KaungMyat Computer Training School

‎Financial Management ဆိုတာဘာလဲ???
‎
‎• လုပ်ငန်းတိုင်း အောင်မြင်ရန်အတွက် ကောင်းမွန်သော ဘဏ္ဍာရေးဆိုင်ရာ စီမံခန့်ခွဲမှု (Financial Management) သည် အသက်တမျှ အရေးကြီးပါတယ်။ Financial Management ကို လျှစ်လျှူရှုထားလျှင် လုပ်ငန်းစတင်ကတည်းက ကျရှုံးဖို့ရန် ဦးတည်နေသလို ဖြစ်နေတတ်ပါတယ်။
‎
‎• လုပ်ငန်းပိုင်ရှင်တိုင်း၊ Business Manager တိုင်းအတွက် Financial Management ဟာ အရေးကြီးသော တာဝန်တစ်ရပ်ဖြစ်ပါတယ်။
‎
‎• အကြောင်းကတော့ သူတို့အနေနဲ့စီမံခန့်ခွဲမှုဆိုင်ရာ ဆုံးဖြတ်ချက်တိုင်းဟာ လုပ်ငန်း၏အမြတ်ရမှု (Profit)၊ ငွေသားစီးဆင်းမှု (Cash Flow) နှင့် ကုမ္ပဏီရဲ့ ဘဏ္ဍာရေးအခြေအနေ (Financial Condition) အပေါ်မှာ ဖြစ်လာနိုင်တဲ့ အကျိုးဆက်တွေနဲ့ ဆပ်စပ်နေလို့ပဲဖြစ်ပါတယ်။
‎
‎• လုပ်ငန်းတစ်ခု၏ အစိတ်အပိုင်း အကုန်လုံးနှင့် သက်ဆိုင်သော လုပ်ဆောင်ချက်များသည် ကုမ္ပဏီ၏ ဘဏ္ဍာရေးဆိုင်ရာ စွမ်းဆောင်မှု အပေါ်မှာ သက်ရောက်မှုရှိတဲ့အတွက် လုပ်ငန်းပိုင်ရှင်များအနေဖြင့် ပုံမှန်အကဲဖြတ်ခြင်း၊ ထိန်းချုပ်ကွပ်ကဲခြင်းများ ကို လုပ်ဆောင်ဖို့ မဖြစ်မနေ လိုအပ်ပါတယ်။
‎
‎• ဥပမာအားဖြင့် UK နိုင်ငံမှာဆိုရင် နှစ်စဉ်နှစ်တိုင်း လုပ်ငန်းသစ်ပေါင်း ၄၀၀,၀၀၀ လောက် စတင်ထူထောင်ကြရာမှာ သုံးနှစ်အတွင်း သုံးပုံတစ်ပုံသော လုပ်ငန်းများ ရပ်ဆဲလိုက်ရသည်ဟု သုတေသန လုပ်ငန်များက ပြောကြတယ်။
‎
‎• အခုလိုရပ်ဆဲလိုက်ရတဲ့ လုပ်ငန်းများဟာ Customer မရှာနိုင်ခြင်း၊ Product ရောင်းမထွက်ခြင်းတို့ကြောင့် မဟုတ်ပဲ Cashflow Management အားနည်းခြင်းကြောင့်ဖြစ်တယ်လို့လေ့လာတွေ့ရှိရတယ် လို့ဆိုထားကြပါတယ်။
‎
‎• ဘဏ္ဍာရေးနှင့် ပတ်သက်တဲ့ ဆုံးဖြတ်ချက်များသည် လုပ်ငန်းကြီးသည်ဖြစ်စေ၊ လုပ်ငန်းငယ်သည်ဖြစ်စေ၊ လုပ်ငန်းသက်တမ်းနုသည်ဖြစ်စေ ၊သက်တမ်းကြာနေပြီ ဖြစ်စေ Industry မျိုးစုံမှာရှိသော ကုမ္ပဏီများအတွက် အခက်အခဲဆုံးနှင့် အရေးကြီးဆုံးအပိုင်း ဖြစ်လာပါတယ်။
‎
‎• မှန်ကန်သော Financial Management နည်းစနစ်များချမှတ်မှု၊ ကောင်းမွန် သော ဘဏ္ဍာရေးဆိုင်ရာ Knowledge များအား ထိရောက်စွာ အသုံးချနိုင်မှု၊ သေချာသော ဘဏ္ဍာရေးဆိုင်ရာ ဆုံးဖြတ်ချက်များအား အချိန်မီချနိုင်မှုများဟာ...
