Thuta Plex
Share
သုတရပ်ဝန်း
23/02/2023
ကမ္ဘောဒီးယားနိုင်ငံ့မြို့တော် ဖနွမ်းပင်မြို့မြင်ကွင်း
📍(ခမာပြည်)
မြို့တော်ဖနွမ်းပင်မြို့ဟာဆိုရင် ကမ္ဘောဒီးယားနိုင်ငံရဲ့နိုင်ငံရေး၊ စီးပွားရေး၊ ယဥ်ကျေးမှုဗဟိုဖြစ်ပြီး ပြည်တွင်းပြည်ပလေကြောင်း၊ ရေကြောင်း၊ ကုန်းကြောင်း သယ်ယူပို့ဆောင်ရေးအချက်အချာလည်း ဖြစ်ပါတယ်။
အကျယ်အဝန်းကတော့ ၆၇၈.၄၆ စတုရန်းကီလိုမီတာ ဖြစ်ပြီး လူဦးရေမှာ နှစ်သန်းကျော် ရှိပါသည်။ ဖနွမ်းပင်မြို့သည် ကမ္ဘောဒီးယားနိုင်ငံအလယ်ပိုင်းမြေပြန့်လွင်ပြင်၊ မဲခေါင်မြစ်၊ Tonle Sap မြစ်နှင့် Basa မြစ်တို့မြစ်ဆုံးရာနေရာမှာ တည်ရှိပါတယ်။ ၁၄၃၄ ခုနှစ်မှာ မြို့တော်အဖြစ် သတ်မှတ်ထားခဲ့ပါတယ်။ နာမည်ကျော်ကြားတဲ့အဆင့်မြင့်ပညာရေးအဖွဲ့အစည်းများဟာ ဖနွမ်းပင်တော်ဝင်တက္ကသိုလ်၊ ဖနွမ်းပင်တော်ဝင်အနုပညာတက္ကသိုလ်၊ ကမ္ဘောဒီးယားအမျိုးသား စီမံအုပ်ချုပ်ရေးတက္ကသိုလ်တို့ ဖြစ်ပါတယ်။ သုတေသနဌာနများဟာလည်း တော်ဝင်သုတေသနဌာန၊ ကမ္ဘောဒီးယားပူးပေါင်းဆောင်ရွက်ရေးနှင့်ငြိမ်းချမ်းရေးသုတေသနဌာနတို့ ဖြစ်ပါတယ်။ ခရီးသွားများအတွက် စိတ်ဝင်စားဖွယ်နေရာများကတော့ တော်ဝင်နန်းတော်၊ အမျိုးသားပြတိုက်၊ လွတ်လပ်ရေးကျောက်တိုင်တို့ ဖြစ်ပါတယ်။
📸IG: KENBODIAN_
12/01/2023
မက်ထရစ်စနစ်ကိုမသုံးတဲ့ ရှားရှားပါးပါး သုံးနိုင်ငံ...
Metric(မက်ထရစ်) စနစ်ဆိုတာကတော့ တစ်ကမ္ဘာလုံးကအသိအမှတ်ပြုလက်ခံထားတဲ့ တိုင်းတာတဲ့စနစ်တစ်ခုဖြစ်ပါတယ်။ မက်ထရစ်စနစ်မှာဆိုရင် အလျားကို ကီလိုမီတာ၊ အလေးချိန်ဆို ကီလိုဂရမ်, ထုထည်ဆို လီတာဆိုပြီးသုံးလေ့ရှိကကြပါတယ်။
မက်ထရစ်စနစ်ဟာဆိုရင် ပြင်သစ်ကနေစတင်ပေါက်ဖွားဆင်းသက်လာတဲ့ စနစ်တစ်ခုဖြစ်ပြီး နိုင်ငံတကာသုံးစနစ် (SI) ဆိုပြီးနောက်ပိုင်းမှာ နိုင်ငံတကာအလေးချိန်နဲ့ တိုင်းတာရေးအဖွဲ့ကြီးကအသိအမှတ်ပြုခဲ့ပါတယ်။ ဒါပေမယ့် နိုင်ငံတကာကတပြေးညီသုံးနေတဲ့ မက်ထရစ်စနစ်ဟာ ထူးဆန်းစွာနဲ့ဒီနိုင်ငံမှာ အသုံးမဝင်ပါဘူး။ အဲ့ဒီနိုင်ငံတွေကတော့ အမေရိကန်ပြည်ထောင်စု၊ လစ်ဘေးရီးယားနဲ့ မြန်မာတို့ဖြစ်ကြပါတယ်။
အမေရိကန်ပြည်ထောင်စုဟာ ဗြိတိန်ကိုလိုနီဖြစ်ခဲ့ဖူးတဲ့နိုင်ငံတစ်နိုင်ငံဖြစ်တာနဲ့အညီ နိုင်ငံတကာသုံး မက်ထရစ်စနစ်ကိုအသုံးပြုဖို့တုံ့ဆိုင်နေခဲ့ပြီး အင်္ဂလိပ်တွေသုံးတဲ့ Imperial စနစ်ကိုပဲအသုံးပြုတဲ့နိုင်ငံဖြစ်ပါတယ်။ ကွန်ဂရက်မှာမက်ထရစ်စနစ်သုံးဖို့ အကြံပြုဖူးပေမယ့် အဲ့ဒီအချိန်က နိုင်ငံခြားရေးဝန်ကြီး သောမက်ဂျက်ဖာဆင်ကငြင်းပယ်ခဲ့ဖူးပါတယ်။
