតបានជ្រៅជ្រះនោះទេ។ ខ្ញុំគិតបានត្រឹមតែ ប្រហែលគាត់ចង់ឲ្យខ្ញុំក្លាយជាអ្នកមាន និង រស់នៅបានសុខស្រួលប៉ុណ្ណោះ។ ប៉ុន្តែុមកដល់ពេលនេះទើបខ្ញុំដឹងថាការទូន្មានរបស់គាត់ គឺមិនត្រឹមតែសំដៅចង់ឲ្យខ្ញុំរស់នៅបានសុខស្រួល រកលុយបានច្រើននោះទេ។ គឺគាត់ចង់មានន័យថា មានតែការអប់រំ ការៀនសូត្រទេដែលអាចធ្វើជាផ្លូវនាំយើងទៅរកភាពត្រចេះត្រចង់និងការរស់នៅប្រកបដោយភាពសុខដុមរមនា។ ចំណេះដឹងជាស្ពានវេទមន្តដែលអាចនាំយើងទៅគ្រប់ទីកន្លែងបាន ។
#តម្លៃនៃចំណេះដឹង
#កូនកំសត់