The half-angel

දෙන්න එපා සුදු අම්මේ... ඒ අය බබාට කතා කරන්න දන්නෑ. ඇට ගෙම්බෝ 🙃

පොඩි ලමයෙක් වුනත් දන්නවා මේ දවස්වල තෙල් මිල වැඩිවෙන්නේ, තෙල් හිඟයක් ඇතිවෙන්නේ ඇයි කියලා. ඒත් මේ අන්කල් දන්නෑනේ 🤔 ජාතික ආණ්ඩුවක් ගෙනැල්ලා ඔයාගේ වත්තේ තෙල් නිධියක් හදන්නද? මේ වගේ අය තමයි රටක පාලනයට එන්න ඕනේ. 😂

That's the difference between Trump's attitudes and Khamenei's religion.

ඔහොම මෝඩ කතා කියන්න එපා මුජිබර්. මේ අයවත් එලවන්න බැරිද දන්නෑ ගෙවල් වලට. අරගල තහනම් නම් මේවාත් තහනම්. රටවල් අතර යුද්ධයක් පවතිද්දි අනුන්ගේ යුධ නෞකාවක් රට ඇතුලට ගන්න සිරිතක් තියෙනවාද? මේක සක්‍රීය යුද්ධයක්. ඒ වගේම මෙවැනි යුද්ධයකදි සාගරයද, ගුවනද, මහා පොළොවද කිසිම දේශ සීමාවක් අදාළ වෙන්නෑ. සුළි කුණාටුවක් මනින්න හරි හමන් රේඩාර් පද්ධතියක්වත් නැති රටක් මේක. මුතු ඇටේ අඹ ඇටේ වෙලා තියෙන වෙලාවේ එක මිසයිලයක් දැම්මානම් හරි ඇටෙත් එක්ක කුඩුවෙලා යන්න. ඒක ඔයාල වගේ අයගේ ගෙදර වහලේ උඩට, මිදුලට විතරක් වැටිලා නිකං තියෙන්නේ නෑනේ. මේක රාජ්‍යයක්, ඒ වගේම මේ රාජ්‍යයේ මිනිසුන්, දේපළ, සතුන් මේ සියලු දෙනා ජීවත්වෙනවා. රටවල් අතර සක්‍රීය යුද්ධයක් ක්‍රියාත්මක වෙද්දි නුවණක්කාරකම සහා නීතිය තමයි කිසිම රටකට සහයෝගය නොදක්වන එක.

IRIS Dena මේ තමයි ගිලුණු නෞකාව. මේ නෞකාව ශ්‍රී ලංකාව ඇතුලට එන්න අවසර ඉල්ලලා තියෙන්නේ ⁣පෙබරවාරි 9 වෙනිදා ඉඳන් 13 වෙනකල් සුහද හමුවකට. එක් පැත්තකින් මෙය නාවික සෙබලුන් සිටින නාවික යුධ නෞකාවක්, අනිත් කාරණය තමයි අමෙරිකාව - ඊශ්‍රායලය හා ඉරානය අතර සක්‍රීය යුද්ධයක් පවතින අවස්ථාවක්. මෙවැනි අවස්ථාවක ඒ රටවල්වල යුධමය නෞකාවක් භාරගැනීම, ව්‍යංගාර්ථයෙන් හෝ අදාළ රටට සහයෝගය දැක්වීමක් වෙනවා. එය මානුෂීය නීතියට යටත් වෙන්නේ නෑ. එහෙම නැවක් හෝ නැවේ පිරිසක් බාරගන්නවානම් ඒ සඳහා කටයුතු කලයුතු පිළිවෙලක් තිබෙනවා. දෙවැනි නැවත් මුලින්ම ශ්‍රී ලංකාව ඇතුලට එන්න අවසර ඉල්ලලා තිබුනේ සුහද හමුවකට. නමුත් පළවෙනි නැව විනාශ වීමෙන් පසුව තමයි ඔවුන් ගලවාගැනීමේ මෙහෙයුමක් ඉල්ලා තිබුනේ. නමුත් එම මොහෙතෙත් ශ්‍රී ලංකාවේ නාවික හමුදාවට ඉරාන නැවට ගොඩවීමටවත්, පරීක්ෂා කිරීමටවත් ඉරාන නැවේ කපිතාන් වරයා ඉඩදී තිබුන්නෑ. පසුව සෑහෙන වෙහෙසක් දරා ඉරාන රජයත් සමඟ කතාබහ කිරීමෙන් පසුව තමයි මේ නැව පරීක්ෂා කිරීමට ශ්‍රී ලංකාවේ නාවික හමුදාවට හැකිවී තිබෙන්නේ. එය හිතන තරම් ලෙහෙසි කටයුත්තක් නෙමෙයි. "නැවතත් මේ යුද්ධය නිමාවන තුරු මේ නැව හෝ නැවෙහි කිසිම සාමාජිකයෙක් ඉරානය වෙත භාරදිය නොදිය යුතුයි සහා නැව සහා පිරිස ශ්‍රී ලංකා රජය භාරයේ තබාගත යුතුයි." මේ තමයි රටවල් අතර යුද්ධයක් පවතින විට ක්‍රියාත්මක වන නීතිය. නැත්නම් ඉරානයට සහයෝගය දැක්වූ සත්කාරක රටක් විදිහට ශ්‍රී ලංකාවත් ව්‍යාංගාර්ථයෙන් හෝ යුද්ධයට දායකත්වය දක්වනවා. එය මානුෂික නීතියට එහා ගිය ඉල්ලං කෑමක්.

