Pramod Mahato प्रमोद महतो

करिब ६० वर्षदेखि लालपुर्जाविहीन अवस्थामा रहेका गौशाला नगरपालिका वडा नं. ४ का नागरिकहरूलाई ३४ वटा लालपुर्जा वितरण गर्न सफल भएका छौं। यस कार्यले स्थानीय बासिन्दाको जग्गा स्वामित्व सुनिश्चित गर्दै उनीहरूको लामो समयदेखिको समस्या समाधान गर्न महत्वपूर्ण योगदान पुर्‍याएको छ।

महोत्तरी क्षेत्र नं. १ अन्तर्गत बर्दिवास नगरपालिका वडा नं. ३(कालापानी) मा वन कार्यालयका DFO द्वारा एकतर्फी तथा जनतालाई दुःख दिने किसिमले सूचना जारी गरी घर खाली गर्न अन्यथा घर भत्काइने चेतावनी दिइएको विषयप्रति मेरो गम्भीर ध्यानाकर्षण भएको छ। नेपाल सरकारको तर्फबाट त्यस्तो कुनै हाललाई निर्देशन नभएको स्पष्ट गर्न चाहन्छु र
राष्ट्रिय स्वतन्त्र पार्टीलाई बदनाम गर्ने नियतले केही बिचौलियाहरु स्थानीय चुनावलाई लक्षित गर्दै हाम्रो पार्टीलाई बदनाम गराउन खोज्दै छन्। त्यसकारण कसैको भ्रममा नपर्न सम्पूर्ण आदरणीय आमाबुवा दाजुभाइ तथा दिदीबहिनीहरुमा हार्दिक अनुरोध गर्दछु।
म सदैव तपाईंहरूको पक्षमा दृढतापूर्वक उभिएको छु। यहाँका प्रत्येक नागरिकको सुरक्षा र अधिकारको रक्षा गर्नु मेरो जिम्मेवारी हो।
त्यसैले सबैलाई संयमित रहन, शान्तिपूर्ण रूपमा घर फर्किन तथा हाल कुनै आन्दोलन नगर्न हार्दिक अनुरोध गर्दछु।

साथै यस विषयमा प्रमुख जिल्ला अधिकारी (CDO) तथा मधेश प्रदेशका वन मन्त्रीज्यूसँग समेत कुराकानी भएको छ। उहाँहरूले समेत त्यस्तो कुनै निर्देशन जारी नभएको स्पष्ट पार्नुभएको छ। त्यसैले जनतालाई अनावश्यक त्रास सिर्जना गर्ने कार्यप्रति गम्भीर रूपमा ध्यान दिँदै सम्बन्धित DFO अजय मिश्राज्युलाई भोलिनै प्रदेश कार्यालयमा बोलाई आवश्यक स्पष्टीकरण लिने प्रक्रिया अगाडि बढाइनेछ।

धन्यवाद!