Dany

ඊලෝන් මස්ක් (Elon Musk) ලොව ප්‍රථම ට්‍රිලියනපතියා (Trillionaire) වීමේ මාවතට අවතීර්ණ වී සිටින බව වාර්තා වෙනවා. මෙම අනාවැකියට ප්‍රධානම හේතුව වී ඇත්තේ ටෙස්ලා (Tesla) සමාගමේ වේගවත් වර්ධනය සහ ස්පේස්එක්ස් (SpaceX) සමාගමේ වටිනාකම ශීඝ්‍රයෙන් ඉහළ යාමයි. ඉදිරියේදී ස්පේස්එක්ස් සමාගම කොටස් වෙළෙඳපොළට නිකුත් කළහොත් එහි වටිනාකම ඩොලර් ට්‍රිලියන 1.7 ක් තරම් ඉහළ අගයක් ගනු ඇතැයි ගණන් බලා තිබෙනවා.

කෙසේ නමුත්, විශේෂයෙන්ම මතක තබා ගත යුතු කරුණක් වන්නේ මේ කියන මහා ධනස්කන්ධයෙන් බහුතරයක් පවතින්නේ බැංකු ගිණුම්වල ඇති මුදල් (Cash) ලෙස නොව, සමාගම් කොටස්වල අගය මත පදනම් වූ "ලියකියවිලිවලට පමණක් සීමා වූ" (Paper wealth) වත්කම් ලෙසයි. ට්‍රිලියනයක් කියන්නේ කොච්චර විශාල මුදලක්ද කියලා සරලවම තේරුම් ගන්න කැමති නම් මේ උදාහරණය බලන්න; යම් කෙනෙක් දිනකට ඩොලර් මිලියනයක් (ලක්ෂ 10ක්) බැගින් නොකඩවා වියදම් කළත්, ඩොලර් ට්‍රිලියනයක් සම්පූර්ණයෙන්ම වියදම් කර අවසන් කිරීමට ඔහුට වසර 2,740 කට ආසන්න කාලයක් ගත වෙනවා.