Fletcher Gull
Share
Not a spare tire...
30/07/2025
هيك، من دون ما يسأل راح عالهدى
صوتو إنخفت ما ردّدو إلاّ الصدى
باس الدني وقلاّ بشوفك بخير
وسرّب من دون ما يودّع حدا…
هيك يا صاحب بتفلّ ما بتقول
وَلَو ما إنت بتعرف مش هيك الأصول
قول في أصحاب، وفي أهل رح يبكوا
و إنّو غيابك هالمرّة رح يطول…
إنكسر الإبريق وإندلق كلّ الزيت
وتفتفتت صورة العيلة بهاك البيت
وعيون ملّت الأرض دموع
الدني كلاّ تغيّرت من بعد ما فلّيت…
سافرت ومعك خلص الحكي
وأحرف الكلمات صارت مشربكة
وتنشوفك لازم نغمّض عيوننا
وعيوننا، لازمتلنا مفتّحة… للبكي…
