CT Computer

ស្រលាញ់បងទៅ បងមានម៉ូតូថ្មី!

CT Computer latest models

១០ ប្រយោគខ្លីខ្លឹម ឪពុកម្ដាយគួរដឹង អាចជួយឱ្យកូនៗរឹងមាំ ឆ្លាត និងមិនចាញ់ច្រាបគេ
Kan Dara
•
MARCH 18 2024
•
263 views

«ចិញ្ចឹមកូនត្រូវក្លាយជាទ្រព្យ ចិញ្ចឹមកូនខុសក្លាយជាបំណុលជីវិត» រាល់ឥរិយាបថ សកម្មភាព សម្តីគ្រប់ម៉ាត់ ត្រូវបានដោតជាប់ក្នុងអារម្មណ៍ និងការគិត ហើយវាក៏ជាជាងចម្លាក់ឆ្លាក់រូបកូនៗរបស់អ្នកឲ្យក្លាយទៅជាមនុស្សបែបណាក្នុងថ្ងៃអនាគតផងដែរ។ យោងតាមការស្រាវជ្រាវរបស់ Tiny Beans បានបង្ហាញ ១០ប្រយោគខ្លីខ្លឹម អាចជួយឲ្យកូនអ្នករឹងមាំ ឆ្លាត និងមានភាពក្លាហាន ដែលឪពុកម្តាយគ្រប់រូបគួរដឹង៖

១/. កូនសម្លាញ់! ប្រឹងប្រែងធ្វើវាឲ្យអស់ពីចិត្តណា កូនអាចធ្វើបាន៖ បង្រៀនកូនៗធ្វើការងារ ឬកិច្ចការអ្វីមួយឲ្យអស់ពីសមត្ថភាព និងលទ្ធភាព នោះពួកគេនឹងមានទម្លាក់ប្រឹងប្រែង និងមិនខ្ជះខ្ជាយលើកិច្ចការអ្វីមួយនោះទេ​ រួមទាំងមានជំហររឹងមាំ ជឿជាក់លើខ្លួនឯងទ្វេដង។

Lll

២/. ប៉ា/ម៉ាក់ មានមោទកភាពចំពោះកូនណាស់៖ កូនៗអាចដឹងថាអ្នកស្រលាញ់ពួកគេ ប៉ុន្តែកូនៗមិនដឹងថាអ្នកមានមោទកភាពចំពោះពួកគេដែរឬអត់ឡើយ? វេជ្ជបណ្ឌិត Sherrie Campbell ជាអ្នកចិត្តសាស្រ្តនិងជាអ្នកនិពន្ធផ្នែកចិត្តវិទ្យា ជឿជាក់ថាពាក្យមួយឃ្លានេះគឺសំខាន់ដូចគ្នានឹងការបញ្ជាក់ពីសេចក្តីស្រឡាញ់ចំពោះកុមារ។

៣/. តើកូនបានធ្វើអ្វី ឬនិយាយអ្វីដែលល្អនៅថ្ងៃនេះទេ?៖ លើកទឹកចិត្តកូនៗឱ្យមានសេចក្តីសប្បុរស​​ ចិត្តមេត្តា ស្រលាញ់ការធ្វើអំពើល្អ ដោយពង្រឹងវាជារៀងរាល់ថ្ងៃតាមរយៈពាក្យសម្តីមួយឃ្លានេះ។

៤/. កូនសម្លាញ់! តោះប្រមូលគ្រឿងលេងរបស់ពួកយើងទុកវិញណា៖​ លោក Maureen Healy អ្នកនិពន្ធសៀវភៅ Growing Happy Kids និយាយថា លើកទឹកចិត្តឱ្យក្មេងៗមានភាពជាម្ចាស់សម្រាប់ការសម្អាត និងរៀបចំរបស់របររបស់ពួកគេដោយខ្លួនឯង។ ទោះបីជាវាមានរបស់របរតែមួយឬពីរក្នុងមួយថ្ងៃក៏ដោយវានឹងជួយអ្នកក្នុងរយៈពេលវែង។

៥/. កូនរបស់ ម៉ាក់/ប៉ា ឆ្លាតណាស់៖ អារម្មណ៍ដំបូងដែលត្រូវបានគេហៅថា ឆ្លាតវៃ ឬពូកែ កោតសរសើរអំពីសមត្ថភាពរបស់ខ្លួន គឺជាអនុស្សាវរីយ៍មួយដែលកុមារចងចាំបានច្រើនបំផុតនៅពេលពួកគេធំឡើង។

៦/.រស់នៅធ្វើជាខ្លួនឯងណាកូនសម្លាញ់ កុំអនុញ្ញាតឱ្យមនុស្សមកកំណត់ថាកូនជានរណាឲ្យសោះ៖ វាតែងតែមានការបន្ទុចបង្អាប់ក្នុងជីវិត។ ឃ្លាដ៏សាមញ្ញនេះជួយឱ្យកុមារដឹងថាសម្លេងអវិជ្ជមានមិនសំខាន់ ហើយវាជាមេរៀនដែលពួកគេអាចចាំបាននៅពេលពួកគេជួបមនុស្សដែលពិបាក ជាពិសេសពេលវេលាដែលពួកគេឈានចូលដល់វ័យជំទង់ និងពេញវ័យ។

៧/. ម៉ាក់/ប៉ា អរគុណណា៖ សុជីវធម៌ក្នុងការរស់នៅពិតជាមានសារសំខាន់ណាស់ទាំងក្នុងនិងក្រៅផ្ទះ។ និយាយពាក្យអរគុណទៅកាន់កូនៗរបស់អ្នកឲ្យបានច្រើន រាល់សេចក្តីល្អ និងសកម្មភាពវិជ្ជមានដែលពួកគេបានជួយ ឬបានធ្វើ ព្រោះវាប្រៀបបីដូចជាថ្នាលដែលអ្នកកំពុងបណ្តុះសុជីវធម៌ឲ្យពួកគេយ៉ាងដូច្នោះដែរ។