අමෙරිකාව, ඊශ්‍රායලය ඇතුලු ලෝකයේ බොහෝ රටවල තානාපති කාර්යාල හරහා දැනුවත් කිරීමත් සමඟයි ඉරානය සමඟ මේ නැව පිළිබඳ සාකච්චා කිරීම ආරම්භ වී තිබුනේ. ඉන් අනතුරුව ශ්‍රී ලංකා නාවිකයන් ඉරාන නැවට ගොඩවනවාත් සමඟ අනුර කුමාර ජනාධිපතිවරයා මාධ්‍ය සාකච්චාවක් ගත්තා. මෙය ලොව පුරා බොහෝ ප්‍රධාන මාධ්‍ය ආයතන වාර්තා කර තිබුනා සහා කතා බහට ලක්වුනා. එය රට වටේට දාගත්ත එක් පළිහක් වගේ. අනුර කුමාර දිසානායකගේ මේ විදිහට මොළේ පාවිච්චි කරන්නැතුව මුජිබර්, විමල් වීරවංශලා කියන විදිහට වැඩ කලානම් මේ වෙද්දි රටේ කුඩු ටික එකතු කරන්න ට්‍රිපර් එකක් තියා වීල්බැරෝ එකක්වත් හොයාගන්න නැතිවෙනවා. යුද්ධයකදි මානුෂීය නීතියවත්, හැඟීම්වත් අදාළ වෙන්නෑ, බුද්ධිය ඇරුනාම.
ජනාධිපති කෙනෙක් විදිහට ර⁣ටේ ආරක්ෂාව, තමන්ගේ ජනතාවගේ ආරක්ෂාව ගැන පොදුවේ හිතන්න ඕනේ. කතාවේ ඇතුල් පැත්ත, සහා බරපතලකම දන්නැතුව මෝඩයෙක් වගේ කියවන මෙහෙම අන්තවාදී ආගම්කාරයෝ නිසා තමයි අනිත් මිනිසුන්ටත් කෙලවෙන්නේ.

75 වසරක රට අභ්‍යන්තර යුද්ධයක කුරිරුකම ගැන මතක නම් ලෝක යුද්ධයක බරපතලකමට අත පොවන මෝඩයෙකු වෙන්න එපා. සුළි සුළඟක්, සුනාමියක් මනින්න පහසුකමක් රේඩාර් එකක් නැතිව දුප්පත්කම දැනෙන රටක්, බැලස්ටික් මිසයිලයක්, ඩ්‍රෝන ප්‍රහාරයක් ආවොත් පාරට බැහැලා පිස්සු කෙලින, ලොකුකම් කියවන මේ අයියලා, අන්කල්ලා අත තියලාද නතර කරන්නේ ? නැත්නම් කුරුම් බැට්ටි මැෂින්, ටොනික් ඩප්පි, ගල් කටස් වගේ ඒවා තියාගෙනද ලෝක යුද්ධ වලට අත පොවන්න කියන්නේ. ඉන්දියාවේ ප්‍රාන්තයකුත් ලංකාවට වඩා ලොකුයි, එවැනි ප්‍රබල රටක් වෙලත් දැක්කා නොදැක්කා, දන්නවා නෑ වගේ හිටපු එක තමයි නුවණක්කාරකම කියන්නේ මෙවැනි අවස්ථාවක රටක් විදිහට. ට්‍රම්ප්ගේ අරමුණු ප්‍රකාශනය ඇතුලේ ඔහු දෙවනුවට සඳහන් කරලා තියෙන්නේ ඉරානයේ නාවික බලය විනාශ කිරීම. එවැනි අවස්ථාවක රටක ආරක්ෂාව පවතින්නේ මානුෂීය හැඟීම් වලට වඩා යුධමය බුද්ධියකයි. මොවුන් හට වෛද්‍ය ප්‍රතිකාර දීම, සාමාන්‍ය සත්කාර හෝ ලබාදීම, යුද්ධය අවසන් වන තුරු මොවුන්ව නාවික හමුදා⁣ව බාරයේ තබා ගැනීම, මේ සම්බන්ධව සාකච්චා හෝ ඉදිරියට කරගෙන යෑම ශ්‍රී ලංකාව වැනි රටකට අනවශ්‍ය මහන්සියක්, සහා පිරිවැයක්. ඒක හරියට තමන්ගේ ගෙදර ඉස්සරහා පාරේ දෙපිරිසක් ගහ ගනිද්දි එක් පාර්ශවයක් ගෙනැල්ලා තමන්ගේ ගෙදර ගේට්ටුවත් ඇරලා, ගෙදර දොරත් ඇරලා ඇතුලට දාගත්තා වගේ වැඩක්. බුද්ධියට එහා ගිය මානුෂික තත්වයක් අවදානමට අතවැනීමක් වැනිය.