Life with yuki

යසෝගේ රහස 04 වන දිග හැරුම

අප්පච්චි අපි එක්ක අමනාපයක් නෑ නෙවද අම්මා.

ආවෙනම් බැන අඩගහල යන්ට කියාල. ඒ උනාට අගේට ඔය බෑණන්ඩිත් එක්ක කදේ දමාන ඉන්නෙ.

මට සතුටුයි අප්පච්චි සෝමෙව තේරුම් ගත්ත එකට.

මලය කෝ මගෙ දූ......

ඕං ආපු ගමන් රණසිංහ අයියත් එක්ක වැවට ගියා ගේ සරසන්ට නෙළුම් මල් කඩන්ටයි ඔරු පදින්ටයි කියාල.

අප්පේ බයෙවත් බැරුවා ඔව්ව හුරු නෑනෙ මයෙ සුදු පුතාට.

බයවෙන්ඩ කාරි නෑ අපෙ අම්මා.. රණසිංහ අයිය පරිස්සමින් මලයව එක්කං එයි.

මාමණ්ඩි....... ඇදුම් කාරිය මාරු කරගණ්ට. ඇතුල් ගෙට ගෙහුම්.

ඔනැන් නෑ සෝමෙ ළමයො මේ එලියෙ හොඳයි. අපි බවලත්තු නෙවෙයිනෙ .😁😁
පූතේ මේ ඉසව්වට කියන්නෙ මොකක් කියලද

මේ ගම මාමණ්ඩි කරපික්කඩ. ඔයි එහායින් පේන්නෙ කරපික්කඩ වැව. කුඹුරු යායට වතුර ගන්නෙ ඕකෙන්. නාන්නේ කරන්නෙත් ඕකෙන් තමයි ගමේ ඇත්තො. වැව් මාළු කණ්ඩත් පුළුවන් හවහට.

එතකොට මයෙ පුතා අර මැදවච්චියෙන් තිබ්බ පාරවල් දෙක මොකක්ද?

මාමණ්ඩි එතන තුංමං හන්දියක් නෙව තියෙන්නෙ. එකක් වවුනියාවට යන පාර ඒකෙ ගෙහුම් ඉසින් බැස්ස ගලට යන්ට පුළුවන්. අනික මන්නාරම පාර එකෙන් ගියාම මඩු පල්ලි වදින්න පුළුවන්. ඔය මාමණඩිල එනකොට පහුකරන් ආවෙ මැදවච්චිය වැව.

පුතා හේන් ගොවිතැනද කරන්නෙ..

හේනකුත් කරනව. ඒක හූවක දුර තියෙන්නෙ එතනම එහායින් අක්කරයක විතර කුඹුරු කෑල්ලකුත් තියෙනව. එකට වැව් දිය ගන්ට බෑ . ඒක එක කන්නයයි වගා කරන්නෙ. වැහි දියෙන්.

එතකොට අනිත් කන්නෙ පුරං වෙනවද?

එව්ව මාම ගොඩකුඹුරු නෙව. අනික් කන්නෙ එකෙත් එලවළු වගාව කරනව. තව මං ඔය හේන් වලින් එලවළු අල බතල ඇන්න බක්කියෙන් ඉරිදා පොලට යනව.

එහෙම තමා දියුණුවෙන ඉලංදාරි ඉන්ට ඕන. සිමෙන්ති දාල උළු හෙවිල්ලල ගේ කෑල්ලකුත් හදාගන්න බලන්ට මාත් උදවු කරඤ්ඤං.

එහෙමයි මාමණ්ඩි ඔය එහායින් ගෙට අත්තිවාරම් දමා තියෙන්නෙ. බිත්ති බැදගන්න හේනෙ ගඩොල් කපනව .පෝරණු බදින්නට බලාන.

දැං ඔය දරුවො නැකත් කාරිය බලාල ඇදුම් කැඩුම් හෙම ලෑස්ති කරලද තියෙන්නෙ හෙට කාරියට.

ඔව් අම්මා පන්සලේ හාමුදුරුවන් ගෙන් හොඳ වෙලාවක් සෝමෙ ගෙහුන් ඉල්ලගත්ත. කසාදෙ රෙජිස්ටර් කරන්ට මැදවච්චියට බක්කි කරත්තෙන් යන්ට ඕන. ඒකට යන්ට කරත්ත දෙකක් ලැහැස්ති කරල තියෙන්නෙ.

එතකොට කැවිලි පෙවිලි හදව්වද.

ඔව් එව්වත් ලැහැස්තියි කුසුමෙ අක්කගෙ අම්ම එව්ව ලෑස්ති කරනව.

මමත් ඔය කැවිලි පෙවිලි ටිකක් ගෙනල්ල ඇති කිතුල් හකුරු යි කිතුල් පැණි මුලකුත් ඇති.

මෙව්ව මෙහෙම කරන්ට අපි බලාපොරොත්තු උනේ නෑ .එකම කෙල්ල නෙව ජයට මගුල් තුලාව කරන්නටයි උන්නෙ ගමේ අපේ පරම්පරාවේ නෑ සනුහරේට කියල.

