Arsenal World

ဒီနေ့ည ချယ်ရီတွေနဲ့ ပွဲကို အာရုံစိုက်ကြမယ်။ အကောင်းဆုံး အားပေးသွားကြတာပေါ့ ညီကို တို့ရေ🤝

ဖြုတ်စရာ ရှိတာ ဖြုတ်ပလိုက် ကိုယ့်လူတို့ ။ ရှည်ရှည်ဝေးဝေးဘာမှတွေးမနေနဲ့ ။ One game at the time ပုံစံအတိုင်း သွားကြရမယ်။ အပျော်လဲမစောနဲ့ စိုးရိမ်စိတ်လဲ မရှိနဲ့။ ခြေတလှမ်းချင်း သေချာလေး ကြိုးစားလှမ်းသွားကြမယ်။

ရည်မှန်းချက် ထားရမယ်ဆိုပေမယ့် အဝေးကြီးကို တွေးပြီး စိတ်ကူးယဥ်နေရင်လဲ အပိုပဲ။ လက်ရှိခြေလှမ်းတွေကို ပဲ focus ကြမယ်။ ခြေတစ်လှမ်း လှမ်းပြီးတဲ့အခါ ဒီခြေလှမ်းအတွက် အောင်ပွဲခံ ပျော်ရွှင်မယ်။

ပြီးရင် ဒီပျော်ရွှင်မှုက ရတဲ့ အားအင်နဲ့ နောက်ခြေလှမ်းကိုဆက်လှမ်းကြမယ်။ ရှေ့မှာ ခြေလှမ်း 19 လှမ်းရှိတယ်။ ခြေချော်လဲတာ ဟန်ချက်ပျက်တာ ဘာမဆိုမဖြစ်နိုင်တယ်။ အဲ့လိုဖြစ်လာရင်လဲ ပြန်ထပြီး ဆက်လှမ်းသွားနိုင်ဖို့လိုပါလိမ့်မယ်။

ဘောလုံးပဲ ဖြစ်ဖြစ် ဘဝ ပဲ ဖြစ်ဖြစ် ဒီသဘောပါပဲ။ အဝေးကြီးကိုတွေးပြီးလဲ စိတ်ပင်ပန်းမခံပါနဲ့ ။ အတိတ်ကိုတွေးပြီးတော့လဲ နောင်တတွေနဲ့ ပိတ်လှောင်မထားနဲ့။ ဒီနေ့ရက် ဒီခြေတလှမ်းကို အကောင်းဆုံးလှမ်းသွားရင် ကျွန်တော်တို့တွေ ပန်းတိုင်ကို ရောက်ကိုရောက်မှာ။

ဒီနေ့အတွက် ခြေတလှမ်းကတော့ ရလဒ်တွေ ဆိုးဝါးနေတဲ့ ဘုန်းမောက်ပါပဲ။ Must win ပွဲ ဖြစ်တာကြောင့် မဖြစ်မနေ နိုင်ဖို့ လိုအပ်ပါတယ်။ သရေပွဲတွေများနေတဲ့ ဘုန်းမောက်ကြောင့် အမှတ်ခွဲယူဖို့ ညှစ်ကစားလာမှာကို သတိထားရပါမယ်။

ဒါပေမယ့် သူတို့ရဲ့ ခံစစ်အားနည်းချက်ကို အသုံးချနိုင်ရင် နိုင်ပွဲ ရဖို့ကတော့ မခက်ပါဘူး။ အဓိက က တိုက်စစ်က ကျွန်တော်တို့ကောင်တွေ သွင်းဂိုးတွေနဲ့ ယုံကြည်မှု ရဖို့ပါ။ တိုက်စစ်ကစားသမားတွေ ဂိုးသွင်းနိုင်ရင်တော့ ကျွန်တော်တို့တွေ ဒီခြေလှမ်းကို အောင်အောင်မြင်မြင် လှမ်းသွားနိုင်မှာပါ။