Hasini S. Gurusinghe

එක්තරා ගුරුවරයෙක් තමන්ගෙ ශිෂ්‍යයව ඉරිඟු හේනකට එක්කන් යනවා.

🧔 : මේ ඉරිඟු යාය මැදින් ඇවිදගෙන ගිහින් ඔයාට හම්බෙන ලොකුම ඉරිඟු කරල කඩාගෙන එන්න. හැබැයි ආපහු හැරෙන්න බෑ.

ශිෂ්‍යයා ඉරිඟු යාය මැදින් ඇවිදගෙන ගියා. මුලින් හම්බුණ කරල ටිකක් පොඩියි. ටිකක් ඉස්සරහට ගියා. ඊලඟ එක තව ටිකක් ලොකුයි. ඊලඟට පොඩි කරලක්... ඊලඟට තවත් පොඩි කරලක්. ආයෙ හැරෙන්නත් බෑ ගුරුතුමා කිව්ව විදියට. ආ "ඊලඟ කරල මේකට වඩා ටිකක් ලොකුයි ඒක කඩා ගන්නවා. ආයෙ ලොකු කරල් නැති වුණොත්" කියලා හිතපු ඔහු ඊලඟ කරල කඩාගෙන ගුරුතුමා ලඟට ගියා.

ගුරුතුමා ඔහු එක්ක ආයෙත් ඉරිඟු යාය මැදින් ගිහින් ඔහු නැවතුන තැන පහු කරගෙන ටිකක් ගියා ලොකු ඉරිඟු කරලක් කඩාගෙන ඇවිත් ශිෂ්‍යයට දුන්නා. "අපරාදෙ" ශිෂ්‍යයට හිතුනා.

🧔 : අපිට ජීවිතේ දේවල් හම්බෙන්නෙත් මේ වගේ තමයි. අපි ඒ ඒ මොහොතෙ හිතනවා මේක තමයි හොඳම කියලා හැබැයි ඊට වඩා හොඳ දෙයක් තව ඉස්සරහට ලැබෙන්න පුළුවන්. සමහරවිට හොඳ දේවල් මඟ හැරෙන්නත් පුළුවන්. හැබැයි අපිට ආපහු හැරෙන්න බෑ.

💙 ලැබෙන දේ භාරගන්නවට වඩා හොඳම දේ හොයාගන්න බුද්ධිමත් වෙන්න. එය ඔබට දරාගැනීම වගේම ජීවිතය ජය ගැනීමටත් ශක්තිය ලබා දෙනවා.

✍️ හසිනි එස්. ගුරුසිංහ