ProHealth

#ကလေးနှင့်ကာကွယ်ဆေး
------------------------------
ကျွန်တော့်ကို သားဦးလေးတွေမွေးထားတဲ့၊ အတွေ့အကြံမရှိသေးတဲ့ ကလေးမေမေတချို့က လာလာမေးကြတဲ့အကြောင်းတချို့ကို ကျွန်တော်ဖတ်ဖူးသမျှထဲက ပြန်လည်မျှဝေပေးပါရစေ။

✅တချို့ကမေးတယ်။ ကာကွယ်ဆေးကို စောထိုးလို့ရလားတဲ့။
- အကောင်းဆုံးကတော့ ထိုးရမယ့်အသက်အရွယ်ရောက်မှထိုးတာကောင်းပါတယ်။ မဖြစ်မနေဆိုရင်တော့ လေးရက်ခန့် စောထိုးလို့ရပါတယ်။ ဒါပေမယ့် ဒုတိယအကြိမ်၊ တတိယအကြိမ် ပြန်ထိုးရမယ့် ဆေးတွေဆိုရင်တော့ သူခြားရမယ့်ကာလခြားပြီးထိုးတာ အကောင်းဆုံးပါ။

✅နောက်တစ်ခုက ထိုးရမယ့်ရက်ကျော်သွားရင် ဘယ်လိုလုပ်ရမလဲ။ အစကပြန်ထိုးရမလားတဲ့။
- ရက်ကျော်သွားရင် အစကပြန်ထိုးစရာမလိုပါဘူး။ ရောက်တဲ့နေရာက ပြန်ဆက်ထိုးလိုက်ပါ။ (1,2) နောက်ပြီး ထိုးရမယ့် ရက်ကျော်သွားပြီး နောက်မှပြန်ထိုးရင်လည်း ကာကွယ်ဆေးကစွမ်းပါတယ်။ အကြိမ်ရေပြည့်အောင်ထိုးမယ်ဆိုရင် ကာကွယ်မှုကမလျော့ပါဘူး။ ထိုးရမယ့်ရက်မှာထိုးတာတော့အကာင်းဆုံးပါ။

✅ကာကွယ်ဆေးထိုးတဲ့နေရာက နီပြီရောင်နေလို့ ဘာလုပ်ရမလဲဆရာတဲ့။
- ထိုးပြီးပြီးချင်း အရမ်းရောင်နေလျှင် ရေခဲရေစွတ်ထားသောအဝတ်သန့်သန့်လေးနဲ့အုပ်ပေးပါ။ ကလေးအရေပြားက အေးလွန်းတဲ့ဒဏ်ကိုသိပ်မခံနိုင်တာကြောင့် ရေခံတုံးကိုတိုက်ရိုက်မကပ်ပါနဲ့။

✅တချို့ကမေးတယ် တည့်မတည့်ဘယ်လိုသိနိုင်မလဲတဲ့။ - မထိုးမချင်းတော့တည့်မတည့်ခန့်မှန်းလို့မရပါဘူး။ ဒါပေမယ့် မတည့်ဘူးဆိုတာက တော်တော်ရှားပါတယ်။ကျွန်တော်တော့ ခုထိမတွေ့ဖူးသေးပါ။ အကယ်၍ ထိုးပြီးတစ်ကိုယ်လုံး အင်ပြင်ထွက်ခြင်း၊ နှုတ်ခမ်းများရောင်လာပြီး အသက်ရှုခက်ခဲလာလျှင်မတည့်ခြင်းဖြစ်နိုင်သည်။ ဆရာဝန်နှင့်ဆွေးနွေးပါ။
( လိုအပ်သည်များရှိပါက ခွင့်လွှတ်ပါ) 🙏🏻

Dr-Zwe Nyi Nyi Thu