Imperial စနစ်မှာတော့ မက်ထရစ်လိုမဟုတ်ပဲ အလျားကိုတိုင်းရင် လက်မ၊ ထုထည်ဆိုရင် ဂါလန် နဲ့ အလေးချိန်ဆိုရင် တန် ဒါမှမဟုတ် ပေါင်တို့ကိုသုံးကြတာဖြစ်ပါတယ်။နောက်ထပ်တစ်နိုင်ငံဖြစ်တဲ့ လစ်ဘေးရီးယားဟာလည်း အမေရိကန်လိုမျိုးပဲ Imperial စနစ်ကိုသုံးတာဖြစ်ပါတယ်။ အမေရိကန်ကိုလိုနီဖြစ်ခဲ့ဖူးတဲ့ အာဖရိကနိုင်ငံငယ်ဟာ ဖွဲ့စည်းပုံကအစ အမေရိကန်ကိုမှီငြမ်းပြီးရေးထားတာဖြစ်လို့ အမေရိကန်တွေသုံးတဲ့စနစ်ကိုသုံးတာဖြစ်နိုင်ပါတယ်။ ဒါပေမယ့် အခုတို့ သူတို့အနေနဲ့နိုင်ငံတကာသုံး စနစ်ကိုပြောင်းဖို့ကြိုးစားနေတယ်လို့ ပြောထားပါတယ်။
မြန်မာနိုင်ငံဟာဆိုရင်လည်း ဗြိတိသျှကိုလိုနီဖြစ်ဖူးတဲ့နိုင်ငံတစ်ခုဖြစ်တဲ့အပြင် မူလကတည်းကကိုယ်ပိုင်အတိုင်းအတာစနစ် ရှိတဲ့နိုင်ငံတစ်ခုဖြစ်တဲ့အတွက် မက်စနစ်စနစ်ကိုမသုံးတဲ့နိုင်ငံတွေထဲက တစ်နိုင်ငံဖြစ်လာပါတယ်။ မြန်မာမှာဆိုရင်ပုံမှန်အရပ်ထဲမှာ အလေးချိန်တွေကို မြန်မာအတိုင်းအတာစနစ်ဖြစ်တဲ့ ပိဿာ၊ ကျပ်သားကို အသုံးပြုလေ့ရှိပြီး၊ အလျားကိုတော့ ပေ ဒါမှမဟုတ် ကိုက် ကိုအသုံးပြုပါတယ်။
ထုထည်ကိုလည်း ဂါလန်၊ အမြန်နှုန်းကိုလည်း မိုင်နဲ့သုံးလေ့ရှိပါတယ်။ ဒါပေမယ့် အခုနောက်ပိုင်းမှာတော့ ဈေးဝယ်စင်တာတွေမှာ မက်ထရစ်စနစ်ကိုစတင်အသုံးပြုလာတာတွေ့ရပါတယ်။ ဒါကြောင့်အဲ့ဒီနိုင်ငံတွေမှာ ဈေးဝယ်ထွက်မယ်ဆိုရင်တော့ သူတို့နိုင်ငံတွေအလိုက်သုံးတဲ့ အတိုင်းအတာစနစ်တွေကို အရင်ဆုံးသိထားပြီးမှထွက်သင့်ပါတယ်နော်။
22/11/2022
ကမ္ဘာ့တိုက်ကြီးတွေရဲ့အကောင်းဆုံး အမျိုးသားဘောလုံးအသင်းများ
------------------------
Fifa ရဲ့ ၂၀၂၂ ခုနှစ် အောက်တိုဘာ ၆ ရက်နေ့ ထုတ်ပြန်ထားတဲ့ စာရင်းဖြစ်ပါတယ်။
------------------------
တောင်အမေရိကတိုက်- ဘရာဇီး (ကမ္ဘာ့အဆင့် ၁)
ဥရောပတိုက်- ဘယ်ဂျီယံ (ကမ္ဘာ့အဆင့် ၂)
မြောက်အမေရိကတိုက်- မက္ကဆီကို (ကမ္ဘာ့အဆင့် ၁၃)
အာဖရိကတိုက်- ဆီနီဂေါ (ကမ္ဘာ့အဆင့် ၁၈)
အာရှတိုက်- အီရန် (ကမ္ဘာ့အဆင့် ၂၀ )
ဩစတြေးလျတိုက် - ဩစတြေးလျ (ကမ္ဘာ့အဆင့် ၃၈)
------------
မြန်မာ (ကမ္ဘာ့အဆင့် ၁၅၈)
-------------
ဗဟုသုတတွေကို လိုရင်းတိုရှင်း တင်ဆက်ပေးနေတဲ့ Thuta Plex ကို like and follow လုပ်ပြီး အားပေးနိုင်ပါတယ်။
Click here to claim your Sponsored Listing.
