V Media

AI இருப்பதால் பொருளாதார கொள்கைகளை மாற்ற நேரிடும் – எலன் மஸ்க்!

உலகின் செல்வந்தரான எலன் மஸ்க் செயற்கை நுண்ணறிவு (AI) எதிர்காலத்தில் பல வேலைகளை மாற்றக்கூடும் என எச்சரித்துள்ளார்.

இதனால், எதிர்காலத்தில் மக்களுக்கு அரசுகள் வழக்கமான பண உதவிகளை தொடர்ந்தும் வழங்க வேண்டிய நிலை உருவாகலாம் என அவர் தெரிவித்துள்ளார்.

மேலும், ரோபோக்கள் குறைந்த செலவில் பொருட்களை அதிக அளவில் உற்பத்தி செய்யக்கூடியதாக இருப்பதால், பணவீக்கம் (inflation) ஏற்படாமல் தடுக்கும் வாய்ப்பு இருப்பதாகவும் அவர் கூறியுள்ளார்.

AI தொழில்நுட்பத்தின் வேகமான வளர்ச்சி வேலைவாய்ப்புகளுக்கு பெரிய மாற்றங்களை ஏற்படுத்தக்கூடும் என்பதையும், அதற்கேற்ப பொருளாதார கொள்கைகளும் மாற்றம் அடைய வேண்டிய அவசியம் இருப்பதாகவும் அவர் சுட்டிக்காட்டியுள்ளார்.

''புதிய பதவி தொடர்பான செய்திகள் பொய்யானவை'' - ஏர் வைஸ் மார்ஷல் சம்பத்!

தமக்கு நாடாளுமன்ற உறுப்பினர் பதவி கிடைக்கவிருப்பதாகக் கூறப்படும் ஊடகச் செய்திகள் பொய்யானவை என பாதுகாப்புச் செயலாளர் ஏர் வைஸ் மார்ஷல் சம்பத் துயகொந்த தெரிவித்துள்ளார்.

ஏரிசக்தி அமைச்சர் பதவியை ராஜினாமா செய்துள்ள குமார ஜெயகொடி, எதிர்காலத்தில் நாடாளுமன்ற உறுப்பினர் பதவியிலிருந்தும் ராஜினாமா செய்யவிருப்பதாகவும், அவரது ராஜினாமாவுக்குப் பிறகு அப்பதவி வெற்றிடத்திற்கு பாதுகாப்புச் செயலாளர் துயகொந்த நியமிக்கப்படுவார் என்றும் சில ஊடகச் செய்திகள் தெரிவிக்கின்றன. அவ்வாறான செய்திகள் போலியானவை என ஏர் வைஸ் மார்ஷல் சம்பத் தெரிவித்துள்ளார்.

அதிக வெப்பம் செல்லப்பிராணிகளுக்கு ஆபத்து - வைத்தியர் எச்சரிக்கை!

தற்போது நிலவும் கடும் வெப்பம், குறிப்பாக கருப்பு நிற முடி கொண்ட நாய்கள் மற்றும் பூனைகளுக்கு உயிரிழப்பிற்கும் காரணமாக அமையும் என கால்நடை வைத்தியர் ஷோபாத் விஜேரத்ன தெரிவித்துள்ளார்.

செல்லப்பிராணிகளை நிறுத்தப்பட்ட வாகனங்களில் வைக்கக் கூடாது என்றும், அதிக வெப்ப நேரங்களில் நேரடி வெயிலில் வெளியில் விட வேண்டாம் என்றும் அவர் அறிவுறுத்தினார். 40 கிலோவிற்கு மேல் எடை கொண்ட பெரிய இன நாய்கள் அதிக ஆபத்தில் உள்ளதாகவும் அவர் மேலும் சுட்டிக்காட்டியுள்ளார்.

அதிகமாக மூச்சுவிடுதல், நாக்கை வெளியே நீட்டுதல் போன்றவை வெப்ப அழுத்தத்தின் அறிகுறிகளாகும். இப்படிப்பட்ட நிலையில் உடனடியாக தண்ணீர் கொடுத்து குளிர்வித்து, விரைவாக வைத்தியரை அணுக வேண்டும் என்றும் அவர் வலியுறுத்தினார்.

மேலும், செல்லப்பிராணிகளுக்கு எப்போதும் தண்ணீர் கிடைக்கச் செய்வது, பகலில் வாய்க்கட்டுப் போடாதது, கூண்டுகளை நிழலில் வைப்பது ஆகியவை அவசியம் எனவும் தெரிவித்தார்.