All Ceylon Sufi Spiritual Association

மனதை நெகிழ வைத்த ஒரு சம்பவம்.

அகில இலங்கை ஸூபிஸ ஆன்மீகப் பேரவையின் புதுக்கடை கிளை தலைவரான ரிஸ்மி மௌலவி ஹஸ்ரத் அவர்கள் 20-03-2026 இன்றைய தினம் இறைவனடி சேர்ந்தார்கள். இன்னாலில்லாஹி வ இன்னா இலைஹி ராஜிவூன்.

கொழும்பு போதனா வைத்தியசாலையில் திடீர் சுகவீனம் காரணமாக திடீர் மௌத்தை அடைந்து கொண்ட சகோதரரின் அன்புக்கு அடிமையான ஊர் மக்களின் கவலையே இது.

அவரது வசிப்பிடம் கொழும்பு புதுக் கடையில் இருப்பதனால் அங்கேயே அவரது இல்லத்தில் வைத்துவிட்டு ஜனாஸாவை நாளைய தினம் மாலிகாவத்தை மையவாடியில் நல்லடக்கம் செய்யவே முடிவு செய்திருந்தோம். இந்த நிலையில் அவர்கள் வஃபாத்தான செய்தி கேட்ட உடனேயே அவரது தகப்பனாரின் ஊராகிய மல்வானை மக்கள் வைத்தியசாலைக்கு வருகை தந்து ஹஸ்ரத் அவர்களை நீங்கள் முடிவு செய்ததைப் போல் கொழும்பிலேயே நல்லடக்கம் செய்யுங்கள். என்றாலும் இரவோடு இரவாக எமது ஊர் மக்கள் அவரை கண்ணியப்படுத்துவதற்காக வேண்டி அவர்களுக்கு துஆ செய்வதற்காக வேண்டி காத்துக் கொண்டிருக்கின்றார்கள். தயவுசெய்து எங்கள் ஊர் மக்களுக்காக வேண்டி ஜனாஸாவை ஓர் இரண்டு மணித்தியாலங்களுக்கு எமது ஊர் பள்ளிவாயலுக்கு எடுத்து வரும்படி வேண்டிக் கொண்டார்கள்.
ஊர் மக்களின் வேண்டுதலின் பிரகாரம் தவிர்க்க முடியாத அந்தத் தருணத்தை மனதில் நினைத்து நாம் கண்கள் கலங்கினோம். என்றாலும் குடும்பத்தினருடைய விருப்பத்துடன் கொழும்பு வீட்டில் ஜனாஸாவை அடிக்கழுவி விட்டு மல்வானை வடுவேகம பள்ளிவாசலுக்கு ஜனாஸாவை எடுத்துச் சென்றோம். இரவு 1 மணிக்கு முழு ஊர் மக்களும் ஒன்று திரண்டார்கள். ரிஸ்மி ஹஸ்ரத் அவர்களுடைய நலவுகளை ஊர் மக்கள் எல்லாம் வாயாரப் புகழ்ந்தார்கள். ஒவ்வொருவரும் தமது சொந்த வீட்டு சகோதரனாகவும் ஒவ்வொருவருடைய வீட்டு சந்தோஷத்திலும் துக்கத்திலும் கலந்து கொள்ளக்கூடிய ஒரு மனிதராகவும் இவரை முழு ஊர் மக்களுமே புகழ்ந்தார்கள். அது மட்டுமல்ல இதன் பிறகு எங்கள் ஊரில் யாராவது மௌத் ஆகிவிட்டால் நாம் குளிப்பாட்டுவதற்கும் நல்லடக்கம் செய்வதற்கும் இதற்குப் பிறகு யாரைத் தேடுவது? அனைத்துக்கும் இரவு பகல் பாராது ஓடி ஓடி வந்த எமது ஹஸ்ரத் இன்று எம்மை விட்டு பிரிந்து விட்டார்களே என்று முழு ஊர் மக்களும் கண்கள் கலங்கினார்கள். நாளைய தினம் நோன்புப் பெருநாளை கொண்டாட எதிர்பார்த்து இருக்கும் ஊர் மக்களுக்கு ஹஸ்ரத் அவர்களுடைய வஃபாத் தனது வீட்டில் ஓர் ஜனாஸா ஏற்பட்டதைப் போன்ற உணர்வையே ஒவ்வொருவருடைய மனதிலும் ஏற்படுத்தியது. அதனாலயே இரவு இரண்டு மணிக்கு மக்கள் கூட்டம் ஜனாஸாவை பார்ப்பதற்கும் தமது கவலைகளை தெரிவிப்பதற்கும் ஊர் பள்ளி வாசலில் அனைவரும் ஒன்று திரண்டார்கள். அவர்கள் ஆற்றிய சேவை மல்வானையில் மட்டுமல்ல அவர் பிறந்த ஊரான திக்குவல்லையிலும் யாராவது வபாத் ஆகினால் அடுத்த கனமே பஸ் ஏறி தென்மாகாணம் மாத்தரை திக்குவல்லை ஊரை நாடி சென்று விடுவார். கொழும்பிலும் கிட்டத்தட்ட 30 வருடங்களாக பல மாணவர்களுக்கு குர்ஆனையும் கற்றுக் கொடுத்து பல நல்ல சேவைகளை செய்த எமது சகோதரரை இன்று நாம் பிரிந்து மன வேதனை அடைகின்றோம்.
பிற மக்களின் சுகதுக்கங்களில் அக்கறையுடன் கலந்து கொண்ட இவர். தனது சொந்த வாழ்க்கையில் மிகவும் எளிமையான வாழ்க்கையே வாழ்ந்தார். மூன்று பிள்ளைகளின் தந்தையான இவர் தனது குடும்பத்துடன் வாழ்வதற்கு சொந்த வீடு கூட இல்லாத நிலையிலேயே, மிகவும் ஓர் எளிய வாழ்க்கையை வாழ்ந்தார். தன்னுடைய எளிய வாழ்க்கை அது தனக்குள்ளேயே இருக்கட்டும் என்று அவர் பழகும் எந்த மக்களிடமும் தனது எளிமையை அவர் வெளிக்காட்டிக் கொள்ள விரும்பவும் இல்லை. யாரையும் நாடி நிக்கவும் இல்லை இதனாலையே இன்று அவர் அனைவரது மனங்களிலும் நீங்கா இடத்தை அடைந்து கொண்டார்.

இறைவன் அவர்களுடைய சேவையை பொருந்தி கொள்வானாக மேலும் அவரது மறுமை வாழ்வை அழகானதாகவும் மகிழ்வானதாகவும் இறை பொருத்தத்தை பெற்றதாகவும் ஆக்கி அருள்வானாக. ஆமீன்.

தலைப்பு : - வெள்ளிக்கிழமை பெருநாள் தோன்றினால்?

சன்மார்க்க விளக்கம் வழங்குபவர்.

உஸ்தாத், அல்-ஆலிம், அல்-ஹாபிழ், A. முஸ்தபா மஸ்லஹி M.A ஹழ்ரத் பெருந்தகை.

(அகில இலங்கை ஸூபிஸ ஆன்மீகப் பேரவையின் சன்மார்க்க பேராசிரியர்,)

(இந்தியா பஹ்ரூல் உலூம் மகளிர் அரபுக்கல்லூரியின் நிருவனர்,)