ILBSM-Virtual Learning & Language Center

အများသိစေရန် ကြေငြာအပ်ပါသည်။

ILBSM အမှတ်တံဆိပ်ကို မြန်မာနိုင်ငံစာချုပ်စာတမ်း မှတ်ပုံတင် ရုံးတွင် တရားဝင်မှတ်ပုံတင်ပြီး ပညာရေး ဝန်ဆောင်မှု့လုပ်ငန်းကို လုပ်ကိုင်ဆောင်ရွက်လျက်ရှိပါသည်။

ILBSM SCHOOL အမှတ်တံဆိပ်ဖြင့်တိုက်ရိုက်၍သော်လည်းကောင်း၊ သွယ်ဝိုက်၍သော်လည်းကောင်း အခြားလုပ်ငန်းတူများတွင် ထင်ယောင်ထင်မှား ဆင်တူရိုးမှားဖြစ်အောင် ပြုလုပ်ဆောင်ရွက်၍သော်လည်းကောင်း မှီငြမ်းတုပ သုံးစွဲ ခြင်း လုံးဝ မပြုလုပ်ကြရန် နှင့်အကယ်၍ တုပဖောက်ဖျက်ကျူးလွန်မှု့ တစုံတရာ တွေ့ရှိပါက ရာဇဝတ်ကြောင်းဥပဒေအရ အမှု့ဖွင့် အရေးယူမည့်အပြင် နစ်နာမှု့များ အတွက်တရားမ နစ်နာမှု့ ဥပဒေ အရ ထိရောက်စွာ အရေးယူ ဆောင်ရွက်သွားမည်ဖြစ်ကြောင်း အသိပေး ကြေငြာအပ်ပါသည်။

ILBSM ကျောင်းအနေဖြင့် လုပ်ငန်းတူ မည်သူ တဦးတယောက်နှင့်မှ လက်တွဲ လုပ်ဆောင်ရန် ပေးအပ်ထားခြင်းမရှိသည်ကို အများသိစေရန် အသိပေး ကြေငြာအပ်ပါသည်။

ယခု အခါ ILBSM ကျောင်း အမှတ်တံဆိပ်များ ပါဝင်သည့် ကျောင်းဝတ်စုံများ၊ အောင်လက်မှတ်များ ကို အသုံးပြု၍ တခြား လုပ်ငန်းတူ များတွင် ထင်ယောင်ထင်မှားဖြစ်အောင် သုံးစွဲ ကြေငြာနေသည်ကို သက်သေ အထောက်အထားများဖြင့် ရရှိထားပါသည်။

ထို လုပ်ငန်းတူ များမှ ၂၄ နာရီ အတွင်း ပြုလုပ်သုံးစွဲ ထားသည်များ ကို ချက်ချင်းဖြုတ်ချရန်နှင့် ၂၄ နာရီ ကျော်လွန် ပြီးလိုက်နာမှု့မရှိပါက သက်သေများနှင့်တကွ ဥပဒေ ကြောင်းအရ ဖြေရှင်းရမည်ဖြစ်ကြောင်း ကြိုတင် အသိပေး အပ်ပါသည်။

ကဆုန်လပြည့်နေ့ သည် ဗုဒ္ဓဘာသာဝင်တို့၏ နေ့ထူးနေ့မြတ်ကြီး ဖြစ်ပေသည်။

၁။ ဘုရားအလောင်းတော်
သုမေဓာရှင်ရသေ့သည်
ဤဘဒ္ဒကမ္ဘာ၌ လေးဆူမြောက်ဖြစ်သော ဂေါတမအမည်ဖြင့် ဘုရားစင်စစ် ဧကန်ဖြစ်လိမ့်မည်ဟု ဒီပင်္ကရာ မြတ်စွာဘုရားထံမှ နိယတဗျာဒိတ်ကို ကဆုန်လပြည့်နေ့တွင် ခံယူခဲ့သည်။

၂။ မဟာသက္ကရာဇ် ၆၈-ခု ကဆုန်လပြည့်နေ့တွင် ဂေါတမဘုရားအလောင်းတော် သိဒ္ဓတ္ထမင်းသားအား ဖွားမြင်တော်မူခဲ့သည်။

၃။ မဟာသက္ကရာဇ် ၁၀၃-ခု ကဆုန်လပြည့်နေ့ အရုဏ်တက်ချိန်တွင် ဂေါတမဘုရားအလောင်းတော်သည် သဗ္ဗညုတဉာဏ်တော်ကို ရရှိ၍ ဘုရားဖြစ်တော်မူခဲ့သည်။

၄။ မဟာသက္ကရာဇ် ၁၄၈-ခု ကဆုန်လပြည့်နေ့တွင် မလ္လာမင်းတို့၏ အင်ကြင်းဥယျာဉ်၌ ဘုရားရှင် ပရိနိဗ္ဗာန် စံဝင်တော်မူခဲ့သည်။

