Simo Giming

🚨 شركات الإتصالات المغربية
فراسكم المقاطعة بدات

.🚨 فضيحة جديدة ديال شركات الاتصال فالمغرب! 🚨

شركات بحال Orange Maroc و inwi و Maroc Telecom دارو واحد التلاعب خطير فالعروض ديالهم 👎

كان عرض نجمة 6 بـ 30 درهم لمدة شهر، لي كان كيساعد بزاف ديال المغاربة، خصوصاً الطبقة البسيطة… وفجأة ❗
❌ تحيد بلا حتى إنذار
❌ وتعوّض بـ عرض 50 درهم
❌ زيادة 20 درهم فـ دقيقة وحدة!

وزادو زادوا عرض جديد نجمة 5 بـ 20 درهم لمدة 15 يوم فقط 🤯
يعني نقصو المدة وزادو فالثمن بطريقة ماشي معقولة!

شنو هاد التلاعب؟! فين هو الاحترام للمواطن؟!
هادشي كيبين بوضوح أن الشركات كتلعب بجيوب المغاربة بلا حسيب ولا رقيب

❌ المقاطعة واجبة ومستمرة!
حتى يرجع عرض 30 درهم كيف كان

📢 رسالتنا واضحة:
رجعو لينا حقنا، ووقفو هاد الاستغلال!

⚠️ إلا سكتنا اليوم، غداً غادي يطلع الثمن أكثر…

🇲🇦 كنت مغربي حر؟
ما تديرش عرض 50 درهم وخلي صوتك يوصل!

🔁 بارطاجي باش توصل الرسالة لكل مغربي داخل وخارج الوطن

#نجمة6 #المغرب

قفص النجمة 6 : احد مشاكل الشعب المغربي مع الانترنيت ، غير معقول انك كتعطي 30 درهم للشهر وعندك فقط واتساب فايسبوك وانستاغرام لي مجرد تطبيقات ديال التواصل الاجتماعي يعني نتا متقدرش دخل youtube تفرج فدورات وفيديوهات تعليمية بامتياز، متقدرش دخل ل google تقلب على المعلومة متقدرش دير تحديث حتا لتلفون ديالك متقدرش تأنسطالي تطبيق ....
الى بغيتي دير حتا شي روشارج بحال ناس كتلقا 1G ب 10 دراهم فجميع الشركات الثلات (كيتافقو على ثمن واحد نفس العروض نفس الريزو ) يعني كتلقا أثمنة خيالية مقابل خدمات رديئة . وا 50 درهم اعباد الله لي هي 5 دولار تقريبا تيديرو بيها ناس انترنيت لا محدود فالدول الأخرى بينما نتا فالمغرب يلاه كدير بيها نجمة 6 هادشي فالعروض اما الريزو بلا منهضرو عليه ......
والحل هو المقاطعة .
"المقاطعة سلاح المستهلك "
الى مقدرتيش قاطع شركة وحدة على الأقل ولا جوج وخدم غير وحدة .
والسلام عليكم



وشكرا