Myanmar Dominicans

စိန့်ဒေါမိနစ်အား မယ်တော်သခင်မ ဖော်ပြခဲ့သော စိပ်ပုတီး၏ တစ်ဆယ့်ငါးခုသော ကတိတော်များ။

၁။ သဒ္ဓါကြည်ညိုသောစိတ်ဖြင့် ငါ၏စိပ်ပုတီးကို စိပ်၍ ဆုတောင်းကြသူတိုင်းအား ငါ၏ အထူးကာကွယ်မှိုင်းမခြင်းနှင့် ထူးခြားသော ကျေးဇူးတော်များကို ငါကတိပေးသည်။

၂။ ဇွဲလုံလဖြင့် ငါ၏စိပ်ပုတီးကိုစိပ်၍ ဆုတောင်းကြသူတိုင်းသည် သိသာထင်ရှားသော ကျေးဇူးတော်များကို ရရှိလိမ့်မည်။

၃။ စိပ်ပုတီးသည် ငရဲမီးဒဏ်မှ ကာကွယ်ပေးနိုင်သော ဝတ်ရုံတန်ဆာဖြစ်သောကြောင့် မကောင်းမှုများမှကင်းလွတ်စေ၍ အပြစ်ရှိသောအခြေအနေမှ ကယ်တင်ပေးလိမ့်မည်။ ထို့အပြင် ယုံကြည်ခြင်းလွဲမှားသော အခြေအနေမှလည်း သင်တို့ကို ကာကွယ်ပေးလိမ့်မည်။

၄။ စိပ်ပုတီးသည် ကောင်းသောပါရမီများနှင့် ကောင်းသောအလေ့အကျင့်ကို တိုးပွားစေပြီး ဝိညာဉ်များအတွက် ဘုရားရှင်၏ ကြွယ်ဝသော ကရုဏာကိုရရှိစေမည်။ ဤလမ်းစဉ်များဖြင့် ဝိညာဉ်သည်လည်း သန့်ရှင်းစင်ကြယ်လာလိမ့်မည်။

၅။ စိပ်ပုတီးစိပ်၍ ငါ့အားယုံကြည်ကိုးစားသူတိုင်းသည် ပျက်စီးခြင်းသို့ မရောက်စေရ။

၆။ နက်နဲရာအချက်များကိုထောက်ရှု၍ စိပ်ပုတီးစိပ်၍ ဆုတောင်းကြသူတိုင်းသည် ကံကြမ္မာဆိုး သို့မဟုတ် ဆိုးသောသေခြင်းဖြင့် သေရလိမ့်မည်မဟုတ်။ အပြစ်သားသည် ပြောင်းလဲခြင်းရရှိ၍ ဖြောင့်မတ်သူတို့သည် ကျေးဇူးတော်များ တိုးပွား၍ ထာဝရအသက်နှင့်ထိုက်တန်သူများ ဖြစ်လာကြလိမ့်မည်။

၇။ စစ်မှန်သောသဒ္ဓါကြည်ညိုခြင်းဖြင့် စိပ်ပုတီးစိပ်၍ ဆုတောင်းကြသူတိုင်းသည် အသင်းတော်၏ နှစ်သိမ့်ခြင်း သို့မဟုတ် ကျေးဇူးတော် (စက္ကရမင်တူး) မခံရဘဲ မသေစေရ။

၈။ စိပ်ပုတီးစိပ်သူတိုင်းသည် အသက်ရှင်နေသည်ဖြစ်စေ၊ သေဆုံးပြီးနောက်ဖြစ်စေ ဘုရားသခင်၏ အလင်းတော်အောက်မှာ ကြွယ်ဝသော ကျေးဇူးတော်များကို သူတော်သူမြတ်များနှင့်ထပ်တူ ခံစားရပေလိမ့်မည်။

၉။ စိပ်ပုတီးအား သဒ္ဓါကြည်ညိုသူတိုင်းအား ငရဲငယ်မှ ချက်ချင်း ကယ်ချွတ်ပေးမည်။

၁၀။ စိပ်ပုတီးစိပ်သူတိုင်းသည် ကောင်းကင်နိုင်ငံတော်တွင် ဘုန်းတော်ဂုဏ်တော်ကို စံစားရလိမ့်မည်။

၁၁။ စိပ်ပုတီးစိပ်၍ တောင်းလျှောက်သောအခါ သင်တောင်းသောဆုသည် ပြည့်လိမ့်မည်။

၁၂။ စိပ်ပုတီးစိပ်ခြင်းကို ဖြန့်ဝေသူတိုင်းသည် ၎င်းတို့လိုအပ်ချိန်တိုင်းမှာ လိုအပ်သောဆုကို ငါ့အားဖြင့် ရရှိစေရမည်။

၁၃။ စိပ်ပုတီးစိပ်သူတိုင်းသည် အသက်ရှင်စဉ်ဖြစ်စေ သေဆုံးပြီးနောက်ဖြစ်စေ ကောင်းကင်နိုင်ငံရှိ ရဟန္တာ သူတော်သူမြတ်များအဖွဲ့တွင် ပါဝင်စံစားနိုင်ဖို့ ငါ့သားတော်ထံမှ ကတိတော် ရရှိထားပြီး ဖြစ်သည်။

၁၄။ ယုံကြည်စွာဖြင့် ဇွဲရှိရှိ စိပ်ပုတီးစိပ်သူတိုင်းသည် ငါ၏ချစ်သားသမီးများဖြစ်ကြ၍ ယေဇူးခရစ်တော်၏ ညီအစ်ကိုမောင်နှများဖြစ်ကြသည်။

၁၅။ ငါ၏စိပ်ပုတီးအား သဒ္ဓါကြည်ညိုခြင်းသည် နောင်ဘ၀ သုခချမ်းသာအတွက် အထူး နိမိတ်လက္ခဏာ တစ်ခုပင် ဖြစ်သည်။

ဖာသာရ် ပေါလ်အောင်မြင့်ဝင်း O.P
ဒိုမီနီကန်ကိုယ်တော်