ඒ වෙලාවෙ හදිසි වෙලා අපි ගත්ත තීරණේ ට අපිට සමාවෙන්ට මාමණ්ඩි . මට නගා දාල එන්ට හිත කියව්වෙම නැතුවා.

කෙල්ල ඔය ජේස්ටෙ ලිව්ව විතරනෙ එව්වෑ ප්‍රථිපලේවත් ආවෙ නැතිකොට තාම.

අනේ අම්මා අප්පච්චි අපිට සමාවෙන්ට ඕනෙ . මට යසෝ මැණිකේ දාල එන්ට හිත දුන්නෙ නැතුං. වරද මගේ යසෝගෙ නෙවෙයි.

අපි කොච්චර ගිණි ගොඩකද උන්නෙ. අම්මා අප්පච්චි මතක් උනේ නැද්ද මයෙ රත්තරනෙ.

එව්ව දැන් කතාකරල අහවල් කෙං ගෙඩියකටද . අපේ මැණිකෙ දැන්වත් ඕක නවත්තල සැනසිල්ලෙ ඉන්ට. මතක්වෙන ගානට කියවන්නෙ නැතුව. දැන් වෙච්ච දේ උනා ආයි මුනා කරන්ටද?

අනේ ඔව් නුවර මැණිකෙ අපේ ලොකු පුතා මේ දැරිවිව ඇස් දෙක වගේ බලාගනියි. මගේ කොළු ගැන කියන්නට කිසිම වරදක් නෑ. ඒකා සියළු දුසිරිතෙන් තොරයි?

⭐⭐⭐⭐⭐

ඒ 1972 අවුරුදෙ සැප්තැම්බර් මාසෙ නව වෙනි ද.
සමරනායක ආරච්චිලාගේ යසවතී මැණිකේ සමරනායක හා දසනායක මුදියන්සේලාගේ සෝමරත්න දසනායක යුවල දෙපසේ මවුපිය ආශිර්වාදය මැද බොහොම චාමෙට නීත්‍යානුකූලව විවාහ ප්‍රාප්ත වුනා.

අම්මා අප්පච්චි අදත් ඉදල යන්නටකෝ.. මල්ලිත් කැමතියිනෙ.

බෑ දරුවො අපි දවල්ට කාල හවස් අතේ යන්නම්. ආයෙ ඉස්පාසුවේ එන්නම් හවහ නුවර යන බස් එකක් අල්ලගත්තා නම් යතෑකිනෙ.

අනේ ඔව් පුතේ කිරි එලදෙන වත්ත කෙලවර කජු ගහේ ගැට ගහල ආවෙ ඒබරං මාමට තණකොල ටිකක් කපා දෙන්ට කියල . ඒකි කීකරු මට විතර නෙ.

දවල් කෑම මේසය ඉතා සරුසාර විය. දඩමස් වැව් මාළු පොලොස් ඇඹුල කජු මාළු කහබත් රතු බත් ඉදලොලු මාළු පිපිඤ්ඤා ඇඹුල වගේම තවත් බොහෝ කෑම වර්ගවලින් පිරී තිබුණි.

අපේ සෝමෙ කොළු වාසනාවන්තයා . නුවර මැණිකෙ කෙනෙක්ම කැන්දාන එන්න කල් යල් බැළුව. වාසනාවන්ත මුණුබුරු මිණිපිරියො ලබාලා ධන ධාන්‍ය වස්තු සම්භාර ලැබිල චිරාත් කාලයක් සාමයෙන් සමාදානෙන් ඉන්ට ලැබේවා කියල මං ප්‍රාර්ථනා කරනවා ඕං .

කරුණාසේන බාප්පා තමයි ආහාර අනුබවයෙන් පස්සෙ දෙපැත්තෙ නෑ සනුහරේ අදුන්වල දීල නව යුවලට සුභ පැතුවෙ.

දවල් ආහාරයෙන් පැයකට පමණ පසු කට්ටිය පිටත් වීමට සැරසුණා.

එම සමුදිම ඉතාම හැගුම්බර විය. මල්වර දිනේ සිට පනමෙන් රැක්ක දියණියව අද සිට වෙනත් තරුණයෙකුට අයිති වෙන බව සිතන කොටත් පියාගෙ හිතට මහත් හිස් බවක් ඇතුළු විය. දැන් අපි පිටස්තර නොවේදැයි සිතීමත් දුකකි.

පුතේ අපිව මැදවච්චිය ටවුමට දැම්මනම් ඇති. එතනින් අපිට අනුරාධපුරේට ගෙහුන් අනුරාධපුරයෙන් රෑ බස් එකේ යන්ට පුළුවන්නෙ.

ඔව් රෑ බස් එක බුක් කරන්ට කියල මං රණේව යැව්ව අනුරාධපුරේට. දැං ගිහිල්ල ඇති. අප්පච්චිල එනකම් රණේ බලාගෙන ඇති.

