Arcane Studio

ဒီနေ့ကတော့ကျွန်တော်တို့ Arcane Studio က Screen printing ဆိုတာဘာလဲ၊ Screen printing ပညာဘယ်ကနေစတင်မွေးဖွားခဲ့တာလဲ ဆိုတာနဲ့ပတ်သက်လို့ အပိုင်းလေးတွေခွဲပြီး ရှဲရင်းလုပ်ပေးဖို့ရည်ရွယ်ထားပါတယ်။ အဲ့တော့စလိုက်ကြရအောင်ဗျာ....

Screen Printing ဆိုတာဘာလဲ?
_________

Screen Printing ဆိုတာ မျက်နှာပြင်တစ်ခုပေါ်သို့ မှင်များကို mesh screen (ပုံကူးမျက်နှာပြင်)မှဖြတ်သန်းစေပြီး ပုံရိုက်ခြင်းလုပ်ငန်းစဥ်တစ်ခုပါ။ Screen ၏အချို့သော ဧရိယာများသည် မှင်မစိမ့်ဝင်နိုင်သော Stencil (ရုပ်ပုံဘောင်ကူးကော်သုတ်ပြီးဖြစ်လာသောမျက်နှာပြင်အစိတ်အပိုင်း) ကိုဖန်တီးပေးပြီး screen မှဖြတ်သန်းသွားသော မှင်များသည် မျက်နှာပြင်ပေါ်တွင် ပုံနှိပ်ထားသော ပုံဖြစ်လာပါတယ်။

Screen Printing ရဲ့သမိုင်း
___________

အစောပိုင်း Screen Printing ပညာရပ်ဟာတရုတ်ပြည်စုန့်（宋）မင်းဆက်‌‌ခေတ် (အေဒီ ၉၆၀ မှ ၁၂၇၉) အတွင်းစတင်တွေ့ရှိခဲ့သည်။ စုန့် (宋) ခေတ်သည် တရုတ်နိုင်ငံတွင် ထူးထူးခြားခြား ဆန်းသစ်တီထွင်မှုများနှင့် ယဥ်ကျေးမှုထွန်းကားသည့်ကာလဖြစ်ပြီး ကုန်သွယ်မှုထွန်းကားမှု၊ နည်းပညာတိုးတက်မှုနှင့် အနုပညာရပ်ပိုင်းဆိုင်ရာအောင်မြင်မှုများ ရရှိခဲ့သောခေတ်လည်းဖြစ်သည်။ စုန့် (宋) ခေတ်အစောပိုင်းပုံစံများသည် အထည်၊ စက္ကူနှင့် ကြွေထည်များ အပါအဝင် အမျိုးမျိုးသော မျက်နှာပြင်များပေါ်တွင် ဒီဇိုင်းများကို လွှဲပြောင်းသည့်နည်းလမ်းအဖြစ် ပေါ်ပေါက်ခဲ့သည်။ အစောပိုင်းပုံနှိပ်ခြင်းတွင် တရုတ်လူမျိုးတွေဟာ လူ့ဆံပင်များကိုဆွဲဆန့်၍ သစ်သားဘောင်ကိုဖြတ်ကာ mesh screen များအဖြစ်အသုံးပြုခဲ့ကြပြီးသစ်ရွက်များကိုမူ Stencil အဖြစ်အသုံးပြုခဲ့ကြတာပါ။ အာရှယဥ်ကျေးမှု ကူးလူးဆက်ဆံမှု‌ကြောင့် နောက်ပိုင်းတွင်ဂျပန်များက ဆံပင်အစား ပိုမိုခိုင်ခန့်သောပိုးချည်ကို အစားထိုးအသုံးပြုလာပြီး Screen printing မှ Silk Screen Printing အဖြစ် ပိုမိုတွင်ကျယ်လာခဲ့သည်။ ၁၈ ရာစုလောက်မှသာ silk screen printing ပညာရပ်သည် ပိုးလမ်းမကြီးမှတစ်ဆင့် ဥရောပ‌သို့ ပြန့်နှံသွားခဲ့သည်။ ၂၀ ရာစုအစောပိုင်းသို့ရောက်သောအခါ အင်္ဂလိပ်လူမျိုး Samual Simon သည် ပုံရိပ်ကိုလျင်မြန်စွာ ပြန်လည်ထုတ်လုပ်ရန်အတွက် ၎င်း၏ကိုယ်ပိုင် silk screen stencils ဖန်တီးရန်နည်းလမ်းကို ရှာဖွေတွေ့ရှိခဲ့သည်။ ၎င်း၏နည်းလမ်းသည် ပိုမိုမြင့်မားသောဆန့်နိုင်စွမ်းအား နှင့် အရွယ်အစားတည်ငြိမ်မှုကို အာမခံသည့် silkscreen ကိုအသုံးပြုပြီးပုံရိုက်တာပါ။ ဒီနေရာမှာ rubber blade နဲ့ squeegees တွေပါအသုံးပြုပါတယ်။ ဒီပစ္စည်းတွေကယနေ့အထိ screen printing industry တွေမှာအသုံးပြုဆဲပါပဲ။ Simon ရဲ့နည်းလမ်းက high-quality custom wallpaper များရိုက်နှိပ်ရန်၊ Cotton ပိုးသား (သို့) Linen ပိတ်ချောပစ္စည်းများပေါ်တွင် ရိုက်နှိပ်ရန်ဖြစ်တာကြောင့် ထိုခေတ်ကာလ လူချမ်းသာများအတွက်ကိုက်ညီသလိုဖြစ်နေပါတယ်။ နောက်ပိုင်းမှာ Screen Printer များသည် အလင်းနှင့်တုန့်ပြန်သည့် ဓာတုပစ္စည်းများကို စတင်စမ်းသပ်ခဲ့ပြီး ၎င်း၏အသုံးချမှုအတွက် ပိုမိုတိကျသော အသွင်အပြင်ကို ဖန်တီးရန် gelatin နှင့်ပေါင်းစပ်ပြီး ပြုပြင်ခဲ့ကြသည်။ ထိုခေတ် အနုပညာရှင်(artist)များသည် လက်တင်စကားလုံး seri (ပိုးထည်) နှင့် ဂရိစကားလုံး graphein (စာရေးခြင်း)တို့မှ ဆင်းသက်လာသော serigraphy ဝေါဟာရဖြင့်ခေါ်ကြပြီးကို စီးပွားရေးလောကမှာတော့ Screen printing ဟုသာ အသုံးပြုကြသည်။ ၁၉၆၀ ပြည့်လွန်နှစ်များအတွင်း အနုပညာရှင် Andy Warhol သည် အမေရိကတွင် Screen printing ကိုအနုပညာဆန်သောနည်းပညာတစ်ခုအဖြစ် အသုံးပြုသောကြောင့် အနောက်တိုင်းလူ့အဖွဲ့အစည်းတွင်ခေတ်စားလာခဲ့သည်။

Arcane Studio Grand Opening ဆိုင်ဖွင့်ပွဲကြီး အမှတ်တရပုံရိပ်များ 🔥✨

ကြွရောက်ချီးမြှင့်ခဲ့ကြသော ဧည့်သည်တော်များအားလုံးကို ကျေးဇူးတင်ပါတယ်ခင်ဗျာ..

"မေ"
Creation art By Nyan Linn
Silk Screen printing by Arcane Clothing Studio
Order in here ⬇️⬇️⬇️⬇️
https://www.facebook.com/nyan.linn.7547031