‎
‎လုပ်ငန်းရှင်တိုင်း၊ မန်နေဂျာတိုင်း Financial Management နဲ့ ပတ်သက်ပြီး မဖြစ်မနေချမှတ်ရတဲ့ ကြီးမားတဲ့ ဆုံးဖြတ်ချက် (၃) ခုကတော့
‎
‎၁. ရင်းနှီးမြုပ်နှံမှုဆိုင်ရာ ဆုံးဖြတ်ချက် (Investment Decision)။။ ပုံသည်ရေရှည်ပိုင်ဆိုင်မှု (Fixed Assets) တွေမှာ ရင်းနှီးမြုပ်နှံရတာမျိုး (တနည်းအားဖြင့် ငွေလုံးငွေရင်းအသုံးစရတ်တွေကို ခန့်မှန်းတွက်ချက်ခြင်း (Capital Budgeting) လို့ပြောလိုလည်းခေါ်ကြပါတယ်။ ဒါ့အပြင် ရေတိုပိုင်ဆိုင်မှုနဲ့ ရပိုင်ခွင့်တွေဖြစ်တဲ့ လုပ်ငန်းလည်ပတ်မှု (Operation) အတွက် နေစဉ်လည်ပတ်ငွေ (Working Capital) မှာ ရင်းနှီးမြုပ်နှံမှု တို့ပါပါတယ်။
‎
‎၂. ဘဏ္ဍာရေးဆိုင်ရာ ဆုံးဖြတ်ချက် (Financial Decision)။။ အရင်းအမြစ်မျိုးစုံကနေ အရင်းအနှီးတိုးမြင့် ရှာဖွေတာမျိုးအတွက် ဖြစ်နိုင်ခြေရှိတဲ့ အရင်းအမြစ်မျိုးစုံကို ရှာဖွေရမယ်။ ဥပမာ ချေးငွေယူမယ်ဆိုင်ရင် ငွေချေးသက်တမ်း၊ အတိုးနုန်းထား၊ ပြန်လည်ပေးဆပ်မည့် အချိန်နဲ့ အစီအစဉ်၊ ချေးငွေဖြင့် အလုပ်လုပ်ပြီး ပြန်ရနိုင်ခြေ အကျိုးအမြတ် စသည်ဖြင့် ဆုံးဖြတ်ချက် အများကြီးချရမှာပါ။
‎
‎၃. အရုံးအမြတ်ခွဲဝယ်ပေးမယ့် မူဝါဒဆိုင်ရာ ဆုံးဖြတ်ချက် (Dividend Policy Decision)။။ တကယ်လို့ မိမိလုပ်ငန်မှာ တစ်ခြားသူတွေကို ရှယ်ယာရောင်းထားပြီး အရင်အနှီးရှာထားတယ်ဆိုရင် အမြတ်ဝေစု (Dividend) ဘယ်လိုခွဲပေးမလဲ။ လုပ်ငန်းထဲမှာ ဘယ်ရွေ့ဘယ်မျှ ပြန်ထိမ်းထားမလဲ (Retained Earning) ဖယ်ထားခြင်းတွေ ဆုံးဖြတ်ချက် အများကြီးချရမှာပါ။
‎
‎ဒါတွေအပြင် အောက်မှာ ဖော်ပြထားတဲ့ ဆုံးဖြတ်ချက်တွေကိုလည်း လုပ်ငန်းရှင်တိုင်း၊ မန်နေဂျာတိုင်း အမြဲချမှတ်ကြရမှာပါ…
‎
‎လုပ်ငန်းတစ်ခု၏ ပုံမှန်လည်ပတ်မှု (Normal Operation) ၊
‎
‎လုပ်ငန်းလည်ပတ်မှု အကြောင်းဆိုင်ရာ အစီရင်ခံစာများ (Reporting on Business Operation) ၊
‎
‎အရင်းအနှီးငွေတိုးမြှင့် ရှာဖွေမှု (Raising of Debt and Equity)၊
‎
‎အမြတ်အစွန်းရမှု အားခွဲဝေသုံးစွဲမှု (Allocation of Profit)၊
‎
‎မတည်ငွေများအား ရင်းနှီးမြှပ်နှံမှု (Investing the Capital)၊
‎
‎လုပ်ငန်းချဲ့ထွင်မှု (Business Expansion)၊
‎
‎ငွေရေးကြေးရေး ထိန်းချုပ်မှု (Financial Control)၊
‎
‎လိုအပ်သော ရင်းနှီးငွေအားတွက်ချက်ခြင်း (Calculating the Capital Required)၊
‎
‎ရသုံးမှန်းချေတွက်ချက်မှု (Budgeting)၊
‎
‎အနာဂတ်အတွက် အစီအစဉ်ရေးှဆွဲမှု (Business Plan)
‎
‎အစရှိသော ကဏ္ဍပေါင်းစုံအတွက် အရေးကြီးသည်ဖြစ်ရာ...
‎
‎• လုပ်ငန်းရှင်တိုင်း၊ Business Manager တိုင်းအတွက် Financial Management နှင့် ပတ်သက်သော ကောင်းမွန်သာလွန်သည့် ဗဟုသုတများစွာ လိုအပ်လာပြီဖြစ်ပါတယ်။
‎