CloudDeposit

Back in stock !!!

What is cloud computing ?
=====================================
Cloud Computing ဆိုသည့်စကားလုံးအရ Cloud ဆိုသည်မှာ အင်တာနက်ကို မိုးတိမ်ကဲ့သို့တင်စားထားခြင်းဖြစ်ပြီး computing ဆိုသည့်စကားအရ ဆာဗာ၊ storage များနှင့် အက်ပလီကေးရှင်းများပါဝင်သော အင်တာနက် အခြေပြုသည့် computing စနစ်များကို ဆိုလိုခြင်းဖြစ်သည်။ အဓိပ္ပါယ်ကတော့ စီးပွားရေးလုပ်ငန်းများအနေဖြင့် အင်တာနက်မှတစ်ဆင့် ကွန်ပျူတာနှင့် စက်ပစ္စည်းများကို ချိတ်ဆက်အသုံးပြုသည့် နည်းပညာတစ်မျိုးဖြစ်သည်။ အရင်က လုပ်ငန်းသုံး software များ၊ storage များနှင့် အခြားသော computing resources များကို လုပ်ငန်းတွင်းတွင် တည်ထောင်ထားရပါတယ်။ ဒါကြောင့် ဝန်ထမ်းများကို ကိုယ်ပိုင်ခန့်ရပြီး Service + Network Infra များကို ထိန်းသိမ်းစောင့်ရှောက်ရပါတယ်။ Efficient မဖြစ်သလို Convenient လည်း မဖြစ်ပါဘူး။ ဒါကြောင့် software နဲ့ storage လိုမျိုးတွေကို cloud ကဲ့သို့ အင်တာနက်အခြေပြုပုံစံပြောင်းလိုက်တဲ့အခါမှာ မည်သည့်နေရာကမဆို အင်တာနက်ရှိရုံနဲ့ ချိတ်ဆက်သုံးလို့ရတယ်။ ကွန်ပျူတာ၊ ဖုန်း၊ တက်ဘလက် စသည်ဖြင့် မည်သည့်စက်ပစ္စည်းမဆို အင်တာနက်ချိတ်ပြီး browser ကတစ်ဆင့် အသုံးပြုနိုင်ပါတယ်။ Cloud နည်းပညာရဲ့အားသာချက်အဖြစ် IaaS (Infrastructure As A Service), PaaS (Platform As A Service), SaaS (Software As A Service) ဆိုတဲ့ နည်းလမ်းတွေပေါ်ပေါက်လာပြီး စီးပွားရေးလုပ်ငန်းများကို များစွာပံ့ပိုးကူညီပေးနိုင်သည့် Cloud နည်းပညာများ တိုးတက်ဖြစ်ပေါ်လာစေသည်။ Cloud နည်းပညာကို ဝန်ဆောင်မှုပေးနေသော လုပ်ငန်းများစွာရှိသည့်အနက်မှ ဈေးကွက်ဦးဆောင်သူတစ်ဦးဖြစ်သည့် Amazon Web Services (AWS) က IaaS, PaaS, SaaS စသည့် ဝန်ဆောင်မှုများကို ပေးနေပါတယ်။