៨/. ឲ្យប៉ា/ម៉ាក់ សូមទោស៖ មនុស្សគ្រប់គ្នាសុទ្ធតែមានកំហឹងហើយវាបង្កើតឲ្យមានកំហុស ពេលខ្លះយើងមិនអាចទប់វាជាប់នោះទេ និងបានបញ្ចេញសកម្មភាពឆ្គាំឆ្គងមួយចំនួនចេញមកខាងក្រៅ ទោះចេតនាឬអចេតនាក្តី។ ត្រូវហ៊ាននិយាយពាក្យសូមទោស ទៅកាន់កូនៗនៅពេលដែលអ្នកបានធ្វើអ្វីមួយខុសទៅលើពួកគេ។ វាបង្ហាញពីការផ្តល់តម្លៃ និងបង្រៀនកូនៗឲ្យមានសុជីវធម៌ផងដែរ។ វេជ្ជបណ្ឌិត Dr. Alison Mitzner អ្នកឯកទេសខាងរោគកុមារ ជឿជាក់ថាអ្វីដែលសំខាន់គឺថាតើយើងមានប្រតិកម្មយ៉ាងណា។

៩/. ប៉ា/ម៉ាក់ ស្រលាញ់កូន៖ ពាក្យសម្តីមួយឃ្លានេះស្តាប់ទៅហាក់សាមញ្ញបន្តិច ប៉ុន្តែលោកស្រី Jennifer Wolf ជាគ្រូបង្វឹកឪពុកម្តាយដែលមានការបញ្ជាក់ពី PCI ជឿថា វាពិតជាមានឥទ្ធិពល និងផ្តល់នូវភាពកក់ក្តៅយ៉ាងធំធេងដល់កូនៗរបស់អ្នក។

១០/. ម៉ាក់/ប៉ា កំពុងស្តាប់! តើកូនចង់និយាយអ្វី?៖ យោងទៅតាម Katie Hurley, LCSW, ៥៧% នៃក្មេងតូចៗមិនហ៊ានប្រាប់ឪពុកម្តាយនូវរឿងមួយចំនួនទេ ព្រោះពួកគេមិនចង់អោយឪពុកម្តាយគិតអាក្រក់លើខ្លួន ជាពិសេសនៅពេលដែលពួកគេបានធ្វើខុសតែម្តង។ បង្ហាញកូនៗ ថាអ្នកយកចិត្តទុកដាក់ចំពោះអ្វីដែលពួកគេត្រូវនិយាយដោយបង្ហាញថាអ្នកចង់ស្តាប់ពួកគេចែករំលែកព័ត៌មានជាមួយអ្នក មិនព័ត៌មាននោះវិជ្ជមាន ឬអវិជ្ជមានឡើយ។

យ៉ាងណាមិញ ឪពុកម្តាយគឺជាគ្រូទី១ កូនៗមានអនាគតយ៉ាងណា គឺអាស្រ័យទៅលើសកម្មភាពរបស់អ្នកចិញ្ចឹមបីបាច់ពួកគេ។ ចូរធ្វើជាពណ៌ចម្រុះដ៏ស្រស់ស្អាត ផាត់ទៅលើក្រដាសសនៃជីវិតរបស់កូនៗណា៕

អត្ថបទដោយ៖ កាន់ ដារ៉ា (ស្មេរពនេចរ)

សៀវភ

វាមិនធ្ងន់ទេ ព្រោះវាជាបងប្អូនបង្កើតរបស់ខ្ញុំ
-----+++++------
ក្មេងប្រុសជប៉ុនម្នាក់បានស្ពាយសាកសពប្អូនប្រុសរបស់គាត់នៅលើខ្នងអស់រយៈពេលច្រើនម៉ោង និងច្រើនគីឡូនៅតាមផ្លូវ ពេលនោះស្រាប់តែទាហ៊ានជប៉ុនបានពោលទៅកាន់ក្មេងនោះថា "ឯងឆាប់បោះសាកសពលេីខ្នងចោលទៅ វាធ្ងន់ហើយហត់ណាស់" ក្មេងនោះបានពោលទៅកាន់ទាហ៊ាននោះថា "ខ្ញុំមិនធ្ងន់ទេ! វាជាសាកសពប្អូនប្រុសរបស់ខ្ញុំ" ពេលទាហ៊ានបានលឺដូចនោះ គាត់បានយល់ ហើយគាត់ក៏ស្រក់ទឹកភ្នែក ។ រឿងនេះក៏ក្លាយជាពាក្យស្លោកមួយដ៏ល្បីក្នុងប្រទេសជប៉ុនថា "វាមិនធ្ងន់ទេ ព្រោះវាជាបងប្អូនរបស់ខ្ញុំ" ។
_______________
សម័យនេះ មានច្រើនណាស់ដែលស្អប់ និងសម្លាប់បងប្អូនបង្កើតខ្លួនឯង ដើម្បីដណ្តើមទ្រព្យគ្នា......ត្រូវដឹងថា ចុងក្រោយគ្មាននរណាសំខាន់ជាងបងប្អូនបង្កើតរបស់យើងទេ៖
- នៅពេលបងប្អូនយើងដួល យើងត្រូវលើកគាត់ ។
- នៅពេលគាត់ហត់ យើងត្រូវជួយគាត់ ។
- នៅពេលគាត់ទន់ខ្សោយ យើងត្រូវជំរុញគាត់ ។
- ពេលគាត់ខ្វះខាត យើងត្រូវជួយគាត់ ។
Copy