The Trojan

සම්බන්ධතා මිය ගිය ද ඝාතනය කළ ද, ප්‍රේමය ආත්මීය යැයි මා නුබට ලියා තබමි. 🥀

කාලය බොහෝ වේගයෙන් සියල්ල පසු කරමින් ගමන් කරනු ඇත.
අපි අපෙන් වෙන් වී දැන් බොහෝ කල් ගත වී ඇත.

එනමුදු අහබෙන්වත් අපි මුණ ගැසී නොමැති අතර නුබේ කොහේ සිටිනවා දැයි මා දන්නේ ද නැත. නුබ කව්රුන් සමඟ දැයි මා දන්නේ ද නැත.

කාලය සිල්ල වෙනස් කරමින් යන ගමනේ නුබ නොමැති ජීවිතයට කාලය මාව අනුවර්තනය කිරීම මටත් පුදුමයකි.

වෙන්ව ගිය අපි අවාරේ මුණ නොගැසීම අපි දෙදෙනාටම හොඳ ය. මන්ද අවාරේ හටගන්නා ප්‍රේමයන් පැණි රස ද තිත්ත ද යන්න කිව නොහැකි නිසා ය.

නුබ හොයපු ප්‍රේමය නුබ සොයා ගිය බව දන්නා නමුත් නුබ හොයපු ආදරය ලැබෙනවා දැයි මම නොදනිමි. එනමුදු මම තවම ප්‍රේමය තුළම මංමුලාවී සිටින්නේ ඉන් එළියට පැමිණීමට නොහැකිව ය.

නුබ කෙරූ ප්‍රේමයේත් මා කෙරූ ප්‍රේමයේත් ශේෂ තවමත් ඉතිරිව ඇතැයි මා තදින් විශ්වාස කරමි. සම්බන්ධතා මිය ගිය ද ඝාතනය කළ ද, ප්‍රේමය ආත්මීය යැයි මා නුබට ලියා තබමි. 🥀

H❤️‍🩹🕊️