Mfl.mk

⚔️ Битола и Кавадарци домаќини на баражите за #1МФЛ

Во Битола и Кавадарци ќе се одиграат бараж натпреварите за пополнување на 1. МФЛ за сезоната 2026/27.

Двата натпревари се закажани за недела (31 мај) со почеток од 16:30 часот.

Во Кавадарци, Пелистер ќе се бори за задржување на прволигашкиот статус против Шкендија 77, која е на чекор до историски пласман и прво учество во елитата.

Во Битола, Скопје по две сезони минати во Втората лига има можност повторно да се врати меѓу најдобрите, додека на спротивната страна ќе биде Брера, клуб кој девет последователни сезони е дел од прволигашкото друштво и во неколку наврати ја претставуваше Македонија на европската сцена.

Кој ќе обезбеди место во #1МФЛза следната сезона? 👀

⚽ • 🇲🇰 🌐

Сите освојувачи на Купот на Македонија низ историјата (1992/93 – 2025/26) 🏆🇲🇰

Најтрофеен клуб во Купот на Македонија е Вардар, кој има шест освоени пехари од седум одиграни финалиња.

Со вчерашната победа над Шкендија во финалето, Силекс стигна до својот четврти куп-пехар и се израмни со Работнички на вечната листа. „Романтичарите“ имаат четири трофеи од седум финалиња, додека Силекс има четири трофеи од шест финални настапи.

Само три клуба успеале да го одбранат трофејот во две последователни сезони: Работнички (2007-2008 и 2014-2015), Вардар (1998 и 1999) и Македонија ЃП (2022 и 2023).

Најмногу финалиња има одиграно Слога Југомагнат – вкупно осум. Клубот трипати го освоил трофејот, а петпати бил поразен во финалето, што го прави и рекордер по бројот на загубени финалиња. Следува Шкендија со четири порази во финални натпревари.

🏆 • 🇲🇰 • 🌐

Селекторот на А репрезентацијата, Гоце Седлоски го соопшти списокот на фудбалери кои се во комбинација за претстојните пријателски натпревари на гостински терен против Босна и Херцеговина (29.05) во Сараево и Турција (01.06.) во Истанбул.

Предводникот на националниот тим на располагање ќе има 27 играчи, а меѓу нив петмина кои за прв пат ќе го носат дресот на македонската репрезентација, дефанзивецот на романски УТА, Дин Аломеровиќ, десниот бек на Вардар, Јанкулов, фудбалерите од средниот ред на Силекс, Анѓелески и Додев и најдобриот стрелец на Вардар, Азер Омерагиќ.

Поради повреда, селекторот Седлоски нема да смета на Љупче Дориев, Лука Станковски, Егзон Бејтулаи, Марио Илиевски и Димитар Митровски, а поради клупски обврски двата натпревари ќе ги пропуштат Тихомир Костадинов и Андреј Стојчевски.

⚽ • 🇲🇰 🌐