Pj Collection Clothings

Client: PJ, this outfit fine oh! I love it die. My babe dey come—make she see am first.

My students for shop: Oga your cloth fine well well. E fit you perfectly.

So we’re all there, patiently waiting for the babe.
💥 Boom! Madam enter like NEPA light.

Client: Babe, how you see this outfit na?

Babe: Hmm… e no fine oh. The trouser too big, the top sef too big. And this designer zip for front? Abeg comot am, e no fine at all.

At that point, my face change.
All my apprentices’ faces change together.

Even the mirror self shock.

Client: Okay na, my babe be my final say. Bros, make we adjust am.

Me: Oga, this was your own specification and choice. I don do exactly wetin you ask for. If you want adjustment now, you go pay extra money.

Client: Babe no worry. I go manage am like this. Next time, we go do am the way you talk.

📌 Case closed.

Honestly, I no fit allow anybody come stress me for what them clearly choose.
But some girls ehn… 😂
Na wa oo.