ဤသို့ ထူးခြားချက် ၄-ရပ်နှင့် ပြည့်စုံသဖြင့် ဗုဒ္ဓဘာသာဝင်အပေါင်းတို့က ကဆုန်လပြည့်နေ့အား ဘုရားနေ့ဟု သတ်မှတ်ခဲ့ကြသည်။ ဘုရားရှင်သည် ဤနေ့ဤအခါ၌ သဗ္ဗညုတ
ရွှေဉာဏ်တော်ကို ရတော်မူရန်အတွက် ဗောဓိပင်အား အမှီပြု၍ တရားအားထုတ်တော်မူခဲ့သည်။ ထို့ကြောင့် ဗုဒ္ဓဘာသာဝင်တို့သည် ဗောဓိပင်အား ရေသွန်းလောင်းခြင်းစသော ကုသိုလ်ကောင်းမှုတို့ကို ပြုလုပ်ကြသည်။ ရေသွန်းလောင်းကြသည်မှာ ကဆုန်လတွင် ရေရှားပြတ်လပ်၍ ညှိုးလျော်အံ့ဆဲဖြစ်သော ဗောဓိပင်ကို လန်းဆန်းစိုပြေစေရန်အတွက် ဖြစ်ပေသည်။

ထိုအလေ့အထသည် ဗုဒ္ဓဘာသာဝင်တို့တွင် ပျောက်ကွယ်သွားခြင်းမရှိဘဲ ယနေ့ထက်တိုင် ရှင်သန်ဆဲဖြစ်သည်။ နှစ်စဉ်အမြဲပင် ကဆုန်လပြည့်နေ့တွင် ညောင်ရေသွန်းပွဲများ ပြုလုပ်လျက်ရှိကြသည်။

🇬🇳ဗျာ၊ ဖွား၊ ပွင့်၊ စံ ဤလေးတန်မှတ်ရန် ဗုဒ္ဓနေ့

* ဗျာ-ကဆုန်လပြည့်နေ့မှာ ဗျာဒိတ်တော်ကိုခံယူတော်မူပါသည်။
* ဖွား-က‌ဆုန်လပြည့်နေ့မှာ ဖွားမြင်တော်မူပါသည်။
* ပွင့်-က‌ဆုန်လပြည့်နေ့မှာ ဘုရားပွင့်တော်မူပါသည်။
* စံ-က‌ဆုန်လပြည့်နေ့မှာ ပရိနိဗ္ဗာန်စံဝင်တော်မူပါသည်။

က‌ဆုန်လပြည့်နေ့တွင်
မြတ်ဗုဒ္ဓ၏ အဖြစ်တော်လေးမျိုးစလုံး တိုက်ဆိုင်စွာဖြစ်ပေါ်ခဲ့သောကြောင့် ထိုနေ့သည် ထူးမြတ်သောနေ့ ဖြစ်သည်။

🇬🇳ကဆုန်လပြည့်နေ့တွင်
ဒီပင်္ကရာဘုရားရှင်ထံမှ ဘုရားစင်စစ်ဧကန်ဖြစ်လိမ့်မည်ဟူ၍ ဗျာဒိတ်တော် ရရှိခဲ့ပါသည်။

🇬🇳ဂေါတမမြတ်စွာဘုရားလောင်း ဖြစ်တော်မူသော
သိဒ္ဓတ္ထမင်းသား ကို သက္ကတိုင်း
ကပိလဝတ် (နီပေါနိုင်ငံ)တွင် ကပိလဝတ်ပြည့်ရှင် သာကီဝင်မင်းမျိုးဖြစ်သော သုဒ္ဓေါဒနမင်းကြီးနှင့်မိဖုရားခေါင်ဖြစ်သော သိရီမဟာမာယာ မိဖုရားကြီးတို့မှ လွန်ခဲ့သောနှစ်ပေါင်း၂၆၀ဝ ခရစ်တော်မပေါ်မီ (ဘီစီ ၆၂၃) မဟာသက္ကရာဇ် ၆၈ ခု ကဆုန်လပြည့်သောကြာနေ့ နံနက် ၁ ချက်တီးအချိန် ဝိသာခါနက္ခတ်နှင့်စန်းအယှဉ်တွင် ကပိလဝတ်ပြည်မှ
ဒေဝဒဟပြည်သို့အသွား လုမ္ဗိနီအင်ကြင်းတော၌ ဖွားမြင်တော်မူခဲ့သည်။

🇬🇳မြတ်ဗုဒ္ဓသည် မဟာသက္ကရာဇ် ၁၀၃-ခု ကဆုန်လပြည့်နေ့ အရုဏ်တက်ချိန်တွင် ဘုရားအဖြစ်နှင့် (၄၅)နှစ်နေပြီး၊

🇬🇳 မဟာသက္ကရာဇ် ၁၄၈ ခု ကဆုန်လပြည့် အင်္ဂါနေ့ ဘီစီ ၅၄၃ မှာ ပရိနိဗ္ဗာန် စံလွန်တော်မူသည်။

#မူရင်းရေးသားပူဇော်သူအားဂါဝရပြုကူးယူမျှဝေပူဇော်ပါသည်။