Kawthoolei Reporter

တကီၢ်ခါခဲအံၤ ခီဖျိဒဲကဝီၤပူၤ တၢ်ဆီၣ်ထွဲမၤစၢၤပတုၥ်အဃိ တၢ်ဆါဟံၣ်တဖၣ် ကလဲၤတရံးဒံးသးအဂီၢ် ကီၢ်ကၠီၣ်တဲၣ်ဆူၣ်ချ့ ပှၤဘၣ်မူဘၣ်ဒါတဖၣ် ဘၣ်နုၥ်လီၤ မၤစၢၤက့ၤန့ၣ်လီၤ.

တၢ်ဂီၤတဘ့ၣ်အံၤ ပၥ်ဖျါဝဲဒၣ်လၢ မဲၢ်လးဒဲကဝီၤ တၢ်ဆါဟံၣ်အံၤတၢ်ဆီတလဲကိးက့ၤအမံၤလံန့ၣ်လီၤ. တၢ်အံၤ ပၥ်ဖျါထီၣ်ဝဲလၢ တၢ်အိၣ်ဆူၣ်အိၣ်ချ့လၢဒဲကဝီၤပူၤန့ၣ် ကီၢ်ကၠီၣ်တဲၣ် ကကွၢ်ထွဲဒီး မၤစၢၤက့ၤန့ၣ်လီၤ.

တနံၤအံ နၢ်ဟူဘၣ်ကဒီးလၢ ဒုၣ်ဒါဟဲကွံၥ်လီၤတၢ်ဖဲ မ့လဲၣ်ပး တၢ်မၤလိကၠိန့ၣ်လီၤ. မ့လဲၣ်ပး န့ၣ်အိၣ်ဝဲဒၣ်ဖဲ အဘူးဒီး ရၤမတံ န့ၣ်လီၤ.

ဒုၣ်ဒါတဖၣ်အံၤ ထီၣ်ဒုးဟံးန့ၢ်ပတၢ်လီၢ်တၢ်ကျဲ တကးဘၣ် မၤဟးဂီၤပကၠိ ပတၢ်ဆါဟံၣ်တဖၣ်အါမးန့ၣ်လီၤ. တၢ်အံၤလီၤသးဘၣ်ဒိဒိၣ်မး. တကးဘၣ် တၢ်လၢအလီၤသးဘၣ်ဒိဒိၣ်န့ၢ်အံၤန့ၣ် မ့ၢ်ဝဲ ကညီဖီၣ်စုကဝဲၤ ၃ ဖုလၢအမ့ၢ် DKBA, PC, BGF တဖၣ် တနံၤအံၤ ဘိးဘၣ်ရၤလီၤဝဲလၢ ကမၤစၢၤဒုၣ်ဒါအတၢ်မၤန့ၣ်လီၤ.
ကညီဖိတဖၣ် လိၣ်ဘၣ်ဝဲလၢ ကပူၤဖျဲးထီၣ်လၢ တၢ်ဆီၣ်တံၢ်မၤနၢၤ, ကအိၣ်က့ၤဒီးအထံအကီၢ်အတၢ်သဘျ့ ဘၣ်ဆၣ် မ့မ့ၢ်ပှၤ ၃ ဖုအံၤဒု တမုၢ်လၢ်ဝဲဒ်န့ၣ်ဘၣ်.