Living English for All

ဘာသာစကားကို စတင်လေ့လာသင်ယူကြမယ့် ကလေးငယ်
များအတွက် သိသင့်စရာ အနည်းငယ် မျှဝေပေးချင်ပါတယ်
ခင်ဗျာ။

စာရေးသူ ဆရာမ Jayne Moon အကြောင်းအနည်းငယ် မိတ်ဆက်ပေးပါရစေ။ Jayne Moon ဟာ School of Education, University of Leeds မှာ ဘွဲ့လွန်သင်တန်း
များနှင့် TESOL သင်ကြားသူဆရာ၊ဆရာများ အတွက် သင်
တန်းတိုများ နှစ်ပေါင်းများစွာ ပို့ချပေးခဲ့သူ ဆရာမ တစ်
ယောက် ဖြစ်ပါတယ်။ အခုလောလောဆယ်မှာတော့ကလေး
ငယ်များအတွက် ဘာသာစကားသင်ကြားပေးခြင်းနဲ့ ပတ်
သက်ပြီး အတိုင်ပင်ခံပညာရှင်အဖြစ် ဆောင်ရွက်နေပါ
တယ်။

Children English Learning ဆိုတဲ့ စာအုပ်မှာ ဘာသာ
စကားလေ့လာသူတွေအတွက် အကောင်းဆုံး၊ သင်ယူတတ်
မြောက်နိုင်ဆုံး အ‌ခြေအနေနဲ့နည်းလမ်းအချို့ကို ဖော်ပြခဲ့ပါ
တယ်။ (သူရဲ့လုပ်ဖော်ကိုင်ဖက်တွေ၊အခြားဆရာ၊ဆရာမတွေ
နဲ့တွေ့ဆုံမေးမြန်းပြီးရှာဖွေတွေ့ရှိချက်ကိုခွဲခြားစိစစ်ပြီးရေး
သားထားတာပါ။ )

၁။ အချိန်ပေးနိုင်ခြင်း

ဘာသာစကားတတ်မြောက်ဖို့ အချိန်လုံလုံလောက်လောက်
ပေးရပါတယ်။ နှစ်ပေါင်းများစွာကြာကြာ ဆက်လက်လေ့လာ
ဖို့လည်းလိုပါတယ်။(အချိန်ပေးနိုင်လေ ပိုတတ်လေလို့ ပြော
ချင်တာပါ)

၂။ ဘာသာစကားနဲ့ ထိတွေ့ရင်းနှီးမှုများခြင်း

ကလေးငယ်တွေဟာ ကျောင်းတွင်းမှာရော ကျောင်းပြင်ပ
မှာပါ တတ်နိုင်သလောက် ဘာသာစကားပြောဆိုနိုင်ဖို့ အခွင့်
အလမ်း ရှိရပါမယ်။

၃။ မဖြစ်မနေ အသုံးပြုရခြင်း

သင်ယူသူတို့ရဲ့ နေ့စဉ်ဘ၀မှာ လေ့လာနေတဲ့ ဘာသာစကား
ကို အသုံးပြုရမယ့် အခြေအနေမျိုးတွေ များများ ရှိရင်လည်း တတ်မြောက်လွယ်ပါတယ်။ ဥပမာ ။မိတ်ဆွေဖွဲ့တာ၊ဈေး၀ယ်
ရတာ၊ ခရီးသွားတာ စသဖြင့်။(ဆိုလိုတာကတော့ ကလေးတစ်
ယောက်ဟာ သူ့ရည်ရွယ်ချက်‌အောင်မြင်ဖို့ အတွက် အခြား
တယောက်နဲ့ မဖြစ်မနေ ဘာသာစကားသုံးပြီး ရင်းနှီးမှုယူရ
တာမျိုး)

၄။ ဘာသာစကား၏ ပုံစံမျိုးစုံအား ထိတွေ့ကြားသိခြင်း

ဘာသာစကားရဲ့ အသုံးပြုပုံအမျိုးမျိုး ရှိပါတယ်။ အရေးအ
သား မှာသုံးတဲ့ အသုံးအနှုန်းအတိုင်း စကားပြောမှာ တိတိကျ
ကျ သုံးလေ့မရှိကြပါဘူး။ အခြေအနေပေါ်မူတည်ပြီး လူမှု
ဆက်ဆံရေးမှာ ဘယ်လိုအသုံးအနှုန်းကို သုံးရမယ်၊ စိတ်ကူး
တွေကို ပုံဖော်ပြောဆိုဖို့အတွက်ဆို ဘယ်လိုပုံစံတွေကို သုံးရ
မယ် ဆိုတာကို သိရပါမယ်။

၅။ ဆက်သွယ်အသုံးပြုနိုင်သော ဘာသာစကားအထိအတွေ့
ရရှိခြင်း

ကလေးတွေအတွက် English ကို ဘာသာရပ်(subject)
တစ်ခုလို မသင်ယူစေဘဲ ဘာသာစကား(language)တစ်မျိုး
အဖြစ် သင်ယူစေရပါမယ်။ အဓိပ္ပါယ်ဖော်ဆောင်ပေးနိုင်ပြီး ထိထိရောက်ရောက် ဆက်သွယ်ပြောနိုင်မှုကို ပိုမိုအလေးထား
ရပါမယ်။ ဘာသာစကားသင်ယူခါစ ကလေးငယ်များ ပြောဆို
တတ်ဖို့ အတွက် ဘာသာစကားရဲ့ Form(တည်ဆောက်ပုံ)
ကို အလွန်အလေးမထားဘဲ meaning(အဓိပ္ပါယ်ဖော်
ဆောင်နိုင်မှု)ကို အလေးထားဆောင်ရွက်သင့်ပါတယ်။(ဒါမှ
သာ အပြောစွမ်းရည်တိုးတက်လာနိုင်မှာ ဖြစ်ပါတယ်။တ
ဖြည်းဖြည်းပြောရဲဆိုရဲ ရှိလာပါမယ်။)

လေ့လာသင်ယူသူကောင်းများ ဖြစ်ကြပါစေ။

Ref: Children Learning English by Jayne Moon