Rsb 4ever

عارف خاصني النسا هاد الإقصاء ، ونكمل عادي ،ولكن بحال هاد الحدث التاريخي على بعد خطوة من تحقيق الحلم القاري ، وتحقيق ماشي غي كأس بل أول نجمة كانت غادي تختم مسيرة القاب ديناهم ، وتزين شعار النادي برمزية تاريخية ، عمرها تنسا ، وتعطينا ربما فرصة مشاركة عالمية بين اندية العالم، مكانتش غي كأس مكانتش غي مشاركة قارية بحال ديما ، كانت فرصة تاريخية، في مسيرة النادي ، ولكن الغالب الله.

ومغاديش نعاتب شي واحد ، ولكن لمساج لي بغيت نواصل هو الإدارة بدات محتاجة تزيد تحط هادشي كاخبرة للمستقبل ، وكيبالي " الموديل " ديال ميكونش انتدابات شتوية والإعتماد على لاعبين لي كاينين ، مكيكونش خدام في كاع الأوقات، مند مدة ماحسيت بالفرقة عاجزة بحال هك ، مكاينش لاعبيين اعوضو لاعبين ، ولعابة لي كاينين هذاك هو جهدهم...

الحاصول الجمهور والفرقة والإدارة دارو لي عليهم ، ولكن ربما كانت ناقصة الخيبرة +او مكتابتش ، نتمناو تكون من ناصيبنا في المستقبل والسلام...