Grace Property Management - GPM

ယနေ့ကျရောက်တဲ့ သီတင်းကျွတ်အချိန်ခါသမယမှာ လူသားအားလုံး ကျန်းမာပျော်ရွှင်ပြီး ဘေးရန်အပေါင်းမှလည်း ကင်းဝေးနိူင်ကြပါစေလို့ ကျွန်တော်တို့ Grace Property Management (GPM)မှ ဆု‌မွန်ကောင်း တောင်းပေးလိုက်ပါတယ်ခင်ဗျာ🙏🙏🙏

💡💡💡သင် အမှိုက်ပစ်တတ်ပြီလား???

အမှိုက်ဆိုတာ ဘာလဲ???

မေးခွန်းကလွယ်မလိုနဲ့ ခက်ပါတယ်။

အမှိုက်ဆိုတာ ကိုယ့်အတွက် မလိုတော့တဲ့၊ အသုံးမဝင်(ဆက်လက်အသုံးပြုလို့မရ)တော့တဲ့ ပစ္စည်းမှန်သမျှပါဝင်ပါတယ်။

(သူ့အတွက် ဘယ်လိုမှအသုံးမလိုတောတဲ့ သူတွေလိုမျိုးပေါ့ကွာ 😅)

ဒီအမှိုက်တွေဟာ သဘာဝပတ်ဝန်းကျင်ကို မထိခိုက်စေတဲ့(ဂေဟစနစ်ကို မထိခိုက်စေတဲ့) အမှိုက်တွေ ရှိသလို ထိခိုက်ပျက်စီးစေတဲ့ အမှိုက်တွေလည်းရှိပါတယ်။ ဒါဆိုရင် ဘယ်လို အမှိုက်တွေက ပတ်ဝန်းကျင်ကို မထိခိုက်စေတာလဲ?

၁။ စက္ကူများ

၂။ အပင်များ( အပင်၏ အစိတ်အပိုင်းများ)

၃။ စားကြွန်းစားကျန်များ ဆိုပြီး ယေဘုယျ သတ်မှတ်နိူင်ပါတယ်။

ဒါဆိုရင် ပတ်ဝန်းကျင်ကို ထိခိုက်စေတဲ့ အမှိုက်တွေကကော??

အပေါ်က အချက်မှာ မပါဝင်တဲ့ အမှိုက်အများစုဟာ ပတ်ဝန်းကျင်ကို အနည်းနဲ့အများထိခိုက်ပျက်စီးစေနိူင်ပါတယ်။ ဥပမာ- နေ့စဉ်သုံးကုန်များထဲက

-ပလပ်စတစ်ပစ္စည်းများ

-ဓာတုရောစပ်ပစ္စည်းများပဲဖြစ်ပါတယ်။ ဒီအမှိုက်တွေကို မဆင်မခြင် စွန့်ပစ်မိရင် ကိုယ့်ကြောင့် မလိုလားအပ်တဲ့ ပတ်ဝန်းကျက်ထိခိုက်ပျက်စီးမှုတွေ ဖြစ်လာနိူင်ပါတယ်။

ဒါဆို အမှိုက်ကို ဘယ်လိုပစ်ကြမလဲ??

ဖွံဖြိုးပြီးနိူင်ငံတွေနဲ့ ဖွံဖြိုးဆဲ နိူင်ငံအများစုမှာ အမှိုက်အမျိုးအစား ခွဲခြားစွန့်ပစ်တဲ့ စနစ်ကို တွင်တွင်ကျယ်ကျယ်(စနစ်တကျ) ကျင့်သုံးနေကြပါတယ်။ စွန့်ပစ်အမှိုက်ကို အမျိုးအစားပြန်ခွဲလိုက်ရင်-

၁။ ပြန်လည်အသုံးပြုနိူင်သော အမှိုက်များ( Recycle)

၂။ ပြန်လည်အသုံးပြု၍မရနိုင်သော အမှိုက်များ( Non Recycle)

၃။ အပြီးဖျက်ဆီးရမည့်အမှိုက်များ(Destroyed) ဆိုပြီး ခွဲခြားလို့ရပါတယ်။ အသေးစိတ်ပြန်ခွဲလိုက်ရင်-

၁။ ပြန်လည်အသုံးပြုနိူင်သော အမှိုက်များ

- ပလပ်စတစ် အိတ်များ

- အချိုရည်၊ဘီယာဗူးများ

- စက္ကူများ

- သံထည်နှင့် အခြားသော သတ္တုမှထွက်သည့်ပစ္စည်းများ စသည်ဖြင့် အခြေခံသတ်မှတ်နိူင်ပါတယ်။ ဒီအမျိုးအစားတွေမှာ Recycle Symbol ( ♻) လေး ပါပါတယ်။

၂။ ပြန်လည်အသုံးပြု၍မရသော အမှိုက်များ

- ပုပ်ဆွေးလွယ်သော အမှိုက်သရှိုက်များ

- ဓာတုဆေးဝါးမှတဆင့်စွန့်ပစ်ပစ္စည်းများ

တကယ်တော့ ပြန်လည်အသုံးပြု၍မသော အမှိုက်အမျိုးအစား သိပ်မရှိပါဘူး။ ပြန်လည်အသုံးချနိူင်တဲ့အပေါ်မူတည်ပြီး အမှိုက်အားလုံးဟာ သူ့နေရာနဲ့သူ တန်ဖိုးရှိပါတယ်။

၃။ အပြီးဖျက်ဆီးရမည့် အမှိုက်များ

- နံပါတ်(၂)နဲ့ တိုက်ရိုက်ပတ်သက်ပါတယ်။ ဒါပေမဲ့ ဒီအမှိုက်တွေဟာ သဘာဝပတ်ဝန်းကျင်ကို ထိခိုက်စေမှု ပမာဏ ပိုများပါတယ်။

ဒါဆိုရင် အမှိုက်ရဲ့အခြေခံသဘော သဘာဝနဲ့ အမျိုးအစားကို နားလည်လိမ့်မယ်ထင်ပါတယ်။

ကဲ အမှိုက်ကိုဘယ်လို ပစ်ကြမလဲ။

ဖွံ့ဖြိုးပြီးနိူင်ငံတွေမှာ အမှိုက်အိတ်အရောင်အလိုက် အမှိုက်ခွဲခြား စွန့်ပစ်တဲ့စနစ်ကို ကျင့်သုံးကြပါတယ်။🚮

အမှိုက်စို အစိမ်းရောင်အိတ်

အမှိုက်ခြောက် အပြာရောင်အိတ်

ဆေးရုံစွန့်ပစ် အမှိုက် အဝါရောင်နှင့် အနီရောင်

ပြန်လည်အသုံးပြုနိူင်တဲ့ အမှိုက်များကို အမှိုက်ခြောက်အမျိုးအစားထဲ ထည့်သွင်းနိူင်ပါတယ်။

ကဲ ဒါဆိုရင် အမှိုက်ဘယ်လိုပစ်ရမလဲဆိုတာ သိပြီးလောက်ပါပြီ။

🚯"တစ်စမြင် တစ်စကောက်၊ အမှိုက်အားလုံးပျောက်"🚯

နိူင်ငံကြီးသား ပီသစွာ အမှိုက်ကို စနစ်တကျစွန့်ပစ်ပါ။

"ပတ်ဝန်းကျင်သန့်ရှင်းသာယာဖို့ မိမိကစထိန်းသိမ်းစို့"
Photo Credit by net.