Al Amsal

LABARAI.

Za Mu Bayyana Makaman da Ba Ku Taɓa Gani Ba, Muna Shirye Mu Yaƙe Ku Tsawon Shekaru — Iran

Rundunar sojin musamman ta Iran, Islamic Revolutionary Guard Corps (IRGC), ta fitar da gargaɗi mai tsanani ga United States a yayin da ake ci gaba da rikice-rikicen da s**a biyo bayan manyan hare-haren soji daga Amurka da Israel.

Wani babban janar a IRGC ya bayyana cewa Tehran za ta bayyana nan ba da jimawa ba wasu makamai “da ba ku taɓa gani ba a baya,” yana mai jaddada cewa ƙasar tana da cikakken shiri na fuskantar Washington “tsawon shekaru.”

A cikin wata sanarwa da aka fitar a daren Asabar, Janar Ebrahim Jabbari, wanda ke cikin manyan kwamandojin rundunar sojin Iran, ya ce ƙarfin tsaron ƙasar ya ƙaru sosai cikin ’yan shekarun nan, kuma nan gaba kaɗan za a nuna sabbin tsare-tsare da ba wani maƙiyi ya taɓa gani ba.

Janar Jabbari bai bayyana takamaiman bayanan makaman ba, amma ya jaddada ƙaruwa da ƙarfafa ikon Iran na kare yankinta da muhimman muradunta a yayin rikici mai tsawo.

Wannan kalamai sun zo ne a daidai lokacin da ake fuskantar matsin lambar soji daga Amurka da Isra’ila, bayan Shugaban Amurka Donald Trump ya sanar da “manyan ayyukan yaƙi” a Iran, yana danganta hakan da abin da ya kira barazanar gaggawa daga shirye-shiryen makaman roka da na nukiliyar Tehran.

Trump ya sha alwashin rusa cibiyoyin makaman rokar Iran tare da hana Tehran mallakar makaman nukiliya, yana kuma kira ga jami’an tsaron Iran da su mika wuya domin kauce wa ƙarin zubar da jini.

A nasa bangaren, Janar Jabbari ya sake jaddada cewa rundunonin Iran a shirye suke don dogon gumurzu, yana mai cewa mayaƙan ƙasar sun tanadi kayan aiki da ƙarfin da za su jure tsawon rikici tare da jawo mummunar asara ga duk wani mai kai hari.

Shin kuna ganin wannan bazai iya jawo yaƙin duniya na 3 ba kuwa?




゚viralシ

Halastaccen Sarkin Kano Sanusi!

Er Jarida Mai Capacity!🥱