NxgenSchool

AutoGen ဆိုတာ ဘာလဲ?

AutoGen သည် framework တစ်ခုဖြစ်ပြီး များစွာသော agents များ တစ်ခုနှင့်တစ်ခု ဆွေးနွေးတိုင်ပင်ပြီး ပြဿနာများကို ဖြေရှင်းပေးသော LLM applications များ ရေးသားထုတ်လုပ်နိုင်ရန် အတွက် ရည်ရွယ်သည်။ Python နှင့် ရေးသားထားပြီး C #, Python program များတွင် အသုံးပြု၍ ရသည်။

၄င်းသည် AutoGen agents များနှင့် အတူ အသုံးပြုသူ (လူ) များပါဝင်ပြီး ပြဿနာကို အတူတကွဆွေးနွေးဖြေရှင်းရန် စီမံထားသည်။

သီးသန့်လုပ်ဆောင်မှုများ ရှိသော agents များ၊ လူသား ၏ ဆုံးဖြတ်မှုများ၊အကြံပေးမှုများ၊ လုပ်ဆောင်ရန်ကိစ္စတစ်ခုစီအတွက် ရေးသားထားသော programs များနှင့် ကိစ္စတိုင်းအတွက် အဖြေရှိသော LLMs များ ကို လိုအပ်သလို စီစဥ် ရေးသားးနိုင်သော framework တစ်ခုဖြစ်သည်။

A programming framework for agentic AI.

https://github.com/microsoft/autogen

ICT, Information Management System ဆိုတာ ဘာလဲ?

လူမှုစီးပွားရေးလုပ်ငန်းများကို ကောင်းမွန်စွာ စီမံခန့်ခွဲနိုင်ရန်အတွက် ကွန်ပျူတာအသုံးချ တည်ဆောက်ထားသော စနစ်များကို Information and Communication Technology (ICT) သတင်းအချက်အလက် ဆက်သွယ်မှု နည်းပညာ အဖြစ် ခေါ်ဝေါ်သုံးစွဲလေ့ရှိသည်။

လူအဖွဲ့အစည်းတစ်ခုတွင် များစွာသော လုပ်ငန်းများသည် တစ်ခုနှင့်တစ်ခု တိုက်ရိုက် သို့မဟုတ် သွယ်ဝိုက် ပတ်သက်နေသောကြောင့် လုပ်ဆောင်နေသော အချက်အလက်များကို မြန်ဆန် မှန်ကန် တိကျ သေချာ စေရန်အတွက် စနစ်များရေးသား အသုံးပြု၍ သိမ်းဆည်းထားရန် လိုအပ်သည်။ စီးပွားရေးလုပ်ငန်းအချက်အလက်များကို ဥပမာပေးရလျှင် customers, orders, sales, stock, inventory စသည့်အရာများဖြစ်သည်။ မည်သူက မည်သည့်အရာကို မည်သည့်အချိန်တွင် အရေအတွက် မည်မျှကို စျေးနှုန်းဘယ်လောက်အဖြစ် မှာယူထားသည် ဆိုတာမျိုး။
၄င်းသော အချက်အလက်များကို တည်ဆောက်သိမ်းဆည်းပြီး အဖွဲ့အစည်းတစ်ခုနှင့်တစ်ခု၊ လူတစ်ဦးနှင့်တစ်ဦး ဆက်သွယ်ပတ်သက်ပြီးဆုံးဖြတ်ချက်များကို ချမှတ်လုပ်ဆောင်ရသောကြောင့် Information and Communication Technology အဖြစ် ခေါ်ဝေါ်သုံးစွဲခြင်းဖြစ်သည်။ စီမံခန့်ခွဲမှုများ အတွက် သတင်းအချက်ကို တွက်ထုတ်ပေးသော စနစ်ဖြစ်ခြင်းကြောင့် Information Management System အဖြစ်လည်း သုံးစွဲကြသည်။
အတိုချုပ်ပြောရလျှင် လုပ်ငန်းများကို စီမံခန့်ခွဲရာတွင် လွယ်ကူမြန်ဆန်စေရန် ရေးသားထားသော ကွန်ပျူတာ စနစ်များ ဖြစ်သည်။

ICT Systems/Information Management System များကို ခွဲခြမ်းစိတ်ဖြာမှု(decomposition) နှင့် လုပ်ဆောင်မှု တူညီသောအရာများကို အသိအမှတ်ပြုခြင်း (pattern recognition) ပြုလုပ်ပြီး ဘာတွေနှင့် ဖွဲ့စည်းထားသလဲဆိုတာကို Abstraction အနေနှင့်ပြောရလျှင် ဆက်စပ်ပတ်သက်နေသော စနစ်(၃)ခုဖြင့် ဖော်ပြလို့ရသည်။

(၁) a data management layer (အချက်အလက်စီမံခန့်ခွဲခြင်း)
(၂) a business layer (စည်းမျည်းများကိုသတ်မှတ်ခြင်း)
(၃) an interface layer (ကွန်ပျူတာနှင့်အသုံးပြုသူအကြား သုံးစွဲမှု လွယ်ကူစေရန် ပြုလုပ်ခြင်း)

Data management Layer သည်
Data(အချက်အလက်)များကို structure(သတ်မှတ်ထားသောပုံစံ) တည်ဆောက်၍ database (သိမ်းဆည်းသောစနစ်တစ်ခု)တွင် သိမ်းသည်။ eg. Customers, Orders, Sales

Business Layer သည်
Transactions (လုပ်ငန်းဆိုင်ရာ အချက်အလက်)များကို CRUD operations (တည်ဆောက်ခြင်း၊ထုတ်ယူခြင်း၊ပြင်ဆင်ခြင်း၊ဖျက်ခြင်း) စသော လုပ်ဆောင်မှုများ လုပ်ဆောင်ရန် ညွှန်ကြားသည်။
၄င်းအပြင် လုပ်ငန်းဆိုင်ရာ စည်းမျည်းများ (Business Rules)များကို အကောင်အထည်ဖော်သော code များ ရေးသားလေ့ရှိသည်။ eg. ဝယ်ယူသူ၏ ကျောင်းသားဖြစ်ကြောင်း သက်သေပြနိုင်လျှင် 10% စျေးလျှော့ပေးခြင်းမျိုး၊ (၅)မျိုး ဝယ်လျှင် လက်ဆောင်ပေးခြင်းမျိုး

Interface Layer သည်
အသုံးပြုသူနှင့် ကွန်ပျူတာစနစ် အကြား ဆက်သွယ်မှု လွယ်ကူစေရန် လုပ်ဆောင်ရခြင်းဖြစ်သည်။ အသုံးပြုသူ သည် ပုံမှန်အားဖြင့် device တစ်ခုခု (Desktop/Laptop/Tablet/Mobile phone) ကိုသုံး၍ Form(အချက်အလက်ဖြည့်သောပုံစံ) ၊ Dialogs (အမေးအဖြေလုပ်ဆောင်ခြင်း)၊ Report (အခြေအနေပြသော ပုံစံ)၊ Dashboard (ကိစ္စတစ်ခုလုံး၏ အခြေအနေပြ ပုံစံ) များဖြင့် စီမံခန့်ခွဲလေ့ရှိသည်။

Nxgen level (1) တက်ရောက်ပြီး ပြဿနာများ/ကိစ္စများကို code များဖြင့် ပုံဖော်တွက်ချက်ခြင်းများကို လုပ်ဆောင်နိုင်သော အခါတွင် ဒုတိယအဆင့်၊တတိယအဆင့် (Level2, Level3) အနေဖြင့်လေ့လာရမည့်အရာက business information system များအတွက် ရေးသားခြင်း နည်းလမ်းများ ဖြစ်သည်။

Computational Thinking ဆိုတာ ဘာလဲ? (Version 2)

CT သည် ကွန်ပျူတာ ပရိုဂရမ်ရေးသားသူများ ပြဿနာဖြေရှင်းရာတွင် အသုံးပြုသော နည်းလမ်းတစ်ခုဖြစ်ပြီး အဆင့် (၄) ဆင့် ပါဝင်သည်။ ကွန်ပျူတာ ပရိုဂရမ်များကို မရေးသားခင်တွင် စဥ်းစားလုပ်ဆောင်ရသော ဖြစ်စဥ်တစ်ခု ဖြစ်သည်။

(၁) Decomposition – Breakdown a complex problem into smaller/manageable parts
ပြဿနာ/အကြောင်းအရာတစ်ခုကို စီမံလို့ရသော အပိုင်းများဖြစ်အောင် ခွဲထုတ်လုပ်ဆောင်ခြင်း/စဥ်းစားခြင်း
ဥပမာ - ကားတစ်စီးကို Decomposition ပြုလုပ်သော အခါတွင်
ကိုယ်ထည်၊ ဘီးများ၊ တာယာများ၊ ထိုင်ခုံများ၊ တံခါးများ၊ အင်ဂျင်၊ စတီယာတိုင်၊ ဘရိတ် ၊ လီဗာ ၊ ကားသော့ စသည်ဖြင့် လုပ်ဆောင်ချက်များ သီးသန့်စီ ဖြစ်နေသော အရာများ အဖြစ် ရလာသည်။

(၂) Abstraction – generalization of a problem / focus on the big pictures
ပြဿနာ/ကိစ္စများကို အသေးစိတ်ရှင်းပြ/ပြုလုပ်ခြင်း မပြုဘဲ အရေးကြီးသော အရာများကိုသာ ဆွဲထုတ်ဖော်ပြခြင်း
ဥပမာ - စာအုပ်တစ်အုပ်၏ မာတိကာတွင် ပါဝင်သော အကြောင်းအရာများသည် abstraction ဖြစ်သည်။
ကွန်ပျူတာ ပရိုဂရမ်တစ်ပုဒ်တွင် ပါဝင်သော function/methods များသည် ရေးသားထားသော ပရိုဂရမ်၏ လုပ်ဆောင်မှုများကို ဖော်ပြသည်။ ကျောင်းသားတစ်ဦး/လူတစ်ဦး၏ တစ်နေ့တာ လုပ်ဆောင်မှုများကို Abstraction နှင့် ဖော်ပြရလျှင် အိပ်ရာထ၊ရေချိုး၊ကျောင်းသွား၊နေ့လည်စာစား၊ကျောင်းပြန်၊ကစား၊ညစာစား၊အိပ်ရာဝင် ဖြင့် ဖော်ပြနိုင်သည်။

(၃) Patterns Recognition – Recognize if there is a pattern
လုပ်ဆောင်မှု ပုံစံတူညီသော ကိစ္စများ/အရာများကို သတိပြုမိခြင်း/အသိအမှတ်ပြုခြင်း
ဥပမာ - TV Remote တစ်ခု၏ အလုပ်လုပ်ပုံနှင့် ဓာတ်လှေကားတစ်ခု၏ အလုပ်လုပ်ပုံတူခြင်း (TV Remote တွင် channels များ ပြောင်းခြင်း နှင့် ဓာတ်လှေကားတွင် သွားလိုသော အထပ်ရွေးခြင်း)
အရောင်းစင်တာတစ်ခု၏ လာရောက်လည်ပတ်သူများ၏ အလေ့အထကို တွက်ယူခြင်း နှင့် လမ်းဆုံမီးပွိုင့်တွင် ဖြတ်သန်းသွားလာသော မော်တော်ကားများ၏ အလေ့အထကို တွက်ယူခြင်း (ဘယ်အချိန်တွင် လူများသနည်း? ဘယ်အချိန်တွင် ကားများသနည်း?)
ကားရပ်နားစခန်းတစ်ခု၏ ကားရပ်နားနိုင်သော အခြေအနေပြ dashboard / ရုပ်ရှင်တစ်ခု၏လက်မှတ်ဝယ်သူအခြေအနေပြ dashboard/အများသုံးခရီးသည်တင် ကားတစ်စီး၏ လက်မှတ်ဝယ်ယူအခြေအနေပြ dashboard တို့၏ အခြေအနေပြ သဘောတရားများ တူညီခြင်း (Resource Allocation Status dashboard)

(၄) Algorithms – steps by steps instructions to solve/do/perform
ပြဿနာတစ်ခုဖြေရှင်းခြင်း/ ကိစ္စတစ်ခုလုပ်ဆောင်ခြင်း အဆင့်ဆင့်ကို စနစ်တကျ ဖော်ပြရေးသားထားသောအရာ
ပြဿနာဖြေရှင်းရာတွင် ဘယ်လိုလုပ်မည်၊ ဘာကစမည်၊ ဘာပြီးရင် ဘာကို လုပ်ရမည်၊ လုပ်ဆောင်သောအခါတွင် မည်သည့်အရာများကို သတိပြုရမည် စသည်ဖြစ် လိုအပ်သောအဆင့်များ/အရာများ အားလုံးကို စနစ်တကျ ရေးဆွဲထားသော PLAN
၄င်းကို ပုံမှန်အားဖြင့် pseudo code, Flowchart များဖြင့် ရေးသားထားလေ့ရှိသည်။

ကွန်ပျူတာ ပရိုဂရမ်မာ တစ်ဦးသည် code မရေးသားခင်တွင် အထက်ပါ အချက် (၄) ချက် ကို စဥ်းစားလုပ်ဆောင်လေ့ရှိသည်။