H2S Studio

Legends are forever
R.i.p king Pele 💔

ကျနော်ကလေးဘဝတုန်းက ဘောလုံးကစားပြီး အိမ်ပြန်လာရင် အမေဟာ အမြဲတမ်းပြုံးရယ်နေတတ်တာပဲ...

ဒါပေမယ့် တစ်ရက် ကျနော်အိမ်ပြန်သွားတော့ အမေငိုနေခဲ့တယ်၊ ကျနော့်အစ်ကိုရော်ဘတ်တိုက ကျနော့်ကိုဖက်ပြီး ရေချိုးခန်းထဲခေါ်သွားတယ်၊ ပြီးတော့ သူပြောခဲ့တာက...

"မတော်တဆမှုတစ်ခုနဲ့ အဖေဆုံးသွားပြီ"တဲ့...

ဒါ ဘာအဓိပ္ပါယ်လဲ၊ ကျနော် နားမလည်နိုင်ခဲ့ဘူး၊ အဖေ ဘယ်တော့ အိမ်ပြန်လာမလဲ၊ သူ ဘယ်တော့မှ ပြန်မလာတော့ဘူး တဲ့၊ ဒါ ဘယ်လိုလုပ်ဖြစ်နိုင်မှာလဲ။ အဖေ့လောက် အိမ်ကိုချစ်တာ အဖေပဲရှိတာ...

အဖေ ကျနော့်ကို ပြောခဲ့ဖူးတယ်၊ "ဘောလုံးကို အနုပညာဆန်ဆန် ကစားရမယ်"တဲ့၊ ဒီကမ္ဘာကြီးမှာ ကျနော့်ရဲ့အရည်အချင်းကို အယုံကြည်ဆုံးတစ်ယောက်ဟာ အဖေပဲ၊ ကျနော့်အစ်ကို ဂရီမီယိုအသင်းမှာ စကစားတော့ အဖေအမြဲပြောလေ့ရှိတာက "ရော်ဘတ်တိုကစားတာ ကောင်းပါတယ်၊ ဒါပေမယ့် သူ့ညီက အများကြီးပိုကောင်းလာလိမ့်မယ်"တဲ့...

ဒါပေမယ့် ကျနော် သေသေချာချာ ဘောလုံးကစားတာကို အဖေမြင်မသွားခဲ့ရပါဘူး...

နောက်ထပ်နှစ်အနည်းငယ်ကြာတော့ သေခြင်းတရားရဲ့အကြောင်းကို ကျနော်နားလည်လာတယ်၊ အဖေဘယ်တော့မှ ပြန်မလာတော့ဘူးဆိုတာကိုလည်း ကျနော်နားလည်လာတယ်၊ ဒါပေမယ့် ကျနော် အရင်လို ဝမ်းမနည်းတော့ဘူး...

ဘာဖြစ်လို့လဲဆိုတော့...
ကျနော့်ခြေထောက်ထဲမှာ ဘောလုံးရှိနေတဲ့အချိန်တိုင်း အဖေဟာ ကျနော်နဲ့အတူ ရှိနေတယ်လေ...

(ရော်နယ်ဒင်ဟို)