Marylou

مش كل ماكارون شكله حلو يعني مزبوط 👀
في تفاصيل صغيرة بتفرّق بين قطعة عادية وقطعة معمولة صح 100%.

إذا بدك تعرفي إنو الماكارون مظبوط، انتبهي لهالعلامات 👇

أول شي:
القشرة لازم تكون ناعمة، من دون تشققات أو فقاعات. اللمعة الخفيفة دليل إنو المارينغ مضبوط والمزيج معمول له ماكروناج صح.

تاني شي:
الـ “feet” لازم تكون واضحة ومتماسكة، مش مفرودة زيادة ولا ملتصقة بالقاعدة. هيدي علامة خبز متوازن.

تالت شي:
لما تكبسي عليها بخفة، لازم تكون القشرة رفيعة وتتكسر بنعومة، ومن جوّا القوام طري ومطاطي شوي.

رابع شي:
ما لازم يكون في فراغ كبير من الداخل.

خامس شي:
الحشوة لازم تكون متناسقة مع القشرة . والتوازن بين الحلاوة والنكهة أهم من أي شكل.

وآخر شي…
الماكارون الصح بينترك يرتاح بعد الحشو 24 ساعة بالبراد. بهالوقت القشرة بتمتص جزء خفيف من الرطوبة، والنكهة بتصير أعمق وأوضح.

التفاصيل الصغيرة هي اللي بتعمل الفرق ✨
وأي حدا جرّب ماكارون معمول صح بيعرف إنو الطعم قبل الشكل

بهاليوم المليان حب، ما ننسى نفرجي اللي منحبّن قديش هني غاليين ع قلبنا 🤍
هدية صغيرة، بس من القلب، قادرة تعمل فرق كبير وتترك ذكرى حلوة.
الماكارون من عنا معمول بعناية، نكهات مختارة، وتفاصيل بتشبه الحب بكل أشكاله 💕
خيارات متنوعة بتناسب كل الأذواق وكل الـ budgets، لتقدروا تختاروا الهدية المثالية بدون تردد.
خلّوا فالنتاين هالسنة أطيب، وأحلى، ومليان مشاعر صادقة 🍓✨