ඔවූන් පිටත්ව ගිය පසු ඉතිරිවී සිටි නෑදෑයන් ද
ගේ දොර පිරිසිදු කර තම නිවෙස් වෙත ගියහ.

කුසුමෙගෙ අම්මාටත් උයන පිහන වැඩ කරාපු හන්ද මහන්සි කිව්ව උන්දැත් අද ගෙදර යන කතාවක් කිව්ව.

යසෝ එක්කරාන ආ දවසේ සිට අද විවාහ මංගල්‍ය වෙනකම් සෝමෙගෙ අම්මා ඇය ලගින් සෙලවුනේ නැත . ඇය තම දරුවෙක් මෙන් යශෝව රැක්කාය. අදින් පසු ඒ වගකීම සෝමෙ අතේය.

මගෙ පුතාලට රෑට කෑම තියෙනව කුස්සියේ. මං ගුණේ ලගෙ ගෙදර යනව. නිදාගන්ට කලින් දොර ජනෙල් හොඳට වහගන්ට.

හොඳයි අම්මා.

කෝ පුතා යසෝ දුව .

ඔය වැවට නාන්ට යන්ට ලෑස්ති වෙනව.

අද ඔය වැවේ නාන්ට ඔනැන්නෙ නෑ . ලිදෙන් නාන්ට.

යසෝ නගා ආං අම්ම කියල ගියා වැවට
යන්ට එපාය ලිදෙන් නාන්ටය කියල.

අයිය නාවනවද මාව වතුර ඇදල මට වතුර අදින්ටනම් බෑ.

නාවන්නම්කො ඉතිං මගෙ මැණිකෙ මං නාවන්නෙ නැතුව කවුරු නාවන්නද ?

සෝමෙ පලමු වතාවට යසෝව වතුර ඇද නෑවුවේය.

ලිදේ වතුර නම් සීතලයි අයියා වැවේ වතුර වලට වඩා

මෙතන කුඹුක් මණ්ඩිය නෙ නගා කොහොමත් සීතලයි. ගෙහුන් මටත් එක්ක කෝපි දෙකක් හදන්ට මං නාල එන්නම්.

සෝමෙ හනි හනික ට නාගත්හ. යසෝ ඒ වනවිටත් කෝපි කෝප්පයේ රස බලමින් උන්නාය.

සීතලයි අයියා හොඳටම මං කෝපි ටිකක් බීවා අයියටත් මේන් වත් කරාල තියෙන්නෙ උණු උණුවෙ බොන්නට.

සෝමෙ යසෝ දෙස ප්‍රේමණීය බැල්මක් හෙළුවේ ය.

ඇයි අයියා ඔහොම බලන්නෙ.

මටනම් කෝපි විතරක් බීලා මදි.

එහෙනම් කෑම බෙදන්ටද?

කෑම නම් නගා කොයිවෙලේ කන්ට බැරිද මට ඕන ඊටත් වඩා දෙයක රස බලන්ට. මං දවස් ගානක් පෙරුම් පිරුව. එසේ කිවු සෝමෙ යසෝව ඔසවා ගත්හ.

අනේ මං වැටෙයි අයියා

ඉතිං නගා මගේ බෙල්ල බදාගන්ට. ඇස් වහගන්ටකො කාමරේ බඩුවක් පෙන්නන්න තියෙනවා.

බලන්ට ඇස් ඇරලා කාමරේ ලස්සනද කියල.

අනේ හරිම ලස්සනයි. ඒකතමයි අයියා අනුරාධපුරේ බඩු ගේන්න යනකොට මං කැමති පාට ඇහුවෙ.

නගා කැමතිද?

කැමතියි කැමතියි හැබැයි මං හිතව්වෙ බඩුවක් පෙන්නන්න කිව්වම වෙන දෙයක්.😁😁

ඕං ඉතිං වෙන දේවලුත් පෙන්නන්ඩ තියෙනවා .ඊට කලියෙන් නගා ආස දේ පෙන්නන්ට එපැයි . තම්බිගෙ කඩෙන් ගෙනාවෙ පකිස්ථානයෙන් ගෙනාපූ බෙඩ්ශීට් කිව්ව. නගාගෙ වෙලාවට ඒ පාටම තිබ්බ.

දැන්වත් අයියා මාව බිම තියනවද?

සෝමරත්න ඇගිලි ගනිමින් සිටි මොහොත උදාවිය. එය ඔවුන්ගේ ජීවිතයේ සුන්දරම රාත්‍රියයි. 💞💞

🌹🌹කතාව කියවල ලස්සනයි නම් ලයික් එකක් කමෙන්ට් එකක් දාන්න මගේ යාළුවනේ.

5 වෙනි කොටසත් අරගෙන ඉක්මනින් එන්නම්

🌹🌹ඉතිං යාළුවනේ කියවල රස වින්දනම් කමෙන්ට් එකක් ලයික් එකක් දාන්න හොඳේ ❤️🌹

ලිව්වෙ :- Chithrani Ariyarathna
(කතෘ අවසරයකින් තොරව උපුටා ගැනීම තහනම්)