Hausa Online

A ƙarshe, Gwamna Yusuf zai koma APC ranar Litinin

Gwamnan Jihar Kano, Abba Yusuf, zai shiga jam'iyyar All Progressives Congress, APC, a hukumance, a ranar Litinin, in ji jaridar DAILY NIGERIAN.

Mista Yusuf, wanda shi kaɗai ne gwamnan New Nigeria Peoples Party, NNPP, ya riga ya isa Abuja don shirye-shiryen ƙarshe na sauya shekarsa.

Majiyoyi da s**a saba da shirin sauya shekar gwamnan sun shaida wa DAILY NIGERIAN cewa Mataimakin Shugaban Ƙasa Kashim Shettima da shugaban jam'iyyar na ƙasa Yitwalda Nentawe za su karɓi baƙuncin gwamnan a Abuja.

Tuni aka kira shugaban jam'iyyar a Kano, Abdullahi Ganduje, daga tafiyar Dubai, a daidai lokacin da aka nemi shugaban jihar, Abdullahi Abbas, ya rage tafiyarsa ta aikin hajji don ba wa gwamnan katin zama ɗan jam'iyyar APC a gundumarsa ta Diso ta ƙaramar hukumar Gwale ta Jihar Kano a cikin makon.

Shugaban Najeriya Bola Ahmed Tinubu ya yi kira ga 'yan Najeriya da su kasance masu fatan samun sabuwar shekara mai albarka a shekarar 2026 yayin da gyare-gyaren da gwamnatinsa ta fara ke tafiya daidai, "tare da ƙarin sak**ako mai kyau ga talakan